الا ياليتنى طفل صغير … و تونى لعاب
و لا احد ياخذ افعالى و لا اقوالى بمحملها
وازور الي على بالى .
.
زيارة لو بدون اسباب
و عذرى لو بلعبة .
.
جبتها من شان تقبلها
اجيها لو بنصف الليل و الا الصبح ادق الباب
و هي ما تعرف الي جابنى .
.
يوم انني اوصلها
تحسبنى طفل ضايع و تاية ولد ناس اغراب
تخاف انني شقى و اشقي عليها لين ما شغلها
تقول اسمك و ش اسمك يابطل قلى .
.؟وانا كذاب
اقول اسمى هكذا .
.!!
مانى بعارف ليش اظللها
وتاخذنى لغرفتها و تعطينى قلم و كتاب
تبى تشغل عيوني كثر ما قمت اتاملها
وانا لا شفت هذيك العيون و سكبت الاهداب
و شفت العز بالطول الذيحلى تمايلها
وشفت اللولو الي جاء بوسط التوت و العناب
و انامل كنها من ريشه الرسام تنقلها
وليل لا كساها من خلاف امتانها جلباب
الا سبحان ربى كيف رب الكون عاملها
يجى فخاطرى كلمة عليها خافقى ربما ذاب
و فو دى اوصلها و لا ادرى كيف اوصلها
علي طول افتكر حبى لها و امفارق الاحباب
و جمرة بالخفوق الي عشقها من دلايلها
وصلت اصل الهموم الي تعدينى على المرقاب
اجر الصوت من همى و لى و ناات اطولها
ونجوي لا ضوانى الليل من ليلة قمرها غاب
عجزت احل شفرات الحزن بها و احللها
تفيض العين بدموعى و اطيح و دمعتى تنساب
و تحملنى مع ايدينى و انا الى و دى احملها
ولى رجوي لذاك الصدر تحضنى و انا منصاب
و انام بحضنها و احلم و انا ادااعب جدايلها
واجيها جميع يوم .
.
ولو نشدنى واحد مرتاب
اقول انني نسيت اللعبة الي كنت شايلها
من اول كانت اعيانى تقر بشوفه الاصحاب
بغير الموت ما كنت احسب الفرقا تطولها
ولا كن الزمن لادار مع حكم القدر غلاب
و حكم الله على حكم البشر .
.
والله يسهلها
