الهيموجلوبين (Hemoglobin او Haemoglobin و بيترمز له ب Hb او Hgb) هو عبارة عن بروتين بيحتوي على عنصر الحديد موجود فالدم بتاع حيوانات كتيرة (كل الفقاريات و بعض من انسجه الحيوانات اللافقاريه).
الهيموجلوبين بيبقا موجود جوة خلايا الدم الحمرا (الاريثروسيتات) و ظيفتة هي نقل الاوكسيجين من الرئتين (او الخياشيم) لانسجه الجسم المختلفه.
الهيموجلوبين بيعمل رابطة كيميائية ضعيفة مع الاوكسيجين و بيسموة فالحالة دي اوكسي هيموجلوبين (بيبقي لونة احمر فاتح) و بكدا بيقدر يشيل الاوكسيجين و يودية لخلايا الجسم و هنالك بتتكسر الرابطة الضعيفة دي و بينفصل عنه الاوكسيجين و بيتحول لونة و بيبقا ازرق محمر و بيسموة هنا ديوكسي هيموجلوبين.
الهيموجلوبين بيتصنع فنخاع العضم و بيتفرز فالدم جوة خلايا الدم الحمرا الي بتكمل دوره حياتها و تموت بعد 100-120 يوم.لما بتموت الخلية بيتكسر الهيموجلوبين و بيطلع منه حديد.في بروتين اسمه ترانسفيرين و ظيفتة تجميع الحديد الناتج من موت الخلايا دي و نقلة مرة تانية لنخاع العضم عشان يتعمل منه هيموجلوبين و خلايا جديده.
اللي بيتبقا من الحديد فالدم بيدخل فتركيب ما دة تانية اسمها بيليروبين و بيتفرز مع الصفرا و هو المسئول عن اللون البني المصفر بتاع البراز.
جزيء الهيموجلوبين بيتكون من اربع مجموعات هيم صغيرين متجمعين حوالين مجموعة جلوبين كبار ،
الهيم دا بيمثل 4% بس من وزن الجزئ بتاع الهيموجلوبين و بيتكون من مركب عضوي شكلة مدور بيسموة بورفيرين و مرتبط بية ذره حديد واحده،
ذره الحديد دي هي الي بتعمل الرابطة الكيميائية الضعيفة مع الاوكسيجين عشان يتنقل من الرئتين لكل حتة فالجسم.جزيء الهيموجلوبين الواحد بيبقا متركب من اربع مجموعات من الهيم يعني اربع ذرات حديد و دا معناة ان جميع جزئ هيموجلوبين بيقدر يشيل اربع ذرات من الاوكسيجين فالمرة الواحده.
