وبركاته ^__^
اكيد من العنوان باين اني وصلت لاعماق كل بنت همها موضوع هالشي وبالذات البنات الي على ويه زواج^__^
بداية استهل موضوعي بمقتطف بسيط من حديث النبي صلى الله عليه وسلم في هذا الموضوع بحيث علق وقال ((…نتف الابط وحلق العانة))
اذا الحكمة في موضوعنا هذا والي الكثير من الحريم فزمنا هذا غافلات عنها بحجة انه النظافة الاكيدة بتكون بالحلاوة او الشيرة وايما خطا عظيم تجنيه على نفسها هاي الاخت بدون ماتدري!!!!!!!
وحتى الاطباء تاخروا في اكتشافهم لمدى خطورة هالامر و توصلوا اخيرا لنتيجة وهي انه كثرة الشد والمط في هذه المنطقة يؤدي الي موت وتدمير الخلايا الحسية والاعصاب المتصلة بالدماغ ,,لذلك كثيرا ما تمسعين من الخوات انه بداية الموضوع يكون مؤلم بس مع الاستمرار ما راح اتحسين بالم كون المنطقة اتخدرت!!!!!وحليلها ما تدري انه ماعادت عندها خلايا اتحس بالالم او حتى اللذة (السموحه),,
وكثيرون هم الازواج الي يشتكون من برود زوجاتهم وما كان ذلك الا بسبب هالعادة الخاطئة في تنظيف المنطقة والعناية ابها ..متناسين مع الايام الترهل الي بيصيب هالمنطقة ..
مابطول عليكم اكثر …بس هاذي بداية حبيت استهلها بحديث النبي عليه الصلاة والسلام وكلام العلماء حول هذا الموضوع في اخر الزمان^____^
واحينه بندخل فصلب الموضوع ,,طبعا الطريقة الي بنتبعها بتحتاي منا مجموعة اغراض من الجمعية بس كلها بسعر ممتاز وفي متناول الجميع ^____^
خلونا نبدى بسم الله
اول شي قبل ما تدخلين الحمام عزج الله لازم اتكونين امحظرة عدتج كاملة عسب ما تدودهين اذا ناسية شي ^__^
من عقب ما تسبحين واتخلصين سبوحج كامل وعقب الشور جل بالريحة الي اتعيبج بنبدى نشتغل عالمنطقة.. بتقوليلي ليش ما انظف المنطقة قبل عقب اسبح واستخدم الشاور جل ,بقولج لا وغلط وما ينفع ^___^ لانه الشور جل عبارة عن صابون سائل والصابون مثل ما كلكم اتعرفون يسمر المنطقة ونحن ما نبا انسمر المنطقة كونا نحن بعدنا ما بدينا التنظيف,,حلو الكلام؟؟ ^____^
اوكي خلصنا السبوح احينه بنييب الموس^___^ هي نعم الموس ولا تستغربين !!!!لانه نحن بنتبع سنة الرسول عليه افضل الصلاة والتسليم فالموضوع,,واحينه بييني السؤال المعتاد انزين شو شكل الموس الي بنستخدمه صح لا ؟؟ ^___^
اوكي شوفوا معاي الصور قبل لانه نحن بنستخدم اكثر عن شفرة فالموضوع وكل وحده لها شغلتها^___^
سامحوني بس هاي الصورة الوحيدة الي حصلتها حق قوطي الشفرات>-< ادري صغيرة
هاي الصورة الاولى لموس فينوس ومعروفه ما يحتاي عليها اسئلة وكل من تحلي(اتصدي) الشفرات اترومين اتغيرينها ,,اتييج علب معاها فيها تقريبا 8شفرات مادري6 مب متذكرة لاني افر العلب ب40درهم او اكثر المهم ابهالحدود^____^
وهاي الامواس بعد من غير(للاسف ما حصلت لهم صور فالنت من جذا انا صورتهم والسموحه اذا الصور مب واضحة) بعد بتلاقينها فكارفور او حتى فالسفير هايبر ماركت جريب الشباصات ^____^
وهاي اخر شفرة بعرضها الي هي مكينة براون المعروفة ويلي البنات يشكون اونه ما اتشل عدل وانا الي بعلمكم عليها ^____^
طبعا رقمت لكم الشفرات عسب يسهل علي الشرح ^____^
اوكي خلونا نبدى من يديد ^___^
اول شي هاتي النشا^__^ نشا الذرة
وانثريه فوق المنطقة كاملة وابدي شلي باتجاه نمو الشعر باستخدام موس فينوس الي بالرقم (1) بتقوليلي يتقطع الشعر؟؟اقولج هيه لانه هاي اول خطوة ^____^ وكل من طاح النشا وخلص ردي حطي مرة ثانية وانفضي الموس بالقاع عسب تتخلصين من الشعر العالق بالموس,,لين اتخلصين المنطقة الفوقية كاملة ..
احينه بتنزلين اشوي فهالمنطقة (بين الشفرات) سوي نفس الحركة بس هالمرة بتستخدمين الشفرة رقم (3) ,,انثري النشا وردي شلي باتجاه نمو الشعر وللعلم هالشفرة يوم بتيين تستخدمينها خليها مايله على الجلد لانها بهالطريقة اتشل اما ان خليتيها عامودية تراها ما بتشل شي ^____^ ,,اوكي خلصتي هاي المنطقة احينه ,,خلينا انروح عمنطقة البكيني والي انا اشوفها ما اتعور بالاساس ^___^ وهاي عادي لو اتشلينها بالحلاوة ما منها ضرر لانها بعيدة عن المنطقة بس للي اتفضل الموس بعد ماشي خلاف ,,بتستخدمين الشفرة رقم(2) وبتسوين نفس الشي بخصوص النشا ,,بتنثرينه وعقب بتشلين باتجاه نمو الشعر ,,احينه خلصنا كامل المنطقة بالشل ((فاتجاه نمو الشعر)),,يالوقت الي بتشلين فيه عكس نمو الشعر وبتحسين بالفرق من احينه ^__^ وانتي اتشلين (( بعكس نمو الشعر)) بتلاحظين انه المنطقة ناعمة وانتي اتشلين,,لانج اتخلصتي من معظم الشعر ^__^ فبتردين اتحطين النشا واتشلين ^____^ بتقوليلي شو خانة الشفرة رقم(4) صح؟؟ اباكم تتحرقصون وعقب بخبركم ^____^
احينه من عقب ما خلصنا تنظيف المنطقة من الشعر ,,لازمنا انقشر المنطقة ,,عسب السواد يخوز وعسب انه انجدد البشرة ونتخلص من القشرة الفوقية للجلد الميت وبنفس الوقت انحس بالنعومة^____^,,عندج طريقتين للتقشير ,,وانا عن نفسي ساعات استخدم هاي ومرة هاي واثنينهم لهم نفس المفعول ترى ^____^
شوفي معاي هذا المقشر معروف وبتلاقينه عند بدي شوب ,,احسن شي عندي اللوز والفيفاي ^____^
هذا باللوز
وها بالفيفاي
وهذا النوع الثاني الي استخدمه معروف ملح اليوكو ^____^
وهذا بعد فنان ووايد يمدحونه ,,اول ما بديت اقشر كنت ابدى فهذا وعقب خذت البدي شوب
وهذا مقشر الريل بس روووعة لو قشرتي به المنطقة ^____^ الصورة من عندي
هاتي اشوي من المقشر وحطي بيديج وافركي ^___^ انا استفاد منه بالاثنين منه عسب اقشر ايدي ومنه حق المنطقة من جذا ما احطه على طول فوق المنطقة ^____^ المهم شلي بيدج وافركيه عدل عالمنطقة بليفة ناعمة
او حتى بالليفة المغربية
بس اهم شي ما اتثجلين ايدج عليها >-< وااايد بنات يظاربون ويا الليفة وبالذات الليفة المغربية عبالهم السواد بيروح من زود الدفاشة الي يسوونها وها اكبر غلط لانها اتفتح المسام اكثر من اللازم بالتالي بتييج النتيجة عكسية >-< وبخصوص الي بتستخدم الملح للي عندها وما تعرف تستخدمه ترى حطي اشوي ماي بيدج واشوية ملح وافركي عادي^___^((عندي ملاحظة بخصوص التقشير بس بخليها لاخر الموضوع ))
انزين خلصنا من التقشير احينه هاتي الغسول الخاص ابهالمنطقة وشي منه وايد ,,سيباميد والغسول الاندونيسي وكير فري ^____^ عن نفسي استخدم الاندونيسي وااايد فنان وريحته رووعة بالذات البرتقالي ^_____^ (وملاحظة بسيطة للي تبا تستخدم الغسول ترى لازم تستخدمينه مرتين فاليوم من تصبحين وجريب ترقدين عسب النظافة والريحة الحلوة )
