المخروطة الصعيدى _ شهية جدا

1-5بيض


2- 3ك دقيق و يمكن يزيدوا حبة حسب العجينة ما تحتاج


3-فانيليا


4- رشة ملح


5-رشة سكر


6-1.5ك سيرب تقيل


7-1.5ك سمن بلدى سايحه


8-4م مثل زيت


9-41ك لبن بودره

الطريقه:

1-نحط البيض مع السكر مع الفانيليا و الملح و الزيت و نخلطهم بمضرب يدوي

2-و ثم ننزل عليهم بالتدريج بالدقيق المنخول مع اللبن البودره

3-ونعجن الخليط دة كويس اوى لحد ما تبقى العجينة متماسكة و ملساء و ما تلزقش فالايد


4-ونسيبها ترتاح شوية مدة نصف ساعة و نغطيها و بعد ما ترتاح نقطعها الى 4كور و نسيبهم يرتاحو نصف ساعة كمان

 

5-وناخد كورة منهم و نبتدى نفرد بالنشابة بعد رش الدقيق على الرخامه


و نوسع دايرة الفرد لحد ما تبقى العجينة رقيقة اوى و شفافة و دة من اهم خطواتها

6-ونرش عليهم حبة دقيق تانية و نقطعها زي اللازانيا الى شرايح عريضه


و ناخدها على ما كنة اللازانياونحطها فالمكان المخصص للمخروطه


و نعمل باقى العجين زي كده

 

 

7-ونحضر حلة البخاروهي عبارة عن حلتين الي من تحت بها مية سخنة و التانية عبارة عن مصفاة و لو لم توجد يمكن تستعملى اي حلة عندك و مصفاة بحيث يبقوا متداخلين جوة بعض


8-ونجيب قطعة شاش او اي قطعة مشابة ليها و نحطها جوة المصفاه


و نحط بها المخروطة و نقفل عليها القماش و نقفل الغطاء و نسيبها نصف ساعة على النار

 

9-وبعد كدة ناخد المخروطة و هانلاقيها ملزقة فبعض نفضل نفكها بشوكتين و هي لسة سخنة و ننزل عليها بالسمن و هي لسة سخنة و نحطها فصينية و نضغط عليها جامد زي الكنافة و ندخلها فرن ساخن على درجة حراره180 مدة 15 دقائق و بعد كدة نحطها تحت الشواية مدة دقيقتين


10-ولما تظهر من الفرن نسقيها بالسيرب و دوقو اجمل صينية مخروطه


بجد طعمها و لا بالاحلام

 

 

• المخروطة بالصور
• طريقة عمل المخروطة حلوة