حلويات مغربية

و رحمه الله و بركاتة غادى نقدم ليكم حلوة بحلاوة

بشكل كيحمق بالصور هذ بحلاوه شكل جديد محشيا بالكاوكاو

يمكن ليك تحشيها باشما حبيتي اللوز او بيستاج

او اي حشوه مفضله عندك

مقادير عجين بحلاوه بشكل كيحمق بالصور

اربع زلايف دقيق يعني حوالى كيلو تقريبا

كوب سكر كلاصي

كوب ما زهر

رابعة زبدة ما ركرين

ماء دافى باش تعجني

نجمعوها نخليوها شويه قاصحة و ندلكوها مزيان و ديريها فبلاستيكة

وخليها ترتاح على ما توجدى الحشو

من بعد ناخد تلت العجين و نضيف لية الكاكاو

وندلكها مزيان باش يدخل به مزياااان

كيلو كاوكاو محمر و مقشر و مطحون انا مكنطحنوش حتي يتنيل كنخليه

يتقرمش شوية كاس و نصف سكر كلاصي

نص كوب ما زهر

و العسل باش تجمعى الخليط و خلية شويه ناشف بحال الصورة

العجينه الي نسرحوها لتحت تكون بيضه او لى بغا يدير بها الكاكاو يديرها

ليكم الاختيار و نسرح فوقها الحشو بشكل متساوي

وندهن بابيض البيض مزياااااااان

نسرح العجينه بالمدلك و نخرجها من الجهه ديال سباكيتيى

وكنبدا نحط الخيوط انا كندير اربعه بيضين و اربعه كحلين كيجى شكلها زوين

بينى و بينكم كتشد اليد و لكن منين كطيب كتعجبني

النتيجة و كتمشي تماره كلها

هنا منى كملت تستاف الخيوط

ناخد العجينه البيضا و الكحله و نسرحها و نقطعها و ريدات صغار

بحيت تكون و حده اصغر من و حدة

نقطعها الى مربعات او معينات لكم الاختيار

وفى القنت ديال جميع مربع ندير نقيطه ديال الما و نحط فوقها و رده صغيرة

و ندخلها للفران حتي طيب انا مكنخليهاش تتحمر من الفوق

و نكب عليها العسل و نخليها تشرب مزياااااان

ندير عقيقه فو سط الورده و نرش بالبريو و نديرها فالكويغطات