واقفه بالحوش وتحرك رجلها بالارض بطفش وهي تنتظر شوق
سمعت صوت من وراها فزعها : سالي وش عندك واقفه هنا وين بتروحين ؟
سالي ارتبكت: بابا !!
ابو فهد: وين رايحه !
سالي: انا بروح , بروح السوق
ابو فهد: مع مين فهد مو فيه والسواق مع امك !
سالي خافت ان ابوها يرفض: بروح مع شوق صديقتي
ابو فهد: وششو !!
سالي خافت: صديقتي
ابو فهد: لوحدكم !
سالي: بابا مارح نطول الله يخليك
ابو فهد: وليش ماتقولين لفهد قبل يروح ياخذكم !
سالي: فهد ماشفته اليوم
ابو فهد بعدم اقتناع: لا تطولين
سالي باست ابوها على راسه: مشكور يالغالي
ابو فهد طلع من البيت وركب سيارته وراح الشركه
بعد دقايق وصلت شوق عند بيت سالي : راجو دق دق بوري
راجو وهو يدق بوري: مافي يطلع هذا نفر ماما
شوق: ماما في عينك قول لي مس شوق
راجو: اوكي مس سوق انزل جيب صديق مال انته
شوق: اجل سوق الله يخلف على امن جابتك , ونزلت من السياره
راحت تدق باب سالي برجلها: سالي سالييييييي
سالي وهي تفتح الباب: هي كسرتي بابنا اوكي يله
شوق وهي تمسك يد سالي: اقول امشي ولا يكثر ساعه لا تطلعين
سالي: اوكي شوي شوي بطيح , كنت تحت بس يوم طولتي طلعت فوق , بعدين اي صح من وين لك مفتاح ؟
شوق: سرقته من غرفة عمي هههههههههههه
وركبو السياره وراحو على طول لبيت شوق
راميه نفسها ع الكنبه بطفش قبال التلفزيون وتناظر فيه بملل , نايف طلع وتركها
صرخت بصوت عالي: اوففففففففففففف ياربي طفشااانه
قفلت التلفزيون وفكرت تطلع برا الحديقه العامه مع انها تخاف تطلع بروحها بس طفشانه
لبست بنطلون وفوقه بالطو لين الركبه ولبست حجابها واخذت شنتطها وطلعت
وصلت الحديقه وهي مستانسه وتناظر الناس
طلعتها لوحدها تحسسها انها حره تتمشى في كل مكان ’ شافت بنت صغيره
شقرا وعيونها زرقاء ناظرتها وضحكت: هههههههههههههههه هذي لو يشوفونها بزارينا قالو عنها عروسسه
قربت منها وحطت يدها على شعرها وقرصت خدودها وهي تضحك: هههههههههه يازينها يا ناس , وسالتها عن اسمها
البنت وهي تناظر لمى وترمش بعيونها الزرقاء: كلير
لمى انهبلت على عيونها ’ تلمع تحس انها تشوف بحر: هههههههههههه ليش مايصير كلور احسن ههههههه
من جد احس اني سخيفه خل اقوم قبل لا اصكها عين ’ مشالله ياربي بحر مب عيون
قرصتها بخدها وراحت وهي تضحك
البنت الصغيره حطت يدها على خدها وهي مستغربه , ماتدري وش سالفتها هالبنت
لمى وهي تناظر الاولاد اللي لابسين زلاجات واللي على سكوتر ومجموعه على درجات
وبعض البنات على الاواح تزلج: واااااااااااااو وينكم ياسالي وشوق تشوفون اللي اشوفه هههههه
اتخيل اشكالنا وحنا راكبين هالاشياء وقسم لا يقولون علينا مطافيق ولا عاد تعرسون ابد ههههههههههههه
جلست على كرسي في الحديقه جنب عجوز وطلعت جوالها ودقت على امها
ناظرت للعجوز اللي تناظرها باستغراب كنها شايفه جني قدامها , وكشرت في وجهها وضحكت على حركتها
بعدين امها ردت عليها: هلا وغلا بست الحبايب
ام ريان: هلا والله ببنتي شخبارك ان شالله انك بخير؟
لمى: بخير يمه انتي شخبارك عشاك طيبه ؟
ام ريان: مانشكي باس كيفك وكيف نايف ان شالله بخير
لمى: كلنا بخير يمه , شخبارك ريان وابوي
ام ريان: ابوك في شغله وريان هذاه جنبي جاب لي السكر الله يهديه
ريان يوم سمع اسمه صرخ بصوت عالي: هااااااه وش فيه ريان !!
