طريقة عمل السمان بالصور

و بركاته


فتوكاتي حبايبي و حشتووووووووونى


مره كده كنت فالعابد الي على طريق مصر اسكندريه الزراعى


عايزه اشتري حمام بس ما لاقيتش فالبائع قالي خدي سمان


سمان اية ؟
!!انا عمري ما جربتة و اكيد مش زي الحمام


قالي انتي بعد كده هتسيبي الحمام و تاخدي السمان


اخدتة و امري لله


و الحمد لله انني اخدتة … طعمة رووووووووعة


بطلوا رغي بقي اووووف




هوريكي كيف طلع و ثم ندخل عالتفاصيل

الاول بتغسلي السمان بملح و خل و ليمون زي كدة







و ثم بتجهزي حشو الارز للسمان و هي ( بصله _ 2 كاس ارز _ شويه بقدونس _ 1 كاس ماء مغلي )


تبداي تشوحي البصله لحد ما تغمق شويه ( مش تصفر بس )







و ثم تحطي كاس المياة المغلي مع البقدونس







و بعد ما تغلي المية مع البصل و البقدونس تحطي الارز و تحطي عليه ملح و فلفل اسود و شويه بهارات )







و تسيبية يتشرب مش هياخد خمس دقايق و هيبقي شكلة كدة







سيبي الارز يبرد شويه فالوقت دة حضري الشوربه ( مياه مغليه و طماطم و فلفل و بصله و ورق لورىوملح و فلفل اسود)







و تبداي حشو السمان انا كنت عامله اربع سمانات و ثم تلفيها بخيط عشان الارز ما يقعش







و بعد ما المية تغلي تسقطى واحده واحدة







ميزه السمان انه بياخد وقت بسيط فالسلق تقريبا 45 دقيقه و ثم تحمريه


و اخيرا دا شكل الغدا بتاعي النهاردة







لو عجبكم قيمولي و علقكم