حشوة دجاج للسمبوسه

للسمبوسه دجاج حشوة 20160910 677

حشو الدجاج للسمبوسة

نوع السمبوسه : و رده و لا غوار العجين الاسمر الى مسويتة المخابز مو الصناعي سويتز لان طعمة رهيب

يفرق عن سويتز بس كله زيت فسويها بالفرن بدون ما عون يعني على السلك و افتحى النار من فوق و تحت تاخذ اقل من عشر دقايق

الحشوة:

2 دجاج ام كيلو ( انا استعملت ساديا المثلج) يطبخ بقدر الضغط مدة 15 الى 20 دقيقه فقط بعدها تترك

لتبرد بعدها تفصل العظام و تفتت الدجاج مو تفرمونها لا قطعوها كالدجاج المسحب

5 روس بصل احمركبيرة تقطع بحجم متوسط عليها فلفل اخضر بارد كبير مقطع كذلك لحجم متوسط و

هذا سر النكهة يا فتيات بالفلفل

راس ثوم و 2 فلفل اخضر حار ينشال البذر منه حق الى ما يحب الطعم الحار و يندقون بالهاون

يندقون لازم عشان الطعم مو يفرمون هذه النقطه حيل مهمة

بهورات( فلفل اسود تقريبا معلقه متوسطة،
2 معلقه متوسطة بهارات مشكلة الى حق اللحم،
ملعقه متوسطة زنجبيل مطحون عشان تشيل الزفر و تعطى نكهة حارة ،

ملعقه متوسطة لومى اسود و بس)

و ذلك الشى حيل مهم عشان يعطى طعم سبايسى يعني لاذع : 2 الى 3 معلقه متوسطة من المعبوج

( احنا نسمية معبوج) و مكتوب عليه:

فيلفه حمراء مطحونه ( انا استعملت ما ركه درة) : تجى بقسم الشطه و الكجب و مو بكل المحلات ترا،
شكلها: بقرشة زجاج و عليها صورة فلفل احمر حار و يصبح مطحون كالمعجون شكلها و شكل البذر باين طعمها حار

اذا ما عندك هذه تقدرين تحطين الى بشرايح المانجا ما ركه الجمل بس الى بالفلفل الاحمر اروع

2 خل بحجم الغطاء،
زبدة معلقه كبيرة،
ملح خشن

الطريقة:

يقلي البصل ه الفلفل البارد سوا بزبدة و زيت عادي و اذا ذبل يوضع عليه الثوم و ينحمس بعدها الدجاج و البهورات و

كل الحاجات الثانية من المعبوج و الخل و يقلب الدجاج و يحمس و يقلب و اذا احتاج للماء حطو بس لا تكثرون يعني احنا نبية حشو

و اذا انحمس طمنو النار و غطوة عشان تتفاعل النكهات مع البخار ما ياخذ وقت لا تخلونة يحكك و بس

اذا برد الحشو حشو به السمبوسة تكون مفردوة و مدهونة بالبيض و بعدها اشووها بالفرن و بس

و عليكم بالعافية

البعض يفضل الدجاج المفروم بس الله لا يعاقبنى كبدى لاعت منه انا اروع الى يتفتت

ملاحظه : نفس المكونات هذه نفسها للدجاج المسحب الى ينوكل بالخبز بس بحشو السمبوسه نكثر بصل بس ذلك الفرق.

و عليكم بالعافية

  • بسطيلة بطاطس في الفرن
  • حشوة الدجاج بالكريمة للسمبوسة


حشوة دجاج للسمبوسه