لمى: ههههههههههههه يعني ماتعودتي هذا هو من صغره
ريان وهو لاصق في امه: يمه مين تحاكين مين هذي اللي تسال عني فديتها !
ام ريان وهي تدفه:هههههههههه ابعد الله يصلحك هذي لمى
ريان: يوه لمى على بالي معجبه
ام ريان: الله والمعجبين يدقون على تلفون البيت عشان يكلمونك
ريان : معجباتي اذا مايلقوني ع الجوال يدقون ع التلفون
ام ريان: اي اي قول انت اللي ترمي عليهم الرقم
ريان توهق واخذ التلفون من يد امه: هاتي احاكي لمو وحشتني اوي
ريان: هااااااااي لمو هاو ار يو
لمى: ههههههه بخير انت شخبارك
ريان: الحمد الله بخير عندي لك خبر
لمى: هات وش عندك
ريان: قررت امس الفجر ’ خطرت على بالي فكره
لمى: ههههههههههه وش ؟
ريان: امس الفجر طفشان وزهقان وملان من نفسي وماعندي احد فقررت قرار
لمى: ريان ياروح امك ’ تراني مانيب بالشرقيه اخلص علي خصرتني
ريان: قررت اعرس
لمى: ههههههههههههههههههههههههه انت !
ريان: اي انا ماعجبتك ست لمى !!
لمى : لا وش ماعجبتني بس من تعيسه الحظ هههههههههههه
ريان: انا الزفت اللي قلت لك , بس المشكله انتي تعرفينها مالت على ذا الوجهه
لمى بهبال: هههههههههههه اعرفها اكيد اريج
ريان: لمى وجع
لمى حسته جاد: خلاص خلاص مين طيب !
ريان: شوق صديقتك
لمى ارتبكت : هاااه شوووق لا لا دور غيرها
“” والله لو تموت ماتركت زايد عشانك “”
ريان: ليشششششششششش ابيها هي
لمى توهقت وش تقول له: بس ماتنصلح لك
ريان: وش عليك انتي انا باخذها ولا انتي !
لمى بسرعه: اي اصلا ماتقدر تتزوجها
ريان : ليه !!
لمى: هي لولد عمها من صغرها وهم حاجزينها
ريان بحباط: قولي والله !
لمى انكسر خاطرها على اخوها عارفه ان ريان يبها من زمان ’ بس وش تسوي , شوق تحب زايد ومستحيل تاخذ غيره
لمى تبي تغير الموضوع: اي ريان عندي لك خبر
ريان بضيقه: وش هو !
لمى: لا مارح اقول لك وانت متضايق
ريان: لمى اخلصي مشغول
لمى : في ايش مشغول تفكر في احداث 11 سبتمبر هههههههههههه
ريان عصب: بتقولين ولا اقفل !
لمى حست ان مالها داعي تنكت وهو متضايق , قالت بحياء: انا حامل
ريان طفش: مو وقت مزحك خذي امي
لمى بصراخ وهي توقف: والله حامل يا ريان بتصير خال
العجوز اللي جنبها هي كانت خايفه من اول ويوم شافت لمى تصرخ خافت وانحاشت
ريان: قولي والله انك ماتكذبين !
لمى مثل البزران : والله وربي فوقي اني ماكذب هههههههه
ريان بصراخ: مبرررررررررررررررروك قلبي
لمى: هههههههههه الله يبارك فيك
ام ريان وهي تقرب من ريان: ريان وش صاير
ريان وهو يناظر امه: لمى حامل بصير خال يقلع اوم الوناسسسسسسه
ام ريان وعيونها تدمع من الوناسه : قول والله
ريان: والله ,, ويكلم لمى: شوفي لا تتعبين نفسك كثير بصير خال ياهوووووووه ياريان من قدك’ اي لمى خذي امي ,, وعطاها التلفون
ام ريان بلهفه: الووووووو لمى مبروك يابنتي
لمى بحياء: الله يبارك فيك يمه
ام ريان: لا تتعبين نفسك كثير يايمه
وووووو جلست تعطيها قائمه مالها اخر من النصايح
/
/
واقفه قدام الباب الكبير وعيونها غرقانه , غمضت عيونها بقوه
وعضت على شفايفها واضح للي يشوفها انها تحاول انها ماتبكي
سالي حست فيها: شوق قلبي نرجع ؟؟
شوق وهي تهز راسها بقوه: مستحيل ,, وفتحت الباب الخارجي بايدين ترتجف
بعدين دفته بقوه واصدر صوت مزجع لانه من زمان مانفتح
البيت كله ظلام والكهرباء مقطوعه اكيد عنه من فتره ’
دخلت شوق بهدوء وراحت فتحت الباب الداخلي ,, وسالي تمشي معها وماسكه يد شوق بقوه لانها تحس ان يدها ترتجف
وفي اي لحظه بتنهار
اول مادخلو شافو البيت ظلاااام وخافت سالي
تركتها شوق ومشت ’
سالي وهي تلحقها بسرعه : شوق ظلام مرا
شوق: مارح يصير لك شي
سالي: بس والله مرا ظلام يخوف المكان
شوق بملامح قاسيه : يالله سالي شغلي جوالك وشفي به طريقك
سالي وهي تطلع جوالها من شنطتها : اوكي
شوق: تحملي لين نوصل الصاله
سالي تبي تنسي شوق بالسوالف: ليش الصاله بالضبط !
شوق: في المكتبه اللي فيها ’ فيها شمعدان
سالي: اوكي يالله
وصلو الصاله , وراحت شوق وهي تتحس طريقها لين وصلت للمكتبه واخذت الشمعدان
سالي: شلون بتشغلينه
شوق: اكيد في كبريت بدولاب المطبخ مكان ماتحطه امي , روحي جيبه
سالي بخوف: لوحدي !!!
شوق حطت الشمعدان وهي معصبه صار الكل يخاف من بيتهم ويقولو عنه مسكون ومن هالكلام الفاضي ,
صرخت بوجهها:يكفي خوووف مارح احد ياكلك ’ اذا كنتي ناسيه فان اصحاب هالبيت كلهم ماتوو , محد راح يجي يخطفك
غمضت شوق عيونها بقوه ونزلت دموعها بهدوء ’ اعصابها مشدوده مره ’ وتحس بشي قابض على صدرها ’ والغصه اللي بحلقها اوجعتها كثثثثير
سالي ناظرت للارض ومالمت شوق اكيد متوتره , غرقت عيونها وقالت: اسفه شوق بس والله انا تعرفنيي اخاف من الظلام بس ماقصدت شي ثاني
شوق تركتها وراحت على طول المطبخ
لحقتها سالي: شوق اسسسسفه وربي ماقصدت شي
شوق طنشتها واخذت الكبريت وجلست ع الارض تولع الشمع بعدين رمت الكبريت وطلعت من المطبخ
التفتت لسالي الواقفه وراها: امشي يلا
سالي ابتسمت وراحت لشوق ومسكت يدها وطلعو الدور الثاني
شوق وهي تمشي بهدوء والمكان مايضيه الا نور الشمعه وسالي ماسكه يد شوق وهي تتلفت بخوف
راحت شوق تركت ايد سالي ووقفت عند باب وجلست تناظر فيه , وقالت بهمس: غرفتي
سالي ناظرت لشوق ولا ردت
دخلت شوق الغرفه وجلست تقرب من كل شي وتناظر فيه وسالي واقفه عند الباب
حطت الشمعدان ع الارض وجلست عند ادراج تدور فيها وتطلع كل اللي فيها
وطلعت قلاده ذهب على شكل قلب فيه حرفها وحرف امها جابتها امها لها هديه لبسته
وقفلت الدرج واخذت الشمعدان وراحت عند سالي وطلعو وقفلت باب غرفتها
وراحت لغرفه جنبها فتحتها ودموعها تنزل , سالي عرفت انها غرفة شهد من الاشياء اللي فيها واللعاب
دخلت شوق وظلت تفتح ادراجها تبي تاخذ شي يذكرها فيها
لقت صندوق متوسط الحجم فتحته لقت فيه اوراق مطويه بشكل صغير مرررررره
جلست ع الارض وجلست تفتح الاوراق
لقت مكتوب فيها بخط محيوس وحروف ناقصه ( امس يوم رحت عند عزيز من غير ماما ماتدري
قال لي عزيز احبك جيت انا وقلت له ماما تقول الكلام هذا عيب بس مدري ليه مااما ماتخليني اروح عندهم )
شوق نززلت دموعها على كلام اختها ورجعت اخذت ورقه ثانيه
بس ماكانت واضحه الورقه قربتها مره من الشمعدان وجلست تقراء ( اليوم تفلت في وجهه شوق وعورتها وبكت من جد انا شريره )
شوق ماتحملت وبكت بصوت عالي وهي مغطيه وجهها راحت لها سالي بسرعه : شوق امشي نرجع ياقلبي
شوق من بين دموعها : ابي اهليييييييي سالي والله معد اقدر اتحمل ابيهم
سالي: تعوذي من ابليس ياشوق هذا قدرهم ’ امشي خل نرجع خلاص شفتي البيت يلا نرجع الله يخليك
شوق طنشتها وطلعت من غرفة شهد وراحت غرفة سعود
كانت الملابس مرميه في كل مكان , تذكرت ذاك اليوم
شوق: سعوووووووود وش هالحوسه يامال الصرع
سعود: يمه من دعواتك ’ بعدين ماتدرين ان الفوضه سمت المبدعين
شوق: اي ابداع ياحظي شكل اللي طلع هالكلام حوسه ويبي يمشي عمره
سعود: هههههههههههه وش تبين عندي الحين
شوق: اخلص رتب شنطتك بنطلع بعد شوي
سعود وهو يرمي الملابس اللي مايبها وياخذ اللي بالارض: اوكي طيب هوينا
شوق: مالت عليك ,, وطلعت وسكرت الباب
انتبهت من سرحانها على يد سالي اللي مسكتها
راحت عند الملابس المرميه في الارض وجلست عندها وضمتها بقوووه ودموعها تنزل بكثره ’ وقالت بصوت مخنوق: وينك ياخوي , تركتوني وحدي
جلست فتره ضامه الملابس بعدين تركتها وراحت غرفة امها وابوها
جلست تناظر في الباب بعدين فتحته
راحت عند سريرهم بعدين نزلت الشمعدان في الارض ورمت نفسها بقوه عليه وطلع منه غبار
جلست شوق تكح لانها انكتمت من الغبار بعدين ظلت سادحه ع السرير
وسالي راحت بسرعه اخذت الشمعدان وجلست تناظر شوق
شوق: سالي
سالي بهمهمه وهي تناظر الغرفه: همممم
شوق وهي تبكي:تدرين ان اغلب ايامي انامها عند امي
سالي ناظرت لها وماردت تركتها تقول اللي بخاطرها
شوق تضحك من بين دموعها: ههههههههه كنت اشوف افلام رعب في الليل وبعدين مقدر انام
اجلس خايفه الليل كله , اخر شي اروح عند امي وابوي وانام عندهم
امي دايم تهاوشني وتقول لا عاد تشوفينها بس انا اعاند واشوفها
دايم تقوم مفزوعه من اللي نايم عندها بعدين تشوفني انا
الحين سالي اخاف الليل ولا احد يدري عني انتي محضوضه ياسالي امك لسه عايشه لا تزعلينها ابد
سالي نزلت دموعها وراحت عند شوق: الله يرحمهم بالجنه ان شالله , يله نطلع الحين تاخر الوقت
شوق: بس انا بنام هنا
سالي ارتاعت: لا شوق امشي نرجع مايصير تبقين هنا وحدك
شوق ظلت ساكته بعدين قامت: اوكي يله نطلع
سالي مسكت ايد شوق: اوكي مشينا
شوق بهدوء وهم يمشون : شكرا
سالي: على ؟
شوق: جيتي معي
سالي: ترا بصفقك لو قلتي هالكلام
شوق: ان شالله عمتي ’ وبكره ان شالله نروح السوق عشانك ياعروسه
سالي استحت ولا ردت
وطلعو من البيت ورجعت كل وحدها ع بيتها
/
/
اليوم الثاني العشاء
شوق: ديمه اخلصي بنتاخر ع سالي
ديمه: اوكي لحظه اكوي عباتي
شوق: اخلصي انتي وهالعبايه اللي يشوفها يقول عالكتها ناقه
ديمه: ههههههههههههههههه انقلعي طالعه من الغساله كيف تبينها يعني
شوق وهي تجلس ع السرير بملل وحطت رجل على رجل وهي تتافف: افففف بسرعه
ديمه وهي تلبس عبايتها: لا اله الا الله خلصت خلصت
شوق وهي تطلع : يله
ديمه وهي تركض وراها : شوق وجع مب طاير السوق
شوق وهي تنزل من ع الدرج: امشي ولا يكثر سالي تنتظرنا
ديمه وهي تحاول تجاري شوق بالمشي: اوكي بنروح مع مين ؟
شوق: اكيد راجو يعني مين
وطلعو من البيت وراحو لبيت سالي , يوم وصلو بيت سالي دقت عليها شوق مليون مرا ولا ردت
سالي ردت بسرعه: طالعه طالعه حرقتي جوالي
شوق: بسسسسسسرعه اطلعي يامال العافيه
سالي: اوكي اوكي ,, وقفلت الجوال بوجهها
شوق وهي تناظر للجوال: ياسخفها قفلت بوجههي
سالي راحت تركض تاخذ عبايتها وجلست تلبسها بسرعه وطلعت
شوق وهي تصارخ من الشباك : انا انا تقفلين في وجهي يالحماره !!!
سالي وهي تركب السياره: هههههههههههههه اي اقفل طفشتيني
شوق: يلا حرك راجو
وصلو المملكه عشان يشترون جهاز سالي
شوق: سالي بتشترين الفستان
سالي: امممممممم مادري قلت بشتريه مع ماما
شوق: خل نشتريه الحين وبس
سالي: يمكن مايعجب ماما
شوق: مين بيلبسه بالله انتي ولا امك
سالي: هههههههه اشوف اذا عجبني شي شريت وامري لله
ديمه وهي تناظر محلات اكسسوارات للجوال : بنات ابي اكسسوار لجوالي بليييز
شوق: مو وقته
ديمه: لا الحين بعدين نروح نكمل اماااااانه
شوق بطفش: اوكي .. وتلتفت لسالي: ان شالله انا اللي بشتري لك ملابسك الداخليه
سالي استحت مراااا : شوق وجع وجع وجع
شوق: ههههههههههههههههههههه جالسه مع بزران انا
ديمه انحرجت : تدرين شوق
شوق: وش ياعيون شوق !
ديمه: انك قليلة ادب وماتستحين
شوق ببرود: اي امي ماتت ولسه ماكتملت تربيتي
الكل سكت مستغرب رد شوق ’ الي ماتوقعوه ابد
شوق حست فيهم فحاولت تصرف كلمتها وقالت: ههههههههه ديمه قولي امين
ديمه: لا
شوق: ههههههههههه الله يخليك قولي
ديمه : امين
شوق بخبث: انك تعرسين وانا اشتري لك ملابسك الداخليه هههههههههههههههههههه
ديمه انحرجت مرره وضربت شوق على كتفها: ترااااااااااااااب يالوصخه
شوق: هههههههه بوجهك
ديمه: انقلعي بس , يله بس ندخل نشتري اكسسوار
سالي: يلا , ودخلو المحل
ديمه جلست تدور اكسسوار على شكل حرف ( F )
وشوق وسالي راحو يشوفون القسم الثاني من الاكسسوارات
ديمه مانتبهت لنفسها ونادت شوق بصوت عالي: شوق وينك !
شوق التفت والتفتو معها شابين يوم سمعو اسمها: خير وجع
ديمه انحرجت وقربت من شوق: خل نطلع مالقيت اللي ابيه
شوق: وشوله مناديتني بصوت عالي مالت على ذا الوجهه
ديمه : هههههه سوري
الشباب جالسين يناظرون شوق وهم منجنين
واحد من الشباب اسمه خالد : وااو صاروخ مو بنت
صديقه وليد : من جد ناظر بس عيونها واللثمه من جد فتنه
خالد: عيونها ولا هالجسم ولا عارضه
وليد: ههههههههههه اهجد بس بتصكها عين
خالد ترك وليد وقرب من البنات: مساء الخير
شوق التفت له وهي مسبله عيونها , طبع فيها لا ناظرت لاحد بحتقار تنعس عيونها , اللي يشوف نظراتها مايتمنى انها تناظر له كذا : خير !!
خالد انهبل على عيونها وضاع الكلام
شوق: وش رايك تفارق ازين لك ولنا !
والتفتت للبنات يناظرون الاكسسوارات
خالد: ممكن نتعرف
شوق بهمس للبنات: يحول وش يبي ذا
ديمه بقهر وهي خايفه: اكيد من شكلك ناظري عيونك تجذب البنات مابالك شباب
شوق: وش تبيني البس نظارات شمسيه بالليل ’ بعدين هذاها سالي لابسه مثلي !!
ديمه: لا بس شوق غطي وجهك انتي وهاللثمه
شوق: لا تنسين ان انتي اللي جمعتيهم علينا
سالي تبي تهدي الوضع : بنات يكفي امشو نطلع
شوق بطفش وماهتمت لاكلام احد راحت تمشي بهدوء ولا كن صار شي وطلعو معها البنات
خالد: يقلع بليسها تخقق هالشوق ,,, وراح عند وليد
وليد:ههههههههههههههه زفتك
خالد وهو يناظر مكان ماتمشي: وهي عطتني وجهه اصلا
وليد بخبث: امش وراهم
خالد: مشينا ,, وطلعو ورا البنات
ديمه تمشي وهي منقهره من شوق
شوق: هي انتي خير والله لو اني ماكله حلالك انتي اللي ناديت اسمي وهم انتبهو مب شكلي اللي جذبهم
سالي: اكيد بيستقعدون لنا
شوق ببرود : طز فيهم
البنات ظلو يمشون والعيال وراهم
خالد: ياحلو ياشوق عطنا وجهه
ديمه انفقعت مرارتها من القهر
وسالي عصبت وجت بترد مسكتها شوق بسرعه: اسكتي انتي والله ان يسمعون صوتك لا نروح وطي
سالي سكتت منقهره لان صوتها ناعم حيل ومارح يتركونهم على خير
وليد: اقول ياحلوات ليش ماتجيون معنا
شوق بجرائه: ليش تقبلون تاخذون معكم بشر !
خالد انقهر كلمتها قويه: وش قصدك
وليد: قصدك حيوانات
شوق: مشالله ذكيين زين اللي فهمتو ولا اشك ان امثالكم عندهم عقول دامتكم تمشون ورا بنات مثل المجانين
ديمه خافت لا يسوون لهم شي بسبب كلام شوق : شوق امسكي لسانك
شوق: ماعليك مارح يقدرون يسوون لنا شي ,, وجلست تمشي بهدوء
وليد انقهر من كلامها وراح مسكها مع خصرها: اقول سبق وقلت لك ماودك تجين معنا
شوق ارتجف كل جسمها ,, سالي وديمه الصدمه جمدتهم
وماتدري من وين جتها الجرءه ,, اللي خلتها تصكه كف: على تراب يالحقييييير
وليد وخالد انصدمو من ايش مخلوقه هالبنت حتى انها ماخافت
شوق تركتهم مشت بسرعه منقهره والبنات لحقوها
سالي: يمه شوق ماخفتي
شوق: استكيييييي بس مو قادره امشي احس رجليني ترتجف ههههههههه
ديمه قفلة معها: خل نرجع البيت ونكمل يوم ثاني
سالي: لا مايمدني لازم اخلص النص ع الاقل
شوق: اقول خل نكمل لا رجعو نادينا السيكورتي يتفاهم معهم
وليد انقهر من حركة شوق وراح وراهم وحالف الا يخليها تندم: ااااه يابنت الكلب
خالد مسك وليد: وليد وين ؟
وليد بعصبيه: تظن اني بسكت لها !!!!!
خالد ماوده يتمشكل : امش يارجال خل نتركهم بس تراهم بنات
وليد: انا وليد ال ….. تمد يدها علي
خالد ابتسم: ههههههههه لا يكون تبي تقنعنني ان ماعمر احد عطاك كف ,, ترا نص البنات اللي بالسوق صاكينك مخمس
وليد مشى طالع من السوق منقهر وهو يسب ويلعن
ديمه: يووووه اخيرا راحو
شوق : قلت لك مارح يسوون لنا شي
ديمه: مسك خصرك وتقولين مارح يسون لنا شي صدق هبله
سالي بطفشش: اقول عن المناقر وخل ندخل محل الفساتين
شوق وهي تناظر الفساتين المعروضه ع البترينه : ياويلييييي تجنن متى اعرس ياربي
سالي:هههههههه عن الطفاقه
شوق وهي تاشر ع فستان : وش عليك خليني احلم ياربي ماتخيل شكلي لابسته
ديمه: ان شالله تلبسيه قريب
شوق بحالميه : البسه في زواجي ع زايد ولا غيره البس له كفن ولا اخذ غير زيودي
ديمه: ياربي هالبنت متى بتعقل !!
شوق: وش قلت بعد ! من جد غير زايد والله اموت ولا اخذ غيره
سالي بطفش: الله يجمعكم على خير ,, ومسكت يدينهم وسحبتهم ع المحل: الحين انا اللي بعرس وانتو بعدين احلموا
شوق وديمه : ههههههههههههه
اول مادخلوا المحل كل وحده مسكت لها مكان , ديمه راحت للفساتين القصيره
وسالي راحت للجهه الثانيه , وشوق واقفه وهي فاتحه فمها وتناظر الفستان الفخم اللي قبالها
شوق وهي تسحب سالي للفستان اللي عجبها: سالي سالي سالي يااااي يجنن شوفي شوفييي
سالي وهي تمشي مع شوق اول ماشافته شهقت : يمه ماتخيل نفسي لابسته وربي يجنن
شوق: يجنن وبس وقسم عذااااب
( كان الفستان ضيق من فوق لحد اسفل الخصر ومتوسع بعدها من تحت وماسك ع صدرها
ومن ورا الظهر عاري وفيه ثلاث ربطات عريضه معقوده ويغطيه طرحه طويله تثبت ع الراس وتمتد ع طول الفستان واطول وكلها كرستالات ملونه موزعه عليها
شكله ناعم بس فخممممم ..
ديمه راحت للبنات ويوم شافت الفستان قالت بسرعه : خلاص تمممم خذي هذا
سالي: بهالسرعه ههههههههه
ديمه: اي والله مرا يجنن
سالي: اممممممم والله دخل مزاجي
شوق بحماس: اجل اشتريه يلا يلا
سالي: وماما !
شوق : يالليل امك مارح تقول شي اكيد بتنهبل عليه
سالي: اوكي خلاص باخذه
ديمه: بنات احس ان شكله غالي
شوق: ماعليه وربي يستاهل
وشروا الفستان اللي كلفهم 8500 وطلعوا من السوق بعد ماشروا اغراض مهمه لسالي وجهازها
