كلمات الايام الحلوه
الايام الحلوة
بتعدي في ثواني
الايام الحلوة
ما بترجعش تاني
طعم الحب تغير
وقت الفرح صغير
اكبر لحظة ود وحب
وصدق زمانها قصير
الحلو بيتمرر
والجرح بيتكرر
نجرح نالم نقسى
ونظلم وغلطنا بيتبرر
اللي نحبه بنودعه
واللي في ايدنا بنضيعه
واللي ناسينا عايش فينا
واللي شارينا بنخدعه
ولا في الشدة حبايب
ولا في الدمعة قرايب
كله في جرحك مرحك مرك
نارك المك غايب
حبل الود اتسيب
طعم الظلم يشيب
زمن الصدق وزمن الطيبة
بقت حاجة بتتعيب
معنى الحب بنزيفه
صوت الحق بنكتفه
واللي دابحنا ساكن روحنا
واللي جارحنا بننصفه
ماشية الدنيا ودايرة
فيها مراكب سايرة
ناس في مراكب ضايعة وناس
في مراكب تايهة وحايرة
ناس احزانها شديدة
وناس سكتها بعيدة
ناس كل ما دمعتها بتدبل
تطرح دمعة جديدة
في عز المنا وفي جرحنا
بنتخلى عن بعضنا
وادي قصتنا، وادي حكايتنا
وادي دنيتنا انت وانا
