الفتة المصرية

كل عام و انتم بخير ، الفتة لها طقوس و طرق طهي تختلف من كل سيدة لاخري .

• اليوم سانقل لكم طريقة طهي الفتة التي تعلمتها من حماتي بمصر -والتي تتفنن في تقديمها لنا كل عيد-

الطبق يكفي جميع افراد العائلة.

• الطريقة:

1.  حمصي العيش في الفرن ، رشيه بملعقتين زيت و ملح و فلفل و شوية بودرة ثوم .
2. الطريقة دي احلى بكثير من التحمير و العيش بيكون طعمه رائع
3. اللحمة اسلقيها دايما بعد ما تغلي المية مع بصلة مقطعة اربعة قطع، حبهان و مستكة وورق لاورو ، شوية فلفل اسود و جوزة الطيب و مكعب مرق لحم .
4. ساعتها بس اسقطي اللحمة ، و اتركيها لحد ما تستوي خالص .
5. الصلصة : دقي راس ثوم حلو في الهاون كويس مع رشة ملح ، وصفريه في سمنة او زيت ، و بعدين ضيفي الصلصة و عصير الطماطم و اطفيها لما تغلي بالخل .
6. تبليها بالملح و الفلفل و جوزة الطيب قبل متزودي المية و سيبيها تتسبك .
7. الارز المصري اسلقيه عادي بس انا بحب احط 2 قرنفل و 2 حبهان و ورقة لاورو و عود قرفة. بالطريقة دي الارز بيطلع مبهر و ليه طعم شهي جدا.
8. و اخيرا رصي بقى العيش في الصينية و اسقيه بالمرق وحطي الرز و اللحمة ، واسقي الكل بالصلصة و بالف هنا وشفا احلي طبق فتة .