الكرم صفة من صفات البدوي الطيبة ، وسجية من سجاياه الكريمة التي لا زال يتمسك بها واكرام الضيف خلق من الاخلاق الحميدة التي توارثها العرب واشتهروا بها ولازالت الى يومنا هذا والطيب صفة محبوبة عند العرب عامة وعند البادية خاصة ويتوارثها الابناء من الاجداد واشتهرت القبائل العربية غالبها بصفة الكرم واغاثة الملهوف وحماية الدخيل والجار وتميزت قبيلة عنزة بان اصبح مضرب المثل بها فعند ورود الكرم والطيب يذكر الشيخ بن مهيد مصوت بالعشاء وذلك كما سبق لحاتم الطائي ان حصل عليها وبلاشك ان اكرم الناس هو سيدنا محمد عليه افضل الصلاة والسلام فعن انس بن مالك رضي الله عنه قال [ كان النبي صلى الله عليه وسلم احسن الناس واجود الناس واشجع الناس] رواه البخاري وقد حث ديننا على اكرام الضيف وجميع الصفات الحميدة وذم البخل وجميع الصفات السيئة والطيب لايدرك الا بالطيبين الذين يسعون اليه جاهدين يبذلون المال من اجله والطيب في عصور مضت لهو اشد واقوى وقعا في النفس لشح المال في ذلك الوقت ودعونا نستعرض بعض الابيات في ذلك ومما قاله بعض الشعراء في ذلك
يقول محدى الهبداني :
الطيب يدرك بالكرم والشجاعه = لا شك ما قدروا عليه الرديين
الطيب صبر وقو باس اوقاعه = والغانمة تعرض بكل الاحايين
الطيب بير ما احد قاس قاعه = والمرجله ما تنوصل غير باثنين
سيف شطير الحد صلب القطاعه = ومنسف يقلط للضيوف المجيعين
ومن غر من هذا يسوق الرتاعه = لو هو عريب الساس ينعد مسكين
قصيدة تركي بن شامخ الجعفري
القرم ما يداني الزوده = ولا عقبوه الهلابيسي
حلال عقد هذا كوده = ويبري لهود مراميسي
والطيب شفه ومقصوده = ضاري لكسب النواميسي
هداج لو كثرت اوروده = يروي كبود ميابيسي
قصيدة الجميشي
افطن لذكره مع العربان = كان انت بالطيب بحلاني
له ربعة تشبع الجيعان = ويذبح مع الحيل خرفاني
قصيدة صالح بن هذلا الخمشي
واذكر لكم يا اهل القلوب الغواطيس = الطيب لولا قوة الصبر غادي
فهد بن دغيم الخمشي
الشايب اللي به من الطيب ثنتين = للضيف ريف ويروي المرهفاتي
لطيف للصاحب وعلى العدا شين = ومن صادقه حاش الفخر والنجاتي
ناحي الجعفري يقول
خطو الولد لو هو كثير ماله = يروح ماله كالهباء المنثور
ما يعطي المحتاج لا جاء عاني = ولا يبدي اللي يرتجون الشور
ولاني بهلباج ضعيف شانه = يعد فعول الطيب وهو مثبور
قولت هلا للضيف عندي عاده = وعلى قصيري والخوي صبور
قصيدة احد الشعراء بالفارس فرز البوهي الجعفري
مرحوم يا مشيد الربعه = يضحك احجاجه اليا ضيفي
الكرم والطيب من طبعه = ما عقبوه الهذاليفي
قصيدة الدسيم الدوامي
وزين النبا ما يدركه كل مثبور = والطيب مع الناس يا بعد ماده
من قصائد محمد الدسم
لا تعاشر الا الطيب ابن الطيب = واللي لهم بالطايلات وقوف
ولا الردي لا جيت له تشتكي له = مابه عراش وهو غني مشحوف
قصيدة السديري بالشيخ اورنس الشعلان
رقى سنام المجد والطيب حازه = وبيته لعصمان الشوارب مداهيل
هزيم حطوا حفرته بالعزازه = براس الطويله وارفع القبر بالحيل
ومن الذهب حطوا لقبره اركازه = ومن صافي النيروز حطوا قناديل
قصيدة قاسم الفداغي بالرسالين
نعم القبيلة ثم نعم الرجالي = والطيب ساسه له الاجواد بادين
اصل رفيع من العمام وخوالي = من ساس لابة بالحرايب ضريرين
كسابت الطولة بطيب الفعالي = انا اشهد انهم من البدايد شريفين
قصيدة خليف الخالدي بالشيخ سوعان الهديب
ملفاك وجه الندا نعمين = سوعان نسل الاجاويدي
بيته اكسوره تقل ضلعين = بيته مخومس تقل حيدي
كل يوم لضيفه يزود بزين = تجدد بالطيب تجديدي
نقيم ما هقوتك عجلين = مامن اشكوك ومناقيدي
قصيدة فهد المارك الشمري بالشيخ خليل المهيد:
اخوان قطنه ما بهم عيب وقصور = تشهد لهم بالطيب كل القبايل
واخص انا من كان بالطيب مخبور = ما هو خفي يا اهل القلوب الهبايل
وهذه قصيدة لاحد الشعراء بالشيخ محمد الفرحان المطلق الايداء
مرحوم يا شيخ فعاله مجيده = فرحان الايداء من مشاهير عناز
شيخ ضهر شوفات طلعه بعيده = شبحه بعيد ودوم بالطيب يمتاز
شيخ شهر علمه وزايد حميده =عقله ثقيل بكامل الوزن ما ايراز
من شعر دخيل الله بعيسى بن جهاد الحريري
يا شيخ انتم منقع الفخر والطيب = وانتم هل الزينات واهل الكرامه
كم واحد يلجالكم بالمصاعيب = وتزول من عقب المشقه الامه
وهذه قصيدة سعد مقبل عيسى الحريري
لا شك من يفخر بجده وماضيه = من واجبه بالطيب يرفع علمها
يا عاد مالك بينا تستتر فيه = ما ينفعك جود الجدود وكرمها
قصيدة حمير البلعاسي
وش عذرنا للمزاييني = كان على الجيش ما جينا
لعيون من تدعج العيني = على الركايب توصينا
انتم على الطيب مقفيني = وحنا على قد عانينا
قصيدة يوسف بن مجيد
اولاد عبدالله هل الفعل والطيب = مهارهم طوعات وارقابهن عوج
وهذه القصيدة لاحد الشعراء بالشيخ هزاع الحمادي
يا شيخ ياللي تفعل الطيب يمناك = هداج تيماء كل حي دري به
تمشي على درب المكارم مطاياك = شجرة وفاء وظلال من يلتجي به
نعمين يا هزاع لا حل طرياك = ترفع لك البيضاء براس الجذيبه
يالوايلي لو طول الوقت ما انساك = مواقفك ما هي عليه غريبه
- شعر عن طيب الاصل
- شعر عن الاصل والفصل
- شعر عن الاصل الطيب
- شعر عن ابن الاصل
- امثال عن الاصل الطيب
- كلمات عن الاصل الطيب
- ابن الاصل شعر
- شعر عن الاصل
- شعر بدوي عن الاصل
- شعر عن الأصل الطيب
