يمه
يا يمه منتهي جيتك وطالب منك الغفران *** اقبل قاعة اقدامك واغسلها بدمعاتي
يا يمه كل ما فيني ينادي لك انا ندمان ** طلبتك قولي سامحتك وردي لوجهي بسماتي
انا ادري قلبك الطيب كسرته بصدمة النكران *** غلطت وغلطتي هذي تعير كل غلطاتي
تشوف الشيب يا يمه ترى ما جاء وانا فرحان *** ورب اللي رفع ذاتك ونزل للردى ذاتي
فقدت الراحة من بعدك فقدت الطيبة والتحنان *** بدونك راحتي غاية بيدينك هذي راحاتي
انا … انا بعدك ولا حاجه انا بعدك ترى عميان ** * اشوف ولا اشوف اللي يوريني مساراتي
انا وسيد الشقاء والهم من بعدك غدينا اخوان ** يجيب هموم هالعالم ويرميها بمتاهاتي
صدقتي يوم قلتي لي تدين اليوم بس تندان *** رميتك في بداياتي ورموني في نهاياتي
انا من شالك بايده ورماك باسفل البركان *** نخيتيني وطلبتيني ولا حصلتي نخواتي
مثل ما هنتي بعيوني عليهم قلبي يمه هان *** رموني وضعفهم فزعه وانا الدمعات فزعاتي
يا يمه لا تظنيني انا من فعلهم زعلان *** سوات فيك سويته وسووا فيني سواتي
يا يمه يا الله ضميني ودفيني بين الاحضان *** انا ادري فيك مشتاقة وهمك بس ملاقاتي
يا يمه … يا يمه حيل ضميني ابي ارتاح انا تعبان *** تعبت اهرب من ذنوبي ابي اجا خر مسافاتي
ابسمع منك اي كلمه لصوتك مسمعي ولهان *** ابسمع يمه بصوتك ابذكر فيها نشواتي
اشوفك ساكتة يمه رضيتي ولا انا غلطان *** رضيتي يا بعد عمري تعبتي من مواساتي
يا يمه … يا يمه … يا يمه .. .*** طالبك قومي اذا لي بعيونك شان
اشوف الموت بعيونك عساها تخيب هقواتي *** تعالوا يا بشر شوفو انا محتار انا تلفان
انا امي ما ادري وش فيها انا مدري انا احاتي *** شنو .. شنو .. امي انا ماتت لا … لا ترى غلطان
انا امي ما تخليني على حزني ووناتي *** انا امي قلبها طيب ولا يمكن تبكي انسان
انا امي ما تبكيني ولا تتمنى اهاتي *** يا يمه صح ما متي وصح الموت تو ما حان
اذا متي انا بعدك ابقضي وين ساعاتي *** يا يمه قومي وقولي الموت لا ما كان
انا جيتك وانا ناوي ابدل فيك جناتي *** تركتيني ومتي ليه تركتيني وانا غرقان
ولا مسموح يا وليدي ولا تلعنك لعناتي ** * انا الجاني وانا المجني وانا المخطي وانا الندمان
وانا بيدي رميتك ايه وبعثرته ملفاتي *** وجيت من الهناء مبلغ وقلبي من الضناء خسران
تركتيني على ناري اعدد فيك زلاتي *** ولا نيب مرضي ربي ولاني تابع الشيطان
انا بعدك ترى مابين نهاياتي وبداياتي *** يا يمه منتهي جيتك وكلي مرتجي غفران
وشفت الناس تلعني وتحذرني من الاتي .
