تعال ونام في عروقي ودمي
تلحفني دفا .. واتلحفك شوق
يا صوره انثنت من كثر ضمي
تناديني وله..و البي بشووق..
احبك موت
تبي الحقيقه ؟؟ والله اني تغيرت
قبل اعشقك واليوم انا فيك مجنون !!
ضمني حيل
يالغالي اللي من غيره اموت
ايه – ضمني – حيل خلني احيا بك
سمعني احلى كلام الحب بعالي الصوت
خل العالم تدري باللي بيني وبينك
ضلعين
حالمه ! لايجف بشفاهك كلام
ليلتك ترنيم والحان وحدو !
ماعرفت وين قلبي ! ياحرام !
ساكنه ضلعين وبيوت وبدو !
قرب اكثر
اسقني من شهدك اللي..البحر لو ذاقه يسكر
ضمني لحظه…في عيونك في جنونك
ابي انسى كل عذابي
ابي انسى غربتي حتى فثيابي
ابي اسكر
قيدي اللي علقه وقتي ببابي
ابي منه لحظه وحده اتحرر..
اشتعل بك وانطفي بك
وبزحمة انفاسك ادفا.. واتدثر
تكفى قرب اكثر
يا مصادرني
ايه اذا جيت اكتبك ماني بقادر
يا حبيبي وانت فوق اللي قدرته
لا بغيت ارسم شعوري لك وابادر
استقام البيت والمعنى كسرته
يا مصادرني ياليتك لو تصادر
صمتي اللي كل ما يكثر عذرته
معك يا نادر يصير البوح نادر
لين ما يبقى لي صمت ما ذكرته
بيني وبينك
ادري انه ما يهمك بس جيتك : شوف عينك
منها اسلم عليك.. و.. منها ارد اعتباري
يوووه لو تدري.. جهاتي الاربعه بيني و بينك
كلهم من زود حبك زاحموا فيني يساري !!!
مشتاق لجنونك وحرصك و غيرتك
حسسني اني انسان ماني بعادي
ماني بمشتاق لحزنك و ضيقتك
هاذي .. ماكانت يامرادي .. مرادي
احب اعيش الفوضويه بدنيتك
ما احب اعيش الحب في جو هادي
نصفي..شراسه
كنت انا نصفي فتاة .. والثاني لطافه
واختلف لوني من لطافه ليي نمر
حتى هالنظره من براءه باتت شراسه
ما يردني للوني غير حبه لا اندثر
تصبح على خير
افتح شبابيك الهوى جيتك اليوم
باحساس من زود الوله وده يطير
وجيتك حضن عاشق وهايم ومغروم
وده يضمك لين تصبح على خير
حبيبي اقبل قبل .. يسبقني النوم
بضم صدرك لين .. تصبح على خير
تراب ومطر
يمكن لاني المطر اقسمت اني لك
يمكن لانك تراب اقسمت باحضاني
ماجيت اقرا عليك العشق وابكي لك
جيت ادخلك لين اشم العطر من ثاني
فلانه بوسي يدي والله لاحكي لك
عن بوستك لاحكت وانخرست اركاني
يا حلوتي من هنا لهناك عشقي لك
ماهو سوى لعب جدا يعجب اجناني
روحي واذا احتجت جمرك بارجع اشكيلك
من بردي اللي تعب… ينزل ويرقاني
يتموج الليل ب ليل خصلاتها
وتتحرك ابتسامة على ثغرها
وتصدر اهات لطيفة ..منها
ويغشاها البرد فتحتضن نفسها
كم جميلة حوريتي في منامها
مثل طفلة صغيرة في حضن امها
انها الان تراني فارس يغزوا حلمها
تراني شمسا ساطعة …تدفئها
وبحر بكل امواجه….يضمها
ياليت قلبي يقول لها كم يحبها
وياليت فراشة روحي تشمها
وياليت الهواء يتغلف بعطرها
ليت العمر يطول..ويكون كله لليلة معهاا
اتامل.. براتها… ورقتها ….وعذوبتها
واظل احاصرها بين اعيني واشاهدها
حتى في ذلك النوم لم تشبع اعيني من رؤيتها
حبيبتي فاض هذا المساء بكل جمال
فاودعني بين جنون الواقع والخيال
اتكلم اليك الان وانت نائمة
عسى ان تظلي دائما ب وجودي حالمة
وانتظريني ربما اظهر لك في الايام القادمة
وتطمني فانا بالف خير…مادمت انت سالمة
تصبحين على خير ….حبيبتي
- تصبحين على خير حبيبتي
