طريقة عمل ايس كريم بالكراميل

1 باكو كريم كراميل


2كوب لبن


3 ملاعق سكر


حوالى 100 جرا كريم شانتية يعني اقل من التمن بشويه


حوالى اقل من نصف كاس لبن لضرب الكريم شانتيه


3 ملاعق سكر( بودره) مع الكريمة اومن غير خالص حسب الرغبة لو عايزاة مسكر زودي

(الكيفية )

اول حاجة هنعمل الكريم كراميل عالنار عادي


هتسيبى اللبن عالنار يغلى و تدوبى فيهم ال 3 ملاعق سكر


و ثم تحطى الباكو الكريم


و تقلبي


و تحطية فالفريزر بالكسرولة بتاعتة لحد ما يبرد خالص

فى الوقت دة تكوني جهزتى الكريم شانتية و تعملية تقيل زي ما اتفقنا

بعد كدة هتخلطى الكريم شانتية على الكريم كراميل من تحت لفوق و بالراحة زي ما بتعملى الكيكة الاسفنجية و تخلطى البياض و دى المراحل

و ثم تدخلية الفريزر تانى يسقع من 4 ل 5 ساعات


و دوقى بقى اجمل ايس كريم


بطعم الكريم كراميل

ونيجى بقى للتقديم


يمكن تقدمية مع صوص كراميل انتي تعمليه


او كيس الكراميل الى جاى معاة بس هيصبح قليل


او يمكن صوص شيكولاته


او يمكن شيكولاتة مبشوره


او اي شئ انتي تفضليه


يمكن فاكهه


او يمكن سادة كمان لو تحبي


و تعالو نشوف صور التقديم