علمني الحب ،
بقلم الكاتبه : سحابه نقية .
.
و رحمه الله و بركاته
الكاتبة المتالقة / سحابه نقية ذات قلم و اعد و مبشر بموهبة ادبية مبدعه
لفت نظري اسلوبها السهل الخفيف رغم افكار قصصها التي تعرض قضايا هامة و مؤثرة فكل مجتمعاتنا
اشاركم اولي قصصها .
.
روايه “علمني الحب ”
ان شاء الله تقضوا وقت لطيف مع القصه
بسم الله نبدا
الجزء الاول
يا غشاشة .
.
بتعرفي شو الحق على انا الى بلعب معك
ضحكت غالية و هي بتقول لهبة .
.
انا مو غشاشة بس انت الى ما بتعرفي تلعبي و لما بتخسري بتتهمي الكل بالغش
كلام غالية صح … كان هدا رد لجين على هبة و قالت لها .
.
خلص هبة لا تكبري القصة خليها شغلت تسلاية مو ربح و خساره
قامت هبة من عندهم معصبة و رمت اوراق الشدة و طلعت من الغرفه
الله يهديها خربت علينا المود هههة هلا كيف بدنا نلعب..؟؟
انا و انت ما بنكفى
طلعت بها لجين و عطتها نظرة .
.
مو الحق عليك لازم يعني تفوزي بكل لعبة خلص بتعرفيها بتدايق خليها تفوز و لو مرة منشان نتم مبسوطين
تخصرت لها غالية و قالت بالله شو بدك نلعب متل الولاد الصغار… كملت و هي بتلوح بايديها متل الى بلقي محاضره… وين الحماس وين روح المنافسه..
قسم بالله بتبيخوا اللعبة انتوا ….
اااف منكم و قامت غالية و تركت لجين المستغربة من الى صار…هلا الكل زعل يعنى!!
والله غريبة حالت هالخوات ….
قامت لجين و لمت ورق الشدة الى رموة خواتها و هن معصبات و راحت نزلت لتحت تشوف امها و ابوها
بالصالون لقت امها بتحكي بالتلفون و ابوها ما سك اللاب توب و بشتغل … مشيت لجين لعند ابوها و جلست جنبة و ما لت عليه و قالت بصوت و اطي .
.
بابا وين الكل ؟
ابوهبة من غير ما يرفع راسة من اللاب توب رد عليها..
هبة بالحديقة قال بدها تسقي الوردات و غالية بتعمل لنا قهوه
ردت لجين ااة طيب ….
بهالحظة دخلت غالية شايلة صينية القهوة و لما شافت لجين قالت … لجون الله يخليك جيبي الحلو من المطبخ ….
قامت لجين ركض عالمطبخ و رجعت معها صحن الحلو……كانت غالية بتصب القهوة التركي بفناجين و بتعطي ابوها و امها لما حطت لجين الحلو جنبها عالطاولة قالت لها غاليه: بتريدي ؟
ردت لجين اذا فصبيلي فنجان
صبتها غالية فنجان و عطتها اياة و قالت لها بالتاكيد فاصلا عملت قهوة بتكفي لكلنا .
.
وبالحظة هي دخلت هبة من باب الحديقة الخلفي الى بطل على الصالة و لما شافتها غالية صبت لها فنجان من غير ما تسالها و عطتها اياة و هي بتقول تفضلي ست هبة بس ان شاء الله تكوني روقتى
ما ردت عليها هبة و اخدت الفنجان و هي بتشكرها و جلسوا الكل يشربوا قهوتهم و ياكلوا حلو على الساكت لان امهم لسي على التلفون و الله و حدة بعلم مع مين بتحكي و ابوهم مشغول باللاب توب تبعه
هدا السناريوا منعاد جميع عصر يوم احد .
.
خناقة صغار و بتنتهي بالصلح على فنجان القهوه
عائلة ابو هبة عيلة صغار مكونة من الاب غسان ال… ابو هبة و الام ندي ال..
ام هبة و البنت ال كبار هبة 21 سنة .
.
بتدرس هندسة طبية ….
