فية اليوم فتاة دازة راس بيت =اتقول به اليوم نرفض حبك ياشاب و لى سبب لى انحبه يطلع كذاب .
راس بيت =اكويس لكن اشباب ما همش زي بعضهم به لكويس و به لمش اكويس انرد اعليها انا”
ونقللها ليش ترفضية الحب شن اسبابة مش جميع اشباب هم كذابة .
انقللها انتي اختيارك موش فلى خيرة لا يعرفوة الحب لا تفسيرة .
ترة جربى مع شاب ديرى غيرة ما يعرفش الحب كيف اعذابة ترة جربى و اسية ديرى غيرة مع شاب متواضع و لية اطرابة و شبوب كيف اكون لية اضميرة تو تعرفية الحب كيف اعذابة .
انقللها و الحب لية مبدى و حب الشوارع حب واحد فاضى يتسلى اعليك اليوم عندة عادي و مع غير غيرك اعديد سكر بابة و ذلك قلبة بين جاى و غادى المفروض مدرتيش لية احسابة و انتي اغلطى يا ام العيون اعوادى لى يزرعة يطلع صابة .
انقللها و لحب موش ابصارة خليك فاضية و قلب طفى نارة لا يركبك صداع و لا تطلع اعليك حرارة و انسى غلاة و سكرلة بابة و به اشباب و البنوت لغدارة و به منو على الغيات اقفل اكتابة .
لكن ثم قلت حسب يعني ما اتخيلت بالك ها الشباب انتاع الموضة هذولة انتاع الزينة .
انقلها و اكيد من شباب الزينة و لى يلبسو فلبس ما هو لينا و تلقية فالشارع و عما التركينة و ملعق السماعات و تلفون حاطة فاجنابة و مطول اشعراتة و مكحل عينة و تلقية فالشارع و عمة اصحابة و ملعق سليسلة فرقبتة يا اختي و ذلك سؤالى اكيد هي الاجابة (( قتلى و الله لا صحيح ))
ليش ترفضية الحب شنو اسبابة مش جميع اشباب كلهم كذابه