قصيدة عن الشهداء

قصيدة عن الشهداء 20160920 1177

كان يا ما كان

كان فشهيد فاكرينة ما ت

واقف يتفرج علينا من سكات

يدخل علينا زي نور المشربيه

ويزيدلة شوقتا من حديث الذكريات

يسمع دموع الامهات

حمال اسيه

والصبر غيه

صوت المظاهرة يلهمه

طالع لجنه ربنا على سلمه

والكام رصاصة الدفيانين جواة معدتش بتالمه

ايوة ما عدتش بتالمه

الا اما واحد صاحبة يبكي عليه و يتشحتف بكلمه زى

* الله يرحمة *

———————————

خلفتي يا مصر و من خلف شهيد ما ما ت

سبع تلاف عام مواكب خير بتتوالى

خلفتي فرحة و فرحة غيرنا لسا ما جات

خلفتي كلمة لامة لسا قواله

خلفتي راجل بيهزم جيش من الاوغات

نعلي بافعلنا و نفوسنا ما تتعالى

بننحسب بالغلط فلسته الاموات

واحنا الي ما عشنا فوق ظهر الوجود عاله

———————————

كان ياما كان كان فشهيد

كانت نهايتة او بدايتة لما يوم حفروا القتال

خلف شهيد كانت حكايتة لما يوم عبروا الطريق

خلف شهيد عاش كالراجل

حربة اسمها اللقمة الحلال

كان فشهيد عايز سؤال

مين الي ما سك دفه المركب و حادف لية شمال ؟
؟؟؟؟!!!!

مين الي خرب مركبك يا مصر ???

مين الي داس الكوخ برجل القهر ???

————————————–

كان ياما كان كان فشهيد رافع علامه النصر

يوم كان فعبارة و يوم كان فالقطر

وليلة بايت فالدويقة جوا بيت =من سخر

وليلة جوا القسم او فالمعتقل راضي و سعيد

خالد سعيد عاش كالراجل بسيد بلال

———————————-

كان ياما كان كان فشهيد

خلف شهيد جاور شهيد

كان جد جدة كمان شهيد

صاحب شهيد ناسب شهيد

جوز بناتة الخمسة لولاد الجيران

طلعوا ولاد عم الشهيد

جابم شهيد

عاشم و ما عاشوا يقاوموا القتل فالطوابير

ماشين على المسامير

والكل بيعظم سلام لعصابه الخنازير

والظلم فاض

هات طوبة ياض

داخلين علينا البلطجية طوال عراض

راكبين جمال شبة القراض

هات طوبة ياض

حصلي دغري عند عبدالمنعم رياض

بتقولي عبدالمنعم رياض !
!!!!!!

مش قولتلك

كان فشهيد خلف شهيد

طب اية الجديد

ربك يريد

انت الشهيد الي جنبك ضى

واخد 3 رصاصات على شومة ما قولت الاى

زينه ولاد الحى

وانتاي الشهيدة عروسة ملهاش زى

انت الشهيد و قصدتي ما شي فموكبك بتزك

انت اليقين لامة عاشت عمرها بتشك

ماشي فطريقك محترم و الكل ما شي يعك

نزلتنا باسلوبك انت لزحمه الميدان من زحمه الفيس بوك

——————————————–

انت الشهيد ابن الشهيد الي اتولد عشان يصبح ابنة شهيد و ابنة شهيد و ابنة شهيد

طب اية الجديد ربك يريد

وحياة كنايس ردت صوت الازان

وحياة شجاعه شعب ضد رئيس جبان

وحياة ما دمعنا و كحينا من بقنابل من دخان

وحياة سلاح الامريكان ضد الشعب

وحياة ما شاف الكون على اديان العجب

وحياة ما قداسنا و صلاتنا و حدوا جميع مكان

وجمدوا جري الزمان

وحياة ما زيناك يا سور البرلمان

وحياة جرايت هلست و اتريقت

وحياة فدادين الغلابة الي على اهل القصور اتبعزفت

وحياة ارادة اتجرات

وحياة عنين انخزفت

وحياة عنين تانية فو شوشنا برقت

الثورة دي مش ملكنا

احنا الي ملك الثورة يا جدعان

وحياة نومتنا على الرصيف و سط الميدان

دم الشهيد اب الشهيد الي اكيد ابنة شهيد

لازم ينور درب مستقبل جديد

—————————————

منصورة بينا يا مصر منصوره

رسمنا ثورتنا بالون العدل

وعملنا ما الدبابة سبوره

نكتب عليها راينا فالندل

ونجيب و لادنا لاجل ياخودو جمبها صوره

ماشين بقدره ربنا على الحبل

مايهمناش السجن و لا القتل

نايمين على الاسفلت شوكة فحلق اي عصابة محشوره

منصورة بينا يا مصر منصوره


قصيدة عن الشهداء