و ثم بتجي و راها غالية 17 سنة بتدرس بالمرحلة الاخيرة بالثانيوية و احدث العنقود لجين 16 سنة كمان بتدرس بالثانوية
عائلة ابو هبة عايشين فامريكا من فترة طويلة كتير … ابو هبة تزوج من ندي ثم هاجر الى امريكا ليكمل دراستة العليا و هنيك انجب جميع بناتة … ابو هبة دكتور بالجامعة فقسم الفيزياء و الكيمياء و هو مشهور جدا جدا باعمالة و ابحاثه
عيشتة بالغرب ما اثرت على كونة عربي مسلم فهو من الناس المحافظين جدا جدا تعاون هو و ام هبة على تربيه بناتة اقوى تربية دينية و ما خلاهم و لا لحظة ينسوا جذورهم العربية … فبناتة يتكلموا اللغة العربية بطلاقة و بامريكا علمهم قرات القران الكريم على ايد شيخ هنالك و بناتة محافظات على الحجاب الشرعي و الكل بشكر باخلاقهم و تربيتهم
طيب اكيد هلا انتوا متشوقين تتعرفوا زيادة على شخصيات البنات
خلونا نبدا بهبة البنت البكر … فتاة روعة كتير و اجمل شي بها جسمها الى متل عارضات الازياء و كتير خواتها بنقهروا منها لان مهما اكلت ما باثر فجسمها بشرتها بيضا و شعرها اسود عيونها بنيكبيرة و لها غمازة بذقنها بس اسوا شي بهبة عصبيتها و روح المنافسة الشديدة الى عندها ما بتحب تخسر بشي و لا يمكن حدا يدوس لها على طرف طبعها كتير بشبة طبع ابوها و هي شديده الذكاء دائما متفوقة بدراستها و هلا هي باقي لها سنتين و بتتخرج مهندسه
اما البنت الوسطي غالية سماها ابوها على اسم امة لان بتشبها كتير يعني جمالها جمال فتيات الشام طولها متوسط و جسمها حلو كتير شعرها عسلي و بشرتها بييضا اجمل شي بها عيونها لانهم و ساع كتير و رموشها غزيرة و طويلة و لونهم بنى..
قد ما تكون احلى و حدة من خواتها بس جمالها بلفت النظر و لها جاذبية غريبة خاصة لما بتبتسم لان تمها حلو و لها صفت اسنان كتير روعة بس اجمل شي بها روحها المرحة اذا سمعت صوت ضحك هدا اكيد غالية و اذا سمعت نقاش عالي هدا اكيد غالية هي انفعالية بس قلبها ابيض و بتحب جميع الناس
لجين هي اجمل و حدة من خواتها عيونها خضر فاتحة بس مو كتير كبار..شعرها اشقر غامق موج بالوان الشقار يعني تحسة كانة مصبوغ عدت الوان طولها ما بين هبة و غالية .
.
جسمها ملفوف شوي و بشرتها بيضا و لها غمازة و حدة على خدها اليمين … البنت هي هادئة كتير و مسالمة و ما بتحب المشاكل على عكس غالية الى ما بتقدر الى تدخل بكل شى
قالت غالية بملل و زهق و هي بتحط راسها بحضن امها …يالله متي بدة يجي موعد السفر
ردت عليها امها و هي بتمسح على شعرها… كلها اسبوع و بنكون بسوريا
يعني لو سبقناكم انا و لجين مو كان هيك اقوى ما تضيعوا علينا اسبوعين من الصيفية منشان الست هبه
هون ردت عليها هبة و هي بتطلع بها بعبنوتة يعني بدك تنزلي لحالك حبيبتي ما شاء الله ما شاء الله شو التحرر هدا
قالت غالية بنرفزة و هي بتعدل جلستها يعني الى بسمعك بقول حننزل لحالنا و نقعد ببيت لحالنا مو كان نازلين عند ستي و انت بتعرفي ستي ما بتخلي حدا يتنفس من كتر ما هي شديييدة بس على الاقل مو نقعد هون لا شغلة و لا عملة انا و لجين بس نستني حضرتك تخلصي اختباراتك
طيب مدام ستي ما رح تخليك تتنفسي شو بدك تروحي لعندها و لا بس نق على الفاضى
لا حبيبي مو نق بس و انا عند ستي بجو جميع البنات لعندنا و بنتسلي انا و لجين اما هون ما فشي نعملة انت متسلية بالدراسة و نحن جميع صاحباتنا سافروا على بلادهم انت بتعرفي ان المدارس الاسلامية هون بتسكر بكير قبل المدارس الحكوميه
ردت عليها هبة بمسخرة و هي بتقوم لتطلع على غرفتها ….
