شي يخصك باقي عندي ” قلب ” من غيرك وحيد !
ما يبي يبقى بدونك ………! يا اجيلك / او يجيلك !
يسالوني الناس عني ! [ ليه ما اكتب : قصيد ] ؟!
قول .. لا تسكت .. تكلم .. وش اجاوبهم دخيلك ؟!
اختلفنا . . . . . وماعرفنا ، شنهو الراي السديد ..
يا تضحي في عنادك ..! او ، اضحي في سبيلك !
ليه كل عيد انتفارق ؟! صرت اكره ، كل عيد !
وانت فارق في [ غلاتك ] .. وقلبي ما عنده مثيلك !
المشاعر من غيابك . . يا دفا احساسي , جليد !
طحت من عيني ل قلبي وصرت ما اقدر اشيلك !
يشهد الله .. من رحلت وفي حياتي ، لا جديد ..
وكل ما المح سرابك .. ارتبك ، الله وكيلك !
حالتي صعبه / ولكن .. كيف حالك ؟ يا بعيد . .
اشتكي منك اليك .. ومن جروحي , اشتكيلك !
والله ما قصرت فيني بس .. . ودي لو تزيد !
يعني ” اذبحني ” وكمل يا بعد قلبي / جميلك !
ادري اني دايم اخطي .. وفوق كل هذا عنيد
وش تسوي هذا حظك رغم زلاتي [ خليلك ] ..!
اقتلك .. لا من خطيت ويا عسى ، عمرك مديد !
و اعذرك .. لو كنت قاتل لانه : يستاهل قتيلك .!
ويلي منك لو نسيتك . . . والزعل طبعا ” شديد ” ..
ولو احس لحظه ب انك منشغل عني ؟! يا ويلك ..!
كل عاذل جاك بعدي .. وقال لك اني : سعيد . .
– ما صدق ! وين السعاده ! والحزن شيد رحيلك !
وكل عاذل قال عني شي .. – احساسه بليد !
ما قدر ياخذ كثيرك .. صار يطمح , في قليلك !
وكل عاذل ان عطيته وجه .. – ورااااك المزيد !
لو يقول انه : يبيلك خير !! والله ما يبيلك !
جيتهم طيب ……. . وادري في زماني ما يفيد !!
وش حصيل الطيب فيهم ؟ ومن فراقي , وش حصيلك !
بترك الدنيا ( عشانك ) ! دام هذا ما تريد ..
ويا عسى كلمة ” عشانك ” تشفي يا روحي غليلك !!
الدليل اني احبك : صرت احسك ب [ الوريد ] !
وادري في قلبك يحبني . . دون ما اسمع دليلك !
في عيونك صرت ( شاعر ) واصل القمه / فريد !!
وصرت تسوى في عيوني كل بني جنسك , وجيلك ..
مثل قلبك ما الاقي ..! ومثلي ما تلقى اكيد !
يعني ما عندك بديل ومستحيل القى بديلك ..!
يا غزال . . . . . شوف قلبي ما يبي غيرك يصيد
ولا بغيتك ..ادري وينك اسمعك , واتبع [ سليلك ] ..!
اجلس ب عرش الفؤاد ولك ، احاسيسي عبيد
واعتبر قلبي النهار , وقمرة .. تضوي في ليلك !
ياللي شيعت المفارق ….., اشرب وصالي ، و زيد ..
خذ دفا احساااسي و ” ادفا ” كان بردك هد حيلك ..!
- صور قلب وحيد
- قالعني شوف مهبلي
