يفضل شراء الملابس الجاهزه ولاتكثرين من الخياط لانو حظوظ
ولاتكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات
واللون البرتقالي والفوشي حلو مع الذهب يحلي العروس باالاضافه للفضي اذا كان معاه كريستالات فضيه
والعنابي
والوردي
والكحلي
والسماوي
اذا كان داخل عليها الذهبي
باالنسبه للموديلات لاتروحين للمصمم لانو بياخذ على الرسم مع ان الرسم عادي ويقدر اي احد يرسمه
عندك اقرب بقاله خذي مجموعه من المجلات المعروفه
سيدتي- الجميله-كل الاسره-زهره الخليج-اسرتي-لها
تلاقين فيها عروض ازياء تناسبك وقمه في الاناقه والذوق وبرضه جديده وتوفر عليك اختيار لون ونوع القماش احلى من مجلات الازياء الخاصه لمسات وغيرها نقي لك منهامديل فستانين واحد للصباحيه وواحد احتياط وخيطيهم عند اي خياط تثقين فيه
اما ملابس الزيارات راح تلاقين في السوق تيورات كشخه ومناسبه لمقاسك وجاهزه من غير ماتعذبين نفسك في الخياط ومشاكله
برضه راح تحتاجين
جلابيات للاستقبال او اذا كنتي ساكنه مع اهل زوجك
باالاضافه للتنانيرالجينز والاسود اللي تناسب كل تي شيرت ولاتنسين مديل اللف منها كلها انوثه ممكن تفصلين لك كم وحده تلبسينها لما تخرجين مع زوجك نزهه او مطعم
وبناطلين حلوه لشهر العسل
(الذهب )
لاتكثرين لانو راح يجيك هدايا سواء من اهلك او من اهل زوجك
خذي لك طقمين ابيض واصفر واذا كنتي ماتحبين الذهب الاصفر
لاتكثرين منه لانو حلاته يوم الصباحيه اذا جيتي بتسلمين على اهله وبس
فااحلى شي يكون ذهب ابيض والماس
ساعه حلوه
واساور مع الساعه
وطقم ناعم
خواتم
فيه تعليقات الماس قمه في النعومه واللمعان عند الثميري في الرياض
(الشنط)
الموضه في الشنط المشكوكه
راح تلاقين اشكال حلووه باالمره وخذي لك ثنتين عمليات
لما تطلعين مع العريس
الله يرحم ايام زمان كانت شنطتي كبر كفي
وهذه ماركات شنط حلوه
فندي و جوتشي و كريستيان ديور و لويس فيتون و جيفنشي و الكارتير و الشانيل بولغري تورنتو واستغلي وقت التخفيضات
(اغراض الحمام)
طقم روب
عدد من الفوط
شامبوهاتك وصوابينك المفضله
كريم حمام زيت<< ضرووووري بتدعين لي
شفرات حلاقه واختاري نوعيه جيده وماتسبب لك حساسيه وتخلصي من الشفره فور الاستعمال
رغوه حلاقه فيه رغوه حلاقه باالتوت لونها موف تلاقينها في السوبر ماركت تقريبا ويجي معها شفره كهديه لكن الرغوه روووعه وريحتها تجننننن
كريم صنفره
اسكينول منظف للبشره
فرشاه +معجون
مطهر غسول للفم هذا تستخدمينه بعد ماتفرشين جدا منعش وريحته منعشه
حبيبات بنكهات معطره للفم موجوده باالصيدليات
رغوه للجسم:احلى الرغوات:
صانسليك- B5 وتجي معاه ليفه ناعمه جدا-
برضه ممكن تستعملين رغوه نونو الخاصه باالاطفال تخلي جسمك ناعم جدا
حلاوه لازاله شعر الجسم واحلى حلاوه مجبره هي :شهرزاد لونها موف وغطاها ابيض
غسول للمنطقه الحساسه صابون سائل في الصيدليات بثلاث نكهات يعتبر غسول للمنطقه جدا ممتاز وصناعه فلبينيه فيه باالتفاح والفراوله والنعناع
بودره المسك (للمنطقه الحساسه) تلاقينها عند العطار
مقصات ومبارد الاظافر
شموع +ولاعه <<<تعلمينه انك رومانسيه بعد ماتطلعين مستحمه خلفي ورى خروجك من الحمام شموع مولعه
فواحه بحجم الكف تلاقينها عند زهور الريف وعندهم انواع متعدده من الزيوت العطريه اللي تستعمل مع الفواحه اختاري اللي يناسب ذوقك راح تعطي الحمام ريحه حلوه
ولاتخلينها فتره طويله مولعه علشان مايسير الحمام مخنوق ربع ساعه تكفي
علبه ديتول
اعود قطنيه
فازلين
(علاجات)
بندول
نصيحه
بعض العرائس ياخذون معهم حبوب منع الحمل مع التجهيز وهذا غلط خليها على الله وبعد انجاب او طفل فكري فيها
لانك ماتعرفين طبيعتك هل انتي قادره على الانجاب او لا..او راح تحملين بسرعه او لا..وفيه ناس تعودت ارحامهم على حبوب المانع لانهم اخذوها من البدايه وصارو يعالجون منها
باالنسبه لصديقتي في بدايه زواجها مااخذت ولاشي..وجلست 9 شهور تقريبا بعدين حملت
وكل وحده تختلف عن الثانيه فيه ناس ماحملت الا بعد سنتين او سنه
وفيه ناس من اول شهر ونادرا ماتسير..ونصيحه لاتفكرين ابدا بحبوب منع الحمل لانها تخرب البشره والنفسيه وكلها تنعكس عليك
(الجزم)
شباشب انيقه للبيت
جزم مع فساتينك مشكوكه وناعمه
شباشب مشغوله
وجزمتين للطلعه مع زوجك يعني عمليه
وشباشب للحمام
(العطور)
هذه بعض العطورالرائعه
العربيه
مسك لزج يجننن عند عبد الصمد القرشي
عطورات اجمل كلها حلوووووووه
الفرنسيه
ريميمبر مي
اديكت من كرستيان ديور
الترا فيوليت
هابي هارت من كلينك
مادنس madness من شوبارد
فان كليف
تندر بويزن من كريستيان ديور
لاكوست
No5من شانيل
اليزابث اردن
عطر الشيخ
قوتشي
فيرساتشي
ايتيرنتي لوفي
مونتيل
لانفان
باكو رباني
212
بلجر
wish
نوا
وهذه عطورات تنفع للنهار
نيبتون من زهور الريف
توت العليق من زهور الريف
سويت كامليا من زهور الريف
المسك الابيض من زهور الريف
انجل من زهور الريف
عطر باالفانيليا من نكتار
التوت البري من نكتار
المسك الثلجي من نكتار
عطر دريم
انانيا فيه عند بودي شوب ونكتار
المسك من بودي شوب
اوشنس من بودي شوب <<توحمت فيه صديقتي وماتحبه والا حلو
مون فلورمن بودي شوب<<برضه توحمت فيه وكرهته بس حلو
(المفارش)
اختاري اثنين فقط
واحد ابيض وواحد مشجر
وخوذي معها قماش شيفون تقريبا مترين بنفس لون المفرش وارميه على طرف السرير.او علقيه على تاج السرير يعطي منظر حلو للمفرش
وممكن تضيفين عدد من المخدات المربعه للمفرش يوجد مخدات مفرده باالوان متعدده تعطي منظر جذاب للسرير وتزيد من فخامه المفرش
اختاري كريم اساس خفيف تلقينه عند ماكس فاكتوروبودي شوب
اما الارواج والجلوسات اللي تناسب النهارتلاقينها عند(ماكياجي..زهور الريف..بودي شوب..نكتار
مكياج الليل
ماكياج الليل لازم يكون اكثف من النهار
باالنسبه للاساس احلى شي
ماك..جفنشي….كريستيان ديورويجي ضغاط يعني زي البخاخ ..كانيبو…فور ايفر وابتعدو عن نينارتشي يطلع قشور ويخلي وجهك كانو مصبوغ في بويه
كونسيلر فور ايفر تجيك علبه وفيها خمس الوان اخضر لاخفاء حبوب الشباب وانشاءالله ماتحتاجينه اذا سويتي تقشير..وفيه البني والبيج ثلاث درجات لتغطيه الهالات حول العيون..كريولان واختاري الاصفر والبني والبيج البيج اذا كان فيك حبه ظهرت فجئه ولونها احمر فاقع ههههه والاصفرعلى جسر الانف والبني على جوانب الانف
كريم اضاءه
ريفلون..ماك..كريولان
بودره اضاءه ماك..بودي شوب
بودره بلمعه مافيه زي ريفلون خذي كل الثنتين البيضاء والبرونزيه
الكحل كريولان لانكوم وكحل القلم الجاف من جفنشي خطيييير
الشدو كريولان ..فور ايفر ..ماك..ووخذي علبه كبيره فيها جميع الالوان تلاقينها عند ماكياجي للاحتياط وشدوهاتهم حلوه وفيه عندهم ماركه نوبا شدوهاتها تهبل
- لوازم جهاز العروسة
- احلى مديل حلاقة 2019
- تجهيزات العروس البرونزية من الالف الى الياء
- فاليزات 2020
- ملابس (مقامة الحمام للعروس ٢٠١٩
