ارجع شعر

وينك فقدتك يابعد روح مغليك
طول غيابك واشتعل جمر شوقي
عسى الغياب اللي بعيد موديك
عني يكون الخير مانع وعوقي
في غيبتك كل المشاعرتناديك
ترجي رجوعك والامل بالشروقي
ارجع فديتك ياغلاتي لاراضيك
الحزن نوخ والهنايا سروقي
والصبح ذاك الصبح يومي احاكيك
متالم لفقدك ويسال خفوقي
وينه حبيبك مااشوفه حواليك
غابت رعوده عنك وغابت بروقي
وكل السحاب بدنيتك راح ناسيك
واصحت سماك بشمس تلهب حروقي
من بعد ماكان المطر دوم يسقيك
ابشوفته كل المشاعر تروقي
هذا الصباح اللي بحضنه الاقيك
شاحب ويبكي غيبتك مايفوقي
وكل الذي حولي تحرى حراويك
ساعةرجوعك يمطر الفرح فوقي
بعدك غرق في موج حزني واياديك
هي النجاة ارجوك انا مد طوقي
من كثر ما كلي امل التقي فيك
نبضي نطق وينك ويبكيك موقي
علمني وينك ياحياتي وانااجيك
لو الخطر سايد في كل الطروقي
لني انا مااقوى فراقك واحاتيك
ونبضي بدونك ميت في عروقي