اما تسلاية الدراسة مو كان رح تطلع روحي بالمتحانات هي …غيرت نبرت صوتها و هي بتلف لعند امها … ما ما انا طالعة ادرس و الله يخليك ما بدي حدا يزعجني طيب
ردت عليها ام هبه… طيب ما ما الله يوفقك
غالية لما شافت اختها هبة دارت ظهرها و بتطلع على الدرج مدت لها لسانها بقهر مين شاف الحركة هي لجين فضحكت شاركتها غالية الضحكة و هي بتقترح…… شو رايك نسبح منشان نضيع الوقت ؟
ردت عليها لجين … ليش لا و الله الجو بجنن .
.
يالله قومى
قضت غالية و لجين فترة العصر بالسباحة و ما طلعوا من المسبح لحتي هلكوا و ما عاد لهم حيل يكملوا اكتر دخلوا على المنزل و غيروا ملابسهم و اكلولهم لقمة و على طول على النوم ( بتعرفوا اهل برة بحبوا النومة بكير)
يوم السفر…
الكل كان مبسوط و خصوصا غالية الى كانت بتنط بكرسي الطيارة من الفرح …يالله اخير مو مسدقة حالي اخيرا بدي اشوف ستي و جدوا و جميع البنات و الله اشتقت للكل..
رد ابوها و هو ببتسم لها ابتسامة روعة .
.
كلها ساعات و بتصيروا عندهم الصبر الصبر يا غاليه
ابتسمت غالية لابوها و هزت راسها بطيب ….لفت لعند لجين لان لجين كانت جالسة جنب الشباك و هي بالنص و ابوها جنبها اما امها و اختها كانوا بالكراسي الى قدامهم و جنبهم و حدة ست اجنبيه
لجين شو اكتر شي مشتهية انك تعملية اول ما تصلي على سوريا؟
ردت عليها لجين و هي بتتفرج من الشباك … انام
انصدمت غالية بجواب لجين و قالت لها مستغربية … نعم …..تنامي !
!!
ردت لجين بعد ما التفتت على اختها … ليش انت خليتيني انام احدث يومين من كتير ما انت متحمسة للسفرة سهرتي المنزل كله
ردت عليها غالية و هي بتدفشها … يالله ما اغلزك
مرت الساعات و وصلت عائلة ابوهبة على سوريا و كان الكل بستقبلهم بالمطار و عليت الاصوات بالترحيب و التقبيل و الصراخ بين البنات و الكل يحاول يهدي فيهم ما ففايدة … كان الوقت لسي العصر منشان هيك الكل رجع عند بيت =الجد ابوة لابوهبة منشان يسلمو على الواصلين
الجد ابو صالح عندة 3 اولاد و فتاة و حده
صالح ابو محمد متزوج و عندة 3 شباب و 2 بنات
غسان ابو هبه
و انس كمان متزوج و عندة بنتين و صبي واحد
اما عليا اخت ابو هبة فهي اكبر من ابو هبة و متزوجة و عندة 4 شباب و 4 فتيات و معظم و لادها متزوجين
اما عائلة ام هبة ندي فابوها متوفي و امها عايشة عند اخوها الكبير مصطفى ابو خالد و هو متزوج و عندة 5 شباب
ام عبدالرحمن هي اخت ام هبة ال كبار و عندها ولد واحد و 5 بنات
فاطمة 29 متزوجة و عندها 3 بنات
مريم 26 سنة متزوجة و هلا حامل
عبدالرحمن 25 سنة مهندس كمبيوتر
لينا 21 سنة بتدرس صيدله
سوسن 18
و سوزان 17
ام سامر اصغر من ام هبة و عندها 3 ولاد و فتاة و حده
ابراهيم اخو ام هبة الصغير عمرة 30 سنة لسي مو متزوج بس مستقل بحياتة عن اخوتة و عايش لحالة ببيت صغير
نرجع للجميع فبيت الجد ابو صالح ابوة لابو هبة الكل كان مجتمع عندة بالتاكيد و الى قدر يجي من اهل ام هبة للمطار رجع معهم لبيت ابوصالح و الكل حاول جهدة يهدي طوشت البنات بس ما فامل على الساعة 8 حطوا العشا و الكل تعشي و على الساعة 10 كان الكل رجع لبيته منشان يخلي المسافرين يرتاحوا شوي من تعب السفر
- رواية علمني الحب للكاتبة سحابة نقية
- روايات سحابة نق
- تحميل رواية علمني الحب لسحابة نقية
- تحميل روايات رومانسية جريئة pdf
- قصص سحابه نقيه
- نق مبسر
- تحميل روايات سحابة نقية pdf
- جديد الكاتبه سحابه نقيه
- روايات رومنسية بقلم سحابة نقية
- روايات سحابة نقية
