بسبوسة بشربات الفراولة

سيداتى انساتى سيداتي   على راى ابو حفيظه

ازيكن و السلام عليكن و وحشتوني  نونة برضة عشان الوزن بس

اوبالتاكيد بالتاكيد السادة الرجال الى يشرفوا بالتاكيد منورين القاعدة و الله شكلكُم جايين تاكلوا بس

انتم عارفين ان أنا احب و اعز موت اعمل الحاجة فىموسمها

وحاليا فِى موسم الفراوله

فكل واحدة فيكم تروح تشترى قفص فراولة حلو كدة و تيجى

عشان هانعملها مربى

اولا و باديء ذى بديء الصورة الى فَوق دِى أنا لطشها مِن على النت مش مِن عندي

بس اوعدكم بارتفاع مستوى الصور بَعدِ كدة حيثُ اننى اشتريت موبايل جديد

بكاميرا 3.2 بكسل و هاشهيصكم صور

خلينا فِى الفراولة يا رغايين

اول حاجة هانشترى الفراولة ما تكونش مستوية اوى و ما تكونش خضرا برضه

حمرا كدة و مصحصحة و فله

انا باحب فِى المربى اعمل فراولة صغيره  عشان ما اقطعاش عشان تبقى قطع دِاخِل المربى

لكن بالتاكيد فِى ناس بتحب الفراولة مقطعة و مهروسة شوية كمان فى  المربى حسب كُل واحدِ و ذوقة طبعا

شوفوا كدة الفراولة بتاعتى دِي

بالتاكيد أنا جبتها و نضفتها و غسلتها و زي ما انتم شايفين حجْمها صغير اوى شوف كام واحدة فِى ايدي

سمعاكى يا كلبة اة أنا ايدى كبار بس مش للدرجة دِي

المهم

تعالوا اقولكُم الاشياء الى هانحتاجها عشان تجبوها

هانعمل المقدار كيلوا فراوله

ولو ان بالتاكيد لَو هاتعملى كترى شوية يَعنى 3 كيلو على الاقل عشان تستاهل الدوشة يعنى

المهم

كيلوا فراولة كيلو سكر علبه جيلى فراوله  أو ملعقتين جيلى باودر خام

بالتاكيد غسلنا الفراولة و وضبناها نجيب بولة بلاستك مِثلا

ونحط بها شوية سكر و ثم شوية فراولة و ثم سكر طبقات يَعنى لحدِ ما الكمية تخلص و نغطى و شها مِن فَوق بالسكر و نسيبها ادِ اربع خمس ساعات اوقات أنا اعملها مِن بليل و اسييبها فِى التلاجة للصبح

هانصحي الصبح نلاقى شكلها بقى كده

سردت ما ية كتير هانقلبها بَعدِ كدة فِى مصفاة بقى و ناخدِ الماية بتاعتها مش هانرميها طبعاااااااا

هاتبقى عبارة عَن ما ية نازلة مِن الفراولة و معاها السكر

ونسيبها تصفى ساعة كدة مِثلا

فى هُنا بقى حاجة لطيفة أنا عملتها المَرة الى فاتت

انا ما باحبش الحاجة الى تبقى سكرها جامدِ جدا

و ثم بَعدِ التجارب بقى

واسال نفْسى يا ترى يا هلترى المربى الجاهزة بتبقى متامسكة و لونها فاتح و مش مسكرة اوى زي المنزلي ؟
؟

وبعدِ تجارب بقى و صلت لنتيجة معقوله جدا

اولا السكر مش باحط الكمية كلها سكر

باستعمل عسل البطاطس و هو لزج جداً و سكرة قلِيل

ودة موجودِ عَن بتوع لوازم الحلوانية بالكيلو

بالتالي أنا بانقع الفراولة بنص كيلو سكر بس و ثم باضيف  نصف كيلوعسل البطاطس بَعدين

وكدة هاتبقى المربى مش مسكرة جااامدِ اوى و كمان عسل البطاطس لزج جداً لما يبردِ هايديها تماسك

بس ما فيش مشكلة برضة لَو ما لقتيش عسل بطاطس

حطى كيلو  الا ربع سكر كفاية و نزودِ الجيلاتين شوية عشان التماسك

نيجى للخطوة الى بَعدِ كده

انا هاخدِ الماية الى نزلت مِن الفراوله

واحطها على النار زي الصورة دِى و نسيبها تغلى لحدِ لما تنعقدِ زي الشربات بتاع الحلويات كده

واول ما تبدا تعمل رغاوى اكتر مِن الصورة دِى شوية تبقى كدة خلاص استوت

لو كنا بقى عندنا عسل البطاطس و هانستخدة هانزودة دِلوقتى عشان يبدا يتغلط و يسيح مَع شربات الفراولة الى عملناه

وهانروح نجيب الفراولة بقى بتاعتنا و سقطها فِى شربات الفراولة المعقودِ دِه

هاتبدا تغلى الفراولة كده

وتبدا تسردِ ما ية كمان زيادة و تلاقى الماية فِى الحلة بدات  تزيد

تاخدى نصف كوباية تقريبا ما ية مِن على الفراولة و تدوبى بها كيس الجيلى بالفراوله  أو ملعقتين الجيلاتين

ندوبها كويس اوي

و ثم نزودها على الفراولة تانى و نسيب الفراولة تغلي

حوالى ساعة الا ربع لحدِ لما تبدا ما يتها تنشف و نخلى بالنا اوي

عشان احنا عايزنا تطلع لونها احمر مش بنى غامق

كل ما كَانت لونها قريب للطبيعي تَكون احسن

 وبالتاكيد نهدى عَليها النار و نكشف الحلة عشان البخار يطلع و ما تفورش على البوتجاز

وكدة هِى خلاص استوت

طبها هايَكون شكلها سايب لسة و شكلها مش المربى ما تتخضوش احنا حاطين بها جيلاتين لسة هايجمدِ مِن التلاجه

غير ان السكر نفْسة و عسل البطاطس لما بيبردوا بيدوا قوام اتقل بكتير

بالتالي احنا هانسيبها تبردِ و ثم لَو كنا عاملين كمية هانعمبيها فِى برطمنات ازاز بغطاءَ محكم و نحطها فِى التلاجة أفضل طبعا

لاننا مش مستعملين موادِ حاظة و لا حاجه

وكمان ناخدِ بالنا لَو كَانت كمية كبار شوية اننا طول ما احنا بنعبيها نهز البرطمان عشان ما يبقاش فِى فقاقيع هوا جوا و دة يخليها تبوط خصوصا لَو هاتسبيها برة التلاجة شويه

كمان لَو حصل و لقتيها بَعدِ ما بردت و حطناها فِى التلاجة لسة قوامها خفيف اوى فِى حال أنتى قدرتى غلط يعنى

مافيش مشكلة رديها على النار تاني

ولو لقيتى الشربات بتاعها كتير اوي  اوقات الفراولة بتسردِ ما ية بزيادة حسب نوعها

انا بقى اعز كدة موت موت

لان باخدِ الماية دِى مِن عَليها و احوشها عندي و استعملها صوص فراولة فِى الحلويات و الايس كريم يا لهوى بتبقى رائعة جدا

والف هُنا يا حلوين و يا حلوات

والى يجرب يقولي

والى عندة اضافات يتفضل

نرحب بالافكار الجديدة  يا ساده