حركه زفات جديدة

حركات العرضه للاعراس

اليوم جايبه لكم حركات للعرضه للاعراس ..

كيفيه دخول العروس ومن هذا القبيل..

زفة حورية البحر..

نبدا اولا بالقاعة بشكل عام وبعدين الكوشة و اخيرا الزفة او الحركة..

القاعة:

الطاولات كانت مرتبه بشكل منسق وجميل لون الشر اشف كان ازرق وعلى كل طاوله وفى المنتصف , كوب على شكل فاز..كبير..وطويل تقريبا 40سم مخروطي وبداخله ماى وسمكه ذهبيه..

الكوشة:

الكوشة كانت على شكل احجار بحريه والمرجان والطحالب البحرية..وعلى السقف كانوا معلقين اسماك حوالي 15 سمكه على مسافات متباعدة.. الكرسي وهذا كان احلى شي.. لانه الكرسي كان مصمم بشكل حلو بحيث اسفل الكرسي مصمم على شكل حوض سمك.. على فكره ترى الاسماك الى فالحوض حقيقية ..وطبعا الاسماك المعلقة لزينه..عن تصدقون بعد انها حقيقية

و اخيرا :الفكرة او الحركه الى نزلت فيها العروس….

قبل لا تنزل العروس طبعا اطفؤا الاضاءه وظهروا اربع بنات لابسات لباس الحوريات بشعورهم الطويلة… وكانت الفساتين بالون الابيض… ونزلوا من نفس المكان الى راح تنزل منه العروس مع اصوات البحر ….. وعلى الممر كانوا الحوريات يقعدون ويمسكون ايادي بعض ويتحركون بشكل الارجوحه ما ادري اذا الصورة واضحة بس عشان يخلون الواحد يتخيل انه بالبحر..وبعد ما يصلون عند الكوشه يقعدون على كرسى العروسه… وبعدها تصعد بنت خامسه بيدها صدفة كبير..بداخلها مسكه العروس…
والحين تطلع العروس مع قصيده بسمها واسم المعرس… وتمشى وبيدها نجمة… تمشى لين ما توصل عند البيت الى حامله الصدفه الكبيره تسلم عليها(تبوسها وتحط النجمه بالصدفه وتاخذ المسكه.. وتكمل شويه بعدين الحوريات الاربع وحده ورى الثانيه تقوم وتبوس العروسه وتروح.. وما يبقى غير العروس على الكوشة….

فكرة الاقنعة التنكرية

فكرة الاقنعة التنكرية…و بقولك كيف اتنسقينها بعرسك..
طبعا من الاسم راح يتطلب عليك تواجد الاقنعه التنكرية..اليكم الخطوات اللي تستخدمون فيها الاقنعه..
و مب اي قناع..في اقنعه حلوه يبيعونا في محلات الاثاث تجي لونها فضيه و راقيه..مثل هوم سنتر..او the One
المهم..شو الترتيبات اللازمة لعمل الفكرة..؟

اولا : باقتك لازم تكون مرفقه بقناع صغير اللي يكون نص مش كامل…و عليه ريشه بيضه و طويلة..

ثانيا : لازم يكون لج انتي بعد قناع .. على حسب فستانك اذا ابيض يلزم فضي و اذا ذهبي .. يلزمك ذهبي و يكون القناع نص

ثالثا : و انتي طالعه للناس اطلعي من الكوشة نفسها..لانها حركه حلوه..و تكونين لابسه القناع…لين ما توصلين لاخر الممر اعلى الكوشة..و عقبها شيلي القناع..و عاد الناس بكون فيهم فضول..يشوفون مكياجك.. و الموسيقى اللي تدخلين عليها لازم تكون مناسبة بعد..و فيها شوية اكشن..

