و الكون دة كيف موجود من غير حدود
و به عقارب لية و تعابين و دود ؟
؟
عالم مجرب فات و قال سلامات
دة ياما به سؤالات من غير ردود
عجبى !
!!
انا شاب لكن عمري الف عام
وحيد لكن بين ضلوعى زحام
خايف و لكن خوفى منى انا
اخرس و لكن قلبي مليان كلام
عجبى !
!!!
يا باب يا مقفول … امتى الدخول
صبرت ياما و الي يصبر ينول
دقيت سنين … و الرد يرجع لى : مين ؟
لو كنت عارف مين انا كنت اقول
عجبى !
!!
احب اعيش و لو فالغابات
اصحي كما و لدتنى امي و ابات
طائر .
.
حوان..
حشره .
.
بشر .
.بس اعيش
محلا الحياة..
حتى فهيئه نبات
عجبى !
!
سهير ليالي و ياما لفيت و طفت
و بلية راجع فالضلام قمت شفت
الخوف … كانة كلب سد الطريق
و كنت عاوز اقتلة .
.
بس خفت
عجبى !
!
كان به زمان سحلية طول فرسخين
كهفين عيونها و خشمها بربخين
ماتت لكين الرعب لم عمرة ما ت
مع انه فات بدل التاريخ تاريخين
عجبى !
!
عجبتنى كلمه من كلام الورق
النور شرق من بين حروفها و برق
حبيت اشيلها بقلبي .
.
قالت حرام
دة انا جميع قلب دخلت به اتحرق
عجبى !
!!
رقبة ازازه و قلبي بها انحشر
شربت كوب و اتنين و خامس عشر
صاحبت ناس م الخمره ترجع و حوش
و صاحبت ناس م الخمره ترجع بشر
عجبى !
!!!
لية يا حبيبتي ما بيننا دايما سفر
دة البعد ذنب كبير لا يغتفر
لية يا حبيبتي ما بيننا دايما بحور
اعدى بحر الاقى غيرة اتحفر
عجبى !
!!
ورا جميع شباك الف عين مفتوحين
و انا و انتي ما شيين يا غرامي الحزين
لو التصقنا نموت بضربه حجر
و لو افترقنا نموت متحسرين
عجبى !
!!
نوح راح لحالة و الطوفان استمر
مركبنا تايهة لسة مش لاقية بر
اة م الطوفان و اهين يا بر الامان
ازاى تبان و الدنيا غرقانة شر
عجبى !
!
على رجلي دم .
.
نظرت له ما احتملت
على ايدى دم..
سالت لية ؟
لم و صلت
على كتفى دم..
و حتى على راسي دم
انا كلى دم .
.
قتلت ؟
…..
والا اتقتلت
عجبى !
!
انا جميع يوم اسمع ……..
فلان عذبوه
اسرح فبغداد و الجزاير و اتوه
ما اعجبش م الي يطيق بجسمة العذاب
و اعجب من الي يطيق يعذب اخوه
عجبى !
!!
ينبوع و فالحواديت انا سمعت عنه
انة عجيب .
.
و بو سط لهاليب لكنه
شقيت كما الفرسان طريقى .
.
لقيت
حتي الخنازير و الكلاب شربوا منه
عجبى !
!!!
يا قرص شمس ما لهش قبه سما
يا و رد من غير ارض شب و نما
يا اي معنى رائع سمعنا عليه
الخلق لية عايشين حياة مؤلمه ؟
؟
!!
عجبى !
!!
شاف الطبيب جرحى وصف له الامل
وعطانى منه مقام يا دوب ما اندمل
مجروح جديد يا طبيب و جرحى لهيب
ودواك فرغ منى ….
و اية العمل
عجبى !
!!
اعرف عيون هي الجمال و الحسن
و اعرف عيون تاخد القلوب بالحضن
و عيون مخيفه و قاسيه و عيون كتير
وباحس فيهم كلهم بالحزن
عجبى !
!
ايش تطلبى يا نفس فوق جميع ده
حظك بيضحك و انتي متنكده
ردت قالت لى النفس : قول للبشر
ما يبصوليش بعيون حزينه كده
عجبى !
!
اقلع غماك يا تور و ارفض تلف
اكسر تروس الساقيه و اشتم و تف
قال : بس خطوه كمان .
.
وخطوه كمان
يا اوصل نهاية السكه يا البير تجف
عجبى !
!!
يا حزين يا قمقم تحت بحر الضياع
حزين انا زيك و اية مستطاع
الحزن ما بقالهوش جلال يا جدع
الحزن زي البرد … زي الصداع
عجبى !
!!!
فى يوم صحيت شاعر براحه و صفا
الهم زال و الحزن راح و اختفي
خدنى العجب و سالت روحى سؤال
انا مت ؟
و لا و صلت للفلسفة
عجبى !
!!