اسمرار المنطقة الحساسة والابطين
لازم الاول نعرف ان المنطقة الحساسة طبيعي يكون فيها تلون بسيط ولون الجلد فيها بيكون غامق شويه عن لون الجلد الطبيعي
من اسباب اسمرار المنطقة الحساسة والابطين الاتي
1- زيادة الوزن وبالتالي كثرة الاحتكاك بين الفخذين
2- حدوث التهابات فطرية وعدم الاهتمام بعلاجها فبتؤدي الى اسمرار الجلد (اسمرار بعد الالتهابات)
3- استخدام مزيلات العرق التي تحتوي على كيماويات وعطور
5- استخدم العطور مباشرة على الجلد
6- استخدام الفوط الصحية اثناء الدورة الشهرية مدة طويلة .. المفروض الفوطة بتتغير كل 4 ساعات
7- ارتداء ملابس داخلية غير قطنية ..الياف صناعية مثلا بتسبب اسمرار الجلد
العلاج
1- لازم ارتداء ملابس داخليه قطنية طويلة (شورت) ومقاسها بالظبط على الجلد
2- تخفيف الوزن
3- الاهتمام بنظافة المنطقة وازالة الشعر باي وسيلة مثل موس الحلاقة النسائي او السويت
4- الحفاظ على المنطقة جافة بعد كل حمام ..لازم تجففي المنطقة كويس من الماء
5- علاج اي التهابات سواء جلدية او مهبلية خصوصا الفطريات لان بيكون مصاحب معاها حكة شديدة وبالتالي بتؤدي الى اسمرار
6- ممنوع استخدام مزيلات العرق اللي بتحتوي على كيماويات وعطور
7- العلاج الطبي
اولا لازم نعالج الالتهابات الموجودة زي التينيا
ثانيا كريمات التفتيح
فيه كريمات تفتيح كتير جدا بالصيدليات منها الغالي والماركات ومنها الطبي العادي
هاقولكم اسماء المعتمد منها
الكريمات دي فعلا حلوه وجابت نتايج حلوه مع بنات كتير
ملاحظة: اي كريم تفتيح لازم يستخدم حوالي شهرين او 3 شهور مش اقل من كدا
وهاتبدي تلاحظي نتيجة بعد شهر او شهر ونصف .. علشان فيه بنات بتسال استخدمت الكريم اسبوعين ومالاقيتش نتيجة؟ دا طبيعي لان النتيجة بتبدا تبان بعد شهر تقريبا
طبعا كريمات التفتيح زيها زي اي كريم لو حسيتي بحكة او احمرار معناها عندك حساسية من الكريم وقفيه معناها مانسبكيش
كريمات التفتيح لاتستخدم على مناطق كبيره بالجسم
يعني ماينفعش واحده تستخدمها على كل جسمها لتفتيحة غلط جدا وممنوع
1- كريم افالون المبيض للتفتيح Avalon cream
كريم افالون تقريبا كان لونه ابيض وبعدها جددوا بشكله وبقى لونه برتقالي وفيه منه تركيزين 4% و2%
طبعا الافضل تركيز 2% علشان يكون خفيف على البشرة
ومعاه كريم هيدروكورتيزون اسيتيت 0.1% او كريم الوكوم او وقت اللزوم لو حسيتي بحكة او بالتهاب
او تاخدي نقطه من افالون ونقطة من الهيدروكورتيزون وتخلطيهم كويس وتدهني بيهمالمنطقة الحساسة مره ليلا وتغسليها الصبح
2- كريم الدوكين 2%
فيه منه تركيزين 2 و4%
استخدمي تركيز 2%
ومعاه كريم اليكوم او هيدروكورتيزون وقت اللزوم
تاخدي نقطه من دا ونقطه من دا وتخلطيهم وتدلكي بيها المنطقة الحساسه تدليك كويس لحد مايتشرب الخليط قبل النوم
ملحوظة : ممنوع خلط الكريمات كلها ووضعها بالثلاجة ..لان بيحصلها تاكسد
لازم تخلطي كمية صغيره فقط وقت الاستخدام
ملحوظة : لازم نستخدم كورتيزون خفيف زي الاليكوم او الهيدروكورتيزون علشان يقلل اي التهاب هاينتج من كريم التفتيح وتقللي من حساسية الجلد تجاة كريمات التفتيح شويه
ملحوظة: نقطة صغيره جدا من كريم التفتيح بتكفي مع التدليك الجيد
او اي كريم تفتيح من اللي هاقولهم بعد شويه
اما للمصريات
بنصح بكريم فولدكس لانه متوفر بمصر فقط وتقريبا مش متوفر بالسعودية
Foldex cream
مكوناته طبيعيه وبيستخدم لوحده وفيه منه للبشره وللمنطقة الحساسة متوفر بالصيدليات المصرية
وسعره 45 جنيه مصري
واعتقد انه مش متوفر بالسعودية
ثالثا:تفتيح الوجه وتوحيد اللون
كريمات التفتيح بتشيل التصبغات الجلدية الناتجة عن حرارة الشمس يعني بترجع البشرة لطبيعتها
يعني مش بتغير اللون وتحوله لابيض ..لالا .. هي بتفتح اللون وتصفي الوجه
زي
= افالون كريم 2% لتفتيح الجلد
= الدوكين 2%
= وايت اوبجيكتيف كريم White ive cream او وايت اوبجيكتيف سيروم
من شركة بيوديرما
ودا حلو كمان للي فيهم تصبغات زي الكلف لانه بيقشر تقشير خفيف او مع وجود تجاعيد بيكون ممتاز جدا
= يونيتون 4 Unitone4
من شركة ايزيس فارما
ودا فيه منه نوعين
يونيتون4 بالهيدروكينون
ونيتون 4 بالاربيوتين << دي مادة طبيعية من مستخلصة من النباتات بديله لمادة الهيدروكينون وليها نفس تاثيرها
= كريم بليندينج بليتشينج blending bleaching cream
من شركة سكين تيكSkin tech بس دا بيحتاج استخدام مستمر لان مكوناته طبيعية جدا فبيحتاج 3 شهور استخدام متواصل
ملحوظة:كريمات التفتيح كلها تستخدم مره ليلا لمدة شهرين متواصل وهاتبدي تلاحظي نتيجة التفتيح بعد شهر او شهر ونص من الاستخدام باذن الله
مع عدم التعرض للشمس او حرارة البوتاجاز او الاضاءة النيون البيضاء
ولو تعرضتي للشمس لازم تستخدمي واقي من اشعة الشمس درجة حماية 50 او اكتر
من احلى الكريمات الواقية من اشعة الشمس
UVE Block 50 plus او 80 لوشن
يو في بلوك 50 بلس او 80 من شركة ايزيس فارما (isis pharma)
ابعا: بقع سمراء بعد حب الشباب
كريم ديفيرين 0.1% Differin 0.1% cream
مره ليلا مع عدم التعرض للضوء
بطرف اصبعك تاخدي نقطه من الكريم وتحطيها على البقع فقط مره ليلا قبل النوم مع عدم التعرض لاي اضاءة
وصباحا تغسلي وجهك كويس بصابونة لحب الشباب زي صابونة اكني ايد او صابونة نيتروجينا لحب الشباب
او صابونة الكبريت
ولو حصل اي التهاب نتيجة للتقشير بتستخدمي كريم الوكوم Elocom cream
وقت اللزوم لما تلاقي حكة او التهاب ناتج من التقشير
لمدة اسبوعين
لو لاحظتي ان لسه البقع مستمرة استخدمي كريم تفتيح مع كريم ديفرين من كريمات التفتيح السابقة
- صوره كريمات الجسم تفتيح البشره
- كريمات فلبينيه لتفتيح البشره
- منتجات فلبينيه لتبيض الجسم
