شبابنا كله راح والعيال مهيسه
بالزمه ديه في حيتنا تبقى حاجه كويسه
ترمادول على ارتدوال كونتريمال وتامول
المفروض انى مقولش بس ديه الاصول
حبوب منشطات وده كله للشباب
شبح انه ضرب خلاص بيقولو الكيف غلاب
تعالى وانت صاحى بص لنفسك فى المرايه
هتلاقى انسان ضعيف وهتبقى هي ديه النهايه
شكلك ايه ادام صحابك لما تكون انسان ضعيف
مفيش فلوس فى جيبك حتى شكلك مش نضيف
ع طول قاعد متيس ع النواصي قاعد تهيس
يا خساره ع الشباب مبقاش ف حد كويس
هحيلكوا عن واحد قتل اخوه عشان حبايه
يا اخوانا فوقوا خلاص هو اللي بقولوا مش كفايه
شبابنا كله راح والعيال مهيسه
بالزمه ديه في حيتنا تبقى حاجه كويسه
عينك حمره ذى الدم
وكانك شايل الف هم
نفسى مره تفوق لنفسك
نفسى مره تفوق للهم
مفيش هدف للانسان
كله بيفكر فى الادمان
حياتنا راحت فى الاحلام
والشباب على طول تعبان
الشباب على طول مهموم
شماعه علي الهدوم
حق الناس عمال يتاكل
والفقير حقه مهضوم
والدنيا مش مشاكل
مهما كترت الهموم
الدنيا ضحكه حلوه
مش حبايه او مظلوم
شبابنا كله راح والعيال مهيسه
بالزمه ديه في حيتنا تبقى حاجه كويسه
الدنيا هتتغير واحنا هنفضل زي ما احنا
عمرنا ما فكرنا يوم اننا نحس بروحنا
الدنيا بين ايديك بس انت يوم فكرت تغير
هتلاقي ناس جديده ف الدنيا عماله تتغير
اكيد مش هتفضل ع طول واقف ف مكانك
هتلاقي نفسك واقف مبتتزقش من مكانك
هتشوف نفسك ف الدنيا الضعيف ملوش مكان
مفيش فلوش ف جيبك وههتشاط ف الحيطه قوام
شبابنا كله راح والعيال مهيسه
بالزمه ديه في حيتنا تبقى حاجه كويسه
الغريب ان البنات كمان بقت ضريبه
بتدور ع الصفاره وهي دي للمصيبه
البنات ع طول خرباها والمدارس مش سيباها
والشباب ع طول واقفين قدام الباب متجمعين
اللي خارجه بحمالات وهي اساسها بيبهات
واللي واقفه ع البيوت مع الشباب متدمعين
بيفكروا يضربوا هنا ولا ع فين رايحين
الحقيقه ليه بتوجع واحنا ليه ع طول ساكتين
افتكاسات طالعه ف حياتنا من غير ما نسال ف روحنا
واحنا ع طول ماشيين من غير ما نسال فين رايحين
اللي عاملي فيها ايمو واللي عاملي فيها حليم
نفسي مرة نسال روحنا احنا ع فين رايحين
البرامج دايسه فينا بدل ما تلاقي حل لينا
عمالين نفكر امتي يكون الحل بين ايدينا
اللي يفكر ف الغربه واللي يفكر ف مارينا
اللي بيلاقيله حل واللي بيداس من الظلم
بس خساره ع الشباب مش لقينله فيها حل
ويجيبوا اللوم ع الكل الصايع والضايع واللي مش لاقيله حل
شبابنا كله راح والعيال مهيسه
بالزمه ديه في حيتنا تبقى حاجه كويسه
