مكرونه بالجبن والطماطم /
– نسلق مكرونه ربع باكيت
– نحمس بشوي زبده وزيت , بصل مقطع صغار مره + فص ثوم مفروم + شوي ملح + شوي بهارات مشكله + دجاج او ربيان او بدون
– بالخلاط ,حبتين جبن كيري +ربع علبه معجون طماطم عشان يصير بينك +ربع كاس ماء +نص حبة ماجي
– ونضيفهم ع البصل لما يتسبك شوي + المكرونه
واخر شي نضيف عليهم كريمة خفق
طبعا للامانه ماكان متوفر عندي كريمه خفق فاخذت ملعقتين مايونيز + ملعقه جبن + علبة حليب سائل + نص علبه قشطه وخلطهم مع بعض وصبيتهم
ونرش معها شوي شيدر مبشور وبس ^^
انا لاني احب الفلفل الحار حطيت معه علب فلفل حار مقطع
*
لذيذه مره وتصلح عشاء وغداء
—————————
8- صينية السبانخ ب قشطة الخفق و البطاطس ~
حزمة سبانخ ( مغسوله و مقطعه صغير )
– 2 بطاطس مسلوق و مهروس
– بصله صغيره مفرومه ناعم
– تقريبا 2 بياله شاهي قشطة خفق
– جبنه تشيدر + جبنة بارميزان
الطريقه :
نسلق البطاطس في مويه فاتره و قليل ملح ..
واذا استوى و نضج .. نصفي المويه و نهرسه .. و نشكله على شكل كور و نرصه في صينية الفرن
كورة البطاطس
ننتقل ل السبانخ :
نشوح البصل في قليل زيت .. الين يذبل ~
ثم نضيف له السبانخ و نقلبها الين تذبل و تطلع مويتها ..
نحط عليها قليل ملح ( لا تكثرون باقي عندنا اجبان )
وفلفل اسود .. ( في وصفتنا ما راح نستخدم غير الفلفل الاسود )
لان ما في شئ يستدعي استخدام الماجي او البهارات المشكله ..
نبي طعم السباتخ يبرز لوحده مع وجود قشطة الخفق ~
بعد ما تذبل السبانخ و نتاكد من استوائها ثلاث ارباع الاستواء ..
نصب عليها تقريبا ما يقارب 2 بيالة شاهي قشطة خفق
و نخليها تطبخ ل مدة 5 دقائق ~
بعد ما تغلي قشطة الخفق و تمتزج بالسبانخ ..
نضيف 3 ملعقه جبنة بارميزان و علبه جبن تشيدر صغيره ( وممكن تكتفون بنصف العلبه )
<< في حال استخدمتوا الوصفه ل شخصين ..
بعد ما تذوب الاجبان مع القشطه و السبانخ
ممكن ترشين موزريلا على الوجهه بس انا اكتفيت ب وجود الاجبان المذابه مع السبانخ ~
و ندخلها الفرن من تحت تقريبا نار متوسطه ل مده 12 – 15 دقيقه
ومن فوق الين تاخذ لون ذهبي خفيف
وبالعافيه
————————-
8- صينية الدجاج
– ناخذ صحن دجاج صدور ونقطعه بشكل طولي ونتبله في ( ليمونتين + 4 ملاعق كبيره صويا صوص + 4 ملاعق كبيره كاتشب + ملعقتين ماسترد ( بس انا سويته مرتين مره حطيت وطلع مو مره ومره بدون وطلع لذيذ مره ) ) نتبلها لمدة 3 ساعات بالثلاجه
– نحط شوي زيت + قطعة زبده صغيره ونحمس فيها بصل ابيض مقطع شرائح طوليه او صغار على راحتكم + فصين ثوم مبشورين + حبه فلفل بارد مقطع شرائح طوليه (انا احبه ذايب الفلفل )+ حبه فلفل احمر حار مقطع بحيث يكون فيه لذعة حراره
+ وملعقتين ماشروم
بعدها نضيف الدجاج ونخليه لما تنشف مويته شوي ونضيف مكعب او مكعب ونصف ماجي + ملعقه صغيره بهارات مشكله + باربيكا + فلفل اسود + شوي كركم بحيث يعطي لون
– ناخذ بطاطس ودجز ونقليه ونحطه بصينيه بايركس
– ناخذ الدجاج ونحطه فوقهم
– نسوي الصوص وهو قشطه خفق صغيره مخففه ب3 ملاعق جبن سائل وشوي ملح وفلفل ونرش ع الوجه جبن موزاريلا او بارميزان انا احط موزاريلا وندخلها الفرن من تحت لما تتسبك ومن فوق لما تتحمر ويذوب التشيز
صورة نهائية
زوم ونلاحظ انو فيه اشياء جميله تذوب بالفم
اخر شي اخذت خبز ع الصاج مسوينه بالبيت وحطيت فوقه كميه من الاكله بحيث ياخذ الخبز من طعم الاكله مثل المشاوي دايم نحط تحتها خبز ويصير طعمها
