هما الرجاله اتعموا و لا اية ؟
؟
!
انا مش عاوزة ابشر على حد من اخوانا فالجهاد اقصد الرجال .
. و خصوصا ان امرهم يهمنا الكام سنة دول – شويه دلع لحد ما رجلهم تطب – بس الجملة دى بسمعها اكتر ما بسمع كلمه ازيك من الاهل و الاحباب و الاصحاب و ميضرش عبدة البواب او مريض جى يحنن قلبي عشان اكتبلة على اجازة .
وعليه قعدت افصص السؤال الرجالة اتعموا – بعد الشر لحد ما ربنا يتمم على خير – و توصلتلعده احتمالات :
1 – ممكن بيغضوا البصر و ساعتها يبقي جميع الرجال محترمين و ملهمش احدث و الفيلم كداب .
2- ممكن مش عاجبهم الخلق الى بيشوفوها و بلاش احراج اكتر من كدة .
3- ممكن نظرهم فعلا على قدهم و الاروع انني اتخصص رمد ممكن اعالج حد فيهم و يكسب فيا ثواب قصدى العكس بالتاكيد .
4 – ممكن عنيهم اندب بها رصاص من كتر فرجتهم على قناة مولتى و التانية الى مقدروش يغمضوا بها عنيهم لحد ما تقرحت القرنية .
5 – ممكن دى تلكيكة جميع راجل بيقولها عشان يهرب بجلدة قبل ما يتكلبش على اساس انه بيتكلم عن جنس تالت او على اساس ان البنات حلقه مفقوده بين الانسان و القرد .
