المحشى
الخضروات التي ممكن حشوها
(الباذنجان الاسود – الباذنجان الابيض – الفلفل – الكوسه – البطاطس – الطماطم – البصل)
و يفضل فحشو الكوسه و البطاطس اللحم المفروم بدون ارز
انا النهارده استعملت الباذنجان الاسود و الفلفل الاخضر الرومى
1 كيلو باذنجان و 3/4 كيلو فلفل رومى
بصله كبار مفرومة
2 كاس عصير طماطم
زيت ذرة
بهارات (ملح – فلفل اسود – كمون – شطه حمراء – قرفة)
1/2 كاس كزبره و شبت مغسولين و مفرومين و معاهم قليل من النعناع الاخضر المفروم
اول حاجة نحط الزيت فحله على النار و اول ما يسخن نحط عليه البصل المفروم لغايه ما يبقي لونة ذهبى
نضيف عصير الطماطم و ثم البهارات و نقلبها
و نغطيها و نسيبها لغايه ما تتسبك
يعني تخرج المادة الدهنيه على و جة الصلصة
كدة
و بعد ما تتسبك ناخذ من الصلصه حوالي 4 معالق كبار و نحطها فحله تانيه و نسيبها لغايه ما نحتاجها
وبعد كده نضيف الكزبره و الشبت و نقلبهم
ونجهز الارز .
.
2 كاس ارز و نحتفظ بالكوب الي استعملناة لاننا هانستخدمة فمعيار الماء .
.
و نغسلة مع الاحتفاظ ببعض الماء به و ثم نضعة على الصلصة
ونقلبة و نغطية و نسيبة على نار هاديه حوالي 5 دقايق بس
وبعد كده نحطة فطبق علشان يبرد شوية
محشي باذنجان و فلفل – محشي باذنجان و فلفل بالصور
ونجهز الفلفل و الباذنجان انا احب اجيبهم صغيرين .
.
ونجهز كمان المقوار و سكين صغير .
.
و نجهز طبق عميق به ماء علشان لما نقور الباذنجان نحطة به علشان لونة ما يتغيرش للاسود
ونقور الباذنجان و نجهز الفلفل باننا نشيل العنق و البذور الي به و نغسلهم و نحطهم فمصطفى علشان يصفوا الماء الي فيهم
نلاحظ ان انا احتفظت برؤوس الباذنجان لاني بعد ما احشي الباذنجان باغلقة بالراس بتاعتة علشان الرز ما بخرجش براها
و اجهز الحله الي هاطبخة بها و ارص فقاعها شرائح بطاطس او شرائح بصل علشان المحشي مش يلزق فيها
و ثم احشي الباذنجان و ارصة و الفلفل من فوقه
كدة
و ثم بجيب الصلصه الي انا اخدتها من التسبيكه و اجهز لها
2 كاس ماء بنفس مقدار كاس الارز
ملعقه كبار سمن او زبدة
باكو مرقه دجاج فورية
واضيفهم على بعض و اسييهم على النار لغايه ما يغلوا (وما تنسي تظبطي الملح )
و بعد كده اضيفهم على المحشى
واغطية و اسيبة على نار عاليه مدة عشر دقيقة و ثم اهدي النار على الاخر مدة 45 دقيقه لينضج
و ثم اقدمة مع سلطة خضراء
- طريقة عمل الباذنجان المخلل ب التسبيكة
- طريقة عمل محشي الباذنجان بالصور
- عمل محشي بازنجان