مرات يزهي خاطرى و مكنوني
و مرات يا نفسي عليا تهوني
مرات نبقي طارب
و مرات نبدي فالدموع نوارب
و مرات ندوى كيف خمره شارب
و مرات هلبه دمعتى فعيوني
مرات يزهي خاطرى و مكنوني
و مرات يا نفسي عليا تهوني
مرات نفرح يوم
و مرات شهر يفوت كله هموم
و مرات نعذر من جرحنى دوم
و مرات نشرى الي فكروا يبيعوني
مرات يزهي خاطرى و مكنوني
و مرات يا نفسي عليا تهوني
مرات نبدي و اهم
و مرات نبى عالجروح مراهم
و مرات يبدي الجرح من يالاهم
و مرات يجرحوا فالجرح و يلوموني
مرات يزهي خاطرى و مكنوني
و مرات يا نفسي عليا تهوني
مرات نبقي و اعي
و مرات نرقد كيف نوم الراعي
و مرات نبدي للموده ساعي
و مرات هلبه فالعزا ما جوني
بقلم :- عصام حمزة
- مرات اجمل
- مرات يزهى خاطري