اشهى التورتات السريعة

الطريقه

كل المقادير السابقه علي بعضها ما عدا الدقيق ونضربها بالضرب حتي تصبح مثل
المحسن بقي اول مره استخدمه وفعلا طلع رائع بيسهل كتير الشغل يعين بيخلي البيض يعلي بسرعه ويتقل
وبعد كده حطيت الدقيق وبالمضرب علي السرعه القليله لحد ما يندمج مع بعضه

حطيت ورق في ارضيه صينه مربع كبيره وسويت الكيك بالاسباتيل لان مع المحسن سماكه الكيك بيكون تقيل زي الكريم التقيله يعني لو ميلت الكيك لجنب مش حنزل معاكي

وسويت الصينه ودخلتها الفرن علي الشبكه في النص والفرن من اسفل فقط لحد ما الجناب تتحمر واشغل الشوايه ثواني تاخد لون طبعا نتاكد انها استويت بالسكينه لو طلعت نظيفه خلاص تماما كده

طبعا لاني مستعجله علي طول خرجتها من الصنينه وشيلت الورق وقسمت الكيك نصين وهي سخنه الحمد لله ما حصلش حاجه

التزيين
عملت الكريم عقبال ما تبرد الكيك شويه كريم شانتيه عادي
وجهزت الاناناس والتفاح قطعته شرايح وسيحت الشيكولاته
انا محتاجه شيكولاته قليله جدا لاني بعمل خطوط بس بيها
يعني نص كوب شيكولاته مع ربع كوب كريمه او قشطه او شويه كريم شانتيه زي ما عملت انا ولما ساحوا حطتيهم في كيس عادي وبدات ازين

طبعا نسيت اقول اني سقيت الكيك بشراب الاناناس
كانت هديت الكيك خالص وركزت وانا بسقيها علي الحروف علشان بتكون ناشفه شويه
كمان المحسن مخلي الكيك من جوا زي السفنج بالزبط

حطيت طبقه كريمه
وبعدين حطيت نص الكيك التاني وسقيته كمان ثم طبقه كريمه

وقسمه الكيك بالورب وبدءت ارص الفاكه وسيبت النص التاني
عملت خطوط طوليه بالشيكولاته من الكيس البلاستيك قطعت جزء من الحرف وعملت الخطوط
وبعد كده بخله اسنان او بتاع الشيش تووك او حرف سكينه حتي نمشي رايح جاي عكس بعض بالعرض علي خطوط الشيكولاته قبل ما تجمد
وحطيتها في الثلاجه وطلعت بالجمال اللي انتوا شايفنه وطعمها تحفه كمان