رابعا: عقب ماتشيلين القناع انزلي من على الدرج…و امشي بين الناس..مب بالنص…قومي و امشي بينهم..بس يعتمد على الفستان اذا خفيف عليك سوي هالحركه ..و انتي ماره بين الناس..مدي ايدج و سلمي عليهم.. عاد بيستانسون..انهم سلمو على العروس.. ..
خامسا : و بعد هاللفه كلها ارجعي للكوشة…

سادسا:العروس لازم يكون لهم قناع على الوان فساتينهم…و يرقصون على اغنيه..مناسبة بعد ما تقعد العروس و اتتخلص زفتها
سابعا : نرجع للتوزيعات..حبذا لو كان على كل طاوله توزيعات فيها اقنعه..و مشغولات يدويه ثانيه حلوه..
ثامنا : حبذا لو الكوشة يكون فيها خيال شوي…شرات القلعه او ديكور معين مناسب..
تاسعا : تقدرين اتتوزعين ملكان على بوابة الدخول للناس و على المسرح…و لابسين لبس غجري..و هم لابسين اقنعه تنكريه..و تقدرين تتنازلين عن الفكرة لو ما تبينها..
عاشرا : الاضواء لازم اتكون خافته..و يكون على العروس و ضوء فلاش مسلط قوي..و يكون الضوء شغال عليها .. لان يعطيها جاذبية غير..و في حركات حلوه الحين قاموا الناس ايبونها..مثل شلال عند ممر دخول الناس…على الاطراف…..شفت انهم جايبين شلال كاكاو..و حاطين جنبه فراولة و اللي يدخل عادي ياخذ فراولة و يغمسها بالكاكاو و ياكل..كانت حركتها روعة ..

فكرة الطفلة النائمة (( زفة جميلة ))

تطفاء الانوار ثم يوجه سبوت لايت على مقدمة الممر حيث ترقد طفلة – حوالي 6/7 سنوات تلبس لبس اميره تزين شعرها بتاج ناعم وتوضع عصاه على شكل العصاة السحرية يعني عصاه بلون فضي او ذهبي براق، حسب لون الديكور في نهاية طرفها نجمه) تبدا الموسيقى [يجب اختيارها بعناية حتى تتناسب مع الموقف او المشهد عندما تبدا الموسيقى تمثل الطفلة بانها كانت نائمة وتستيقظ بحيث تنظر حولها وللسماء
وكانها تبحث عن شىء ثم تقوم وتمشى وتدور حول نفسها وهي تنظر للاعلى وكانها تبحث عن شيء ثم تتعثر رجلها بالعصاة السحرية فتنظر لتحت قدمها وترى العصاة السحرية وتلتقطها وترفعها للسماء ثم توجهها للبوابه، هنا تتوقف الموسيقى ويفتح الباب (من الممكن هنا استخدام مؤثر الدخان وتطل العروسة من البوابة .. من الممكن ان تكون دخلةالعروسة على شعر او على موسيقى ناعمة حتى تصل
لمقدمة الممر ثم تقف قليلا حتى ينتهي المقطع الشعري او الموسيقي.. وتبدا الزفة….

فكرة زفة

في البداية كلمت العروس واستاذتها اني اعمل الزفة ” كنت خايفة ما توافق ” بس الحمد لله وافقت وعلى طول كلمت محل لتجهيز الزفات وطلبت منه يجهز لي زفة بس يضيف لها في البداية مؤثرات ويخليها مرعبة شوي يعني صوت رياح قوي ودقات ساعة مرة قوية ولما تنتهي المؤثرات يحط موسيقى ابهار يعني موسيقى ملفتة وقوية.. وبعدين الشعر باسم العرسين ثم الموسيقى اللي راح تمشي عليها العروس و اخيرا اغاني لما توصل العروس.. وكان هذا الشريط وبعدين جهزت فساتين البنات اللي راح يكونون في الزفة وكانت زي فساتين الاميرات يعني بيضاء طويلة مع اكاليل ورد على الراس.. وكانوا 8 بنات ولما بدات الزفة اولا انزفوا البنات على زفة عادية خاصة بالاطفال وكان لهم طبعا ترتيب معين بحيث انه 2 يوقفون في اول الممر وبعدين 2 عند الدرج اللي عند المنصة و2 يمين ويسار الكوشة و اخيرا 2 وحدة كان معاها البخور والثانية كانت واقفة جنبها. ووقفوا قدام الكوشة شوي لين خلصت زفتهم. وكانت الاضاءة عليهم.. طبعا كل وحدة من البنات كان معاها شي في يدها يعني شموع وورد واعمدة المغانسيوم اللي تولع.
بعد ما انزفوا البنات وترتبوا طفت الاضاءة وصارت القاعة ظلام مرة.. البنت اللي معاها البخور نزلت على طول والثانية عملت كانها الاميرة النائمة يعني جبنا لها وسادة كبيرة مرة ولونها عنابي عشان تتناسب مع الديكور اللي كان ابيض وعنابي ونامت عليها فوق المنصة وبعدين ولعنا الكشاف ووجهناه على البنت اللي نايمة وشغلنا شريط الزفة طبعا في البداية كانت المؤثرات هادئة وبعدين بدات تصير قوية وهنا قامت البنت وكانها خايفة وصارت تدور على المنصة كانها تبغى تهرب وهي تدور طريق تهرب منه تلقى شي في الارض وكنا حاطين لها عصا سحرية في اعلاها نجمة والحلو فيها انه كان فيها زر صغير في الاسفل يخلي النجمة تولع باضاءة حمراء ولما البنت لقيت العصا صارت تتفرج فيها وبعدين ولعت النجمة ” البنت ضغطت الزر ” وصارت العصا تؤشر على الباب اللي بتطلع منه العروس, يعني كانه العصا صارت تتحكم في البنت. وبعدين فتح الباب اللي بتطلع منه العروس وبدات الموسيقى القوية وكان جهاز البخار عند باب العروس وانفتح مع بداية الموسيقى بعدين طلت العروس على المعازيم ووقفت مكانها شوي لين خلص الشعر ثم مشت على الموسيقى الهادئة لين وصلت .

فكرة زفة خلية النحل

شكل الكوشة مثل الخليه مالت النحل فيها ورد و افرع لنباتات..
و شيفونات .. و الاطفال اللي يمشون يدام العروس يكونون لابسين شرات النحلة.. و شايلين معاهم عصي.. اما العروس…هي اللي بتكون ملكة الحضور و النحل طبعا.. مع موسيقى مثيرة طبعا.. و هي ماسكة سلة و اتوزع للحضور قطع فيها اشكال لخلية النحل و فيها عسل و لما توصل الممر يعطونها الباقة… و يشيلون السله عنها..

فكرة زفة توزيع العصي ر

زفه هندية بس ريميكس سريعه وحماسية تجنن والناس تفاعلوا معاها طبعا يجون مجموعة بنات لابسين لبس هندي وحاملين عصير وطبعا دبري من راح يكونون) وعالاغنيه ينزلون ويوزعون بستايل هندي يجنن ومعاهم بنات صغار يوزعون الحلويات صراحة روعه
طبعا الاغنيه سريعه وجديده وتهبل..

فكرة سنين عمري,,

فكرة لزفة العروس وهي ان تكون مراحل تطور ونمو العروس من
يوم ما تكون طفلة : هذه الفكرة هي ان تكون قدام العروس خمس بنات الاولى صغيرة ولابسة فستان الثانية اكبر ولابسة فستان< مرحلة ابتدائية الثالثة في المرحلة المتوسطة ولابسة لبس المدرسة
الرابعة عباية وشيلة مع كتب جامعية الخامسة لابسه لباس تخرج
والسادسة العروس ويكون الدخول تدريجي الاولى الثانية والثالثة الرابعة الخامسة العروس هي السادسة ويوقفون لين نقطة ويروحون وتظل العروس وحدها

زفة الادغال:

تكون القاعة للاحتفال كلها لونها اخضر بحيث المر مغطى بورق
الاشجار ويكون كراسي المعازيم لونهم الاخضر الفاتح وتكون
طاولات المعازيم بلون الاخضر العشبي وتكون بوسط الطاولة شموع لونها ابيض واخضر وتكون نازلة من السقف مثل الاعشاب والخيوط وكانها الادغال ويكونون قسم الخدمة من الفتيات اللي على المعازيم
يكونون لابسين لبس طرازان لونه اخضر طويل وتكون بطاقة الدعوة مكتوبة على ورقة شجر لتعطينا انطباع وكاننا بالادغال عرفتو
هذا بالنسبة للقاعة اما بالنسبة للعروس تكون تدخل على اول شي
اصوات رعد رعد واصوات مطر ورعد ومطر وبعدين
اصوات عصافير وبعدين القاء شعر بصوت شاعر
يمدح في جمال العروس واهلها وانوثتها وبعدين تبداء الزقاريد
واصوات عصافير مرة ثانية وبعدين اغنية احلام
(شي غريب اللي نشوفه شي غريب شي خيالي شي اروع من الخيال
القمر نازل على الارض ومنير مقبل يمشى ويتدلل دلال لا اله الا الله
لا قمر لا شمس لانجم وفل هذى شمس الصبح واقمار الليالي)

زفة عالم الثلج

يكون الممر مغطى بالقطن الابيض لتعطى انطباعه كانها ثلج وتكون على اليمين واليسار من اشجار صغيرة لعيد راس السنة التي تعلق عليها اضواء صغيرة وتكون بين الممرات مثل مجسمات كرات ثلج عملاقة ومجسمات بالقرب من الكوشة على شكل رجل الثلج ويكون جميع الكراسي بلون الابيض وتكون الطاولات المعازيم عليها مجسمات اشجار وعليها اضاءة بسيطة تغنى عن الشمعة لتعطى جو ان القاعة كلها موجود بجو الثلج وتكون العروس خارج القاعة وتسكر ابواب قاعة الاحتفال وتشغل الموسيقى واول شي تقول مثل دقات الساعة اللي
تكون باحتفالات ليلة السنة دن دن دن دن دن وبعدين تفتح
ابواب القاعة وتدخل العروس داخل عربة ملكية على شكل عربة بابا نويل وتكون مسحوبة بحصن وبعدين تبداء اغنية راشد الماجد اللى تقول (وش هالذى عينى تشوفة مثل البدر او طلعة الشمس الله يا محلى وصوفه على الحسن هذا ابصم بخمس) تكون العروس لابسة فستانها الابيض الجميل ويكون قبعة العروس قبعة بابا نويل الحمر مزينة بقلوب لونها ابيض واحمر تشب اضاءة على راس العروس وتكون العروس مكياجها بالاحمر يطلع رهيب وماسكة العروس ورود حمراء وبيضاء وبينها قلوب تشب اضاءة وتوصل العروس بالعربة اللي قبل الكوشة بشوى وبعدين تنزل من العربة وتذهب الى الكوشة وكانها ملكة الزمان وكل زمان..

حركة ثانية..

في عرس سمعت عنه كانت العروس لابسه فستان نازل منه كور مثل كور الثلج وكان يجنن..
والكوشة مصممة على اساس انها كهف ثلجي وفيها كور الثلج نازله مثل اللي على فستان العروسة وكان ينزل من الكوشة مثل الثلج الابيض وكانت الكوشة من تصميم مصممة اماراتية لما شافت فستان العروس صممت الكوشة و التوزيعات ممكن اتكون فيها صور رجل الثلج .. و حركات …

زفة قلب القلوب

تزف العروس على اغنية على بن محمد( ياحظة) وبعدين يدخل مجسم على شكل قلب حب احمر ويكون له عجلات من تحت لتحريكه وتكون 2من الفليبينيات ويكون لبسهم لونه احمر سادة يدزون القلب حتى يوصلونه الى منتصف القاعة وبعدين يفتح القلب من النص يكون
له مثل الباب وتخرج العروس ويكون مثبت على الاطراف جهاز دخان عشان تخرج العروس من القلب وبعد مايختفى الدخان تتمشى العروس وينثر على العروس قصاصات من الاوراق الاحمر والابيض والذهبي على شكل قلوب صغيرة الى الكوشة ويكون على الاطراف الممر قلوب متناثرة بلونين الابيض والاحمر وتكون الكوشة لونها ابيض والمراسي لونهم احمر على شكل قلب وتكون كية المعاريس على شكل قلوب
كبيرة جد وتكون عدد ادوارها من خمس ادوار الى عشر.

زفة الملكة الاسطورية الزفة الاسطورية:

ممكن العروس تدخل قاعة الفرح في هودج يحمله اربع نساء كانها ملكة من ملكات الف ليلة وليلة ترتدي اخوات او وصيفات العروس زي موحد يكون مثل ملابس الجواري في العصور القديمة.
اثناء تقطيع تورتة الفرح يمسك كل من العريس و العروس حمامة بيضاء و يطيروها . تصلح هذه الفكرة للافراح اللي يكونون بالهوا الطلق وتدخل العروس على اغنية امل حجازي انا ملكة زماني او اغنية اصالة من الف ليلة وليلة عشان يكون الجو ملكي وتفرش الارضيات بسجاد الاحمر الرسمي وتكون شكل الكوشة على شكل قلعة صغيرة و لاكمال الجو الاسطوري تكون دعوة الفرح مصنوعة من ورق البردي او الجلد ان توفر و تكون صيغة الدعوة كانها فرمان ملكي. لن ينسى ابدا ضيوفكم هذا الفرح الاسطوري

فكرة زفة الفراش ة

الكوشة عبارة عن حديقة فيها فراشات معلقة في الجدار وازهار كثيره
وكرسي العروس على شكل مرجيحة ثابتة وعليها ورود وعلى يمين العروس كرسيين صغار وعلى اليسار نفس الحكاية اما الزفة يدخلون اربع بنات صغار عمرهم سبع سنوات لابسين اجنحة فراشات وماسكين
عصيان على شكل قلوب ولهم زفه خاصة عبارة عن صوت ماء وعصافير ويمشون الى ان يجلسوا على الكراسي الصغيرة الي جنب الكوشة وبعدين تكون عند الكوشة بنت لابسه جناح فراشه ابيض لان اللي قبل لابسين اجنحة ملونه اما الفراشة البيضاء ماسكه صندوق على شكل فراشه وداخل الصندوق ماسكة العروس وبعدين تمشي على الجسر الى ان تصل الى بداية الجسر بعدين تدخل العروس من البوابة وتمشي الى بداية الجسر ثم تفتح الصندوق وتاخذ مسكتها وتلف الفراشة البيضاء ومعها الصندوق فيه ورد وتنثر الورد على الجسر والعروس تمشي وراها الى ان تصل الى الكوشة ثم… بالنسبة لطريقه الزفة بالبداية ممكن تخلون الزفة تبدا قبل دخله العروس بصوت رياح قويه وعواصف وبرق ورعد …ثم دقات ساعة ثم صوت خطوات واضحة وعاليه جدا ثم صوت فتحة الباب وهنا يفتح الباب للعروس كي تدخل في زفات بالبداية يحبون يحطون شعر وهذي اول ما تدخل العروس من الباب وتظل واقفه الين ما يخلص الشعر ثم تبداء زفتها ..في فكره شفتها تكررت مرتين ..وهي يوضع كوب عصير طوله متر او متر ونص ويكون ملين عصير معين ويكون في مصاصا اول ما يدخل العريس والعروس يشرب هو ثم تشرب هي بعده من نفس المصاصة ((حركه جديده))…ممكن العروس واثناء مشيتها تجي طفله صغيره وشايله معها سله مليانه ورد وترمي العريس والعروس الورد منها على الحضور طبعا لازم قبل دخول العروس تملون لهم الممر ورد تغطون فيه الا رضيه او الممر اللي بتمشي فيه العروس وممكن انك تجيبن ما ادري اش اسمها))اللي يرتكز عليها الرسام ويرسم فوقها تجيبن مثلها بس تكون حلوه او تودينها لاحد يشتغل عليها بالوان تتناسق مع الوان الكوشة وتجيبين دفتر فخم وهذا عشان صاحبات العروس وقرايبها يكتبون لها كلمه وتضعينها عن باب دخول القاعة واذا جت العروس تحطينها بالكوشة عشان اول ما تطلع الكوشة هي وعريسها يكتبون كلمه الختام لهذي الليلة وممكن تجيبين واحده ثانيه اقبالها وتحطين عليها صوره مكبره للعروسه مع العريس يوم ملكتها او خطوبتها او صوره حلوه لها مكبره وعلى فكره الحين نازل موضة الكوشة الهندي ممكن تسوي الكوشة وتلبسون اذا جت العروس لبس هندي وتسون رقصه موحدة انتي وبنات العائلة قبل دخول العروس.

************فكرة ثانيه*************

تصمم القاعة والكوشة وتزين بالفراشات وتزف العروس على انغام اميرة الورد ( لان هذه الاغنية فيها ذكر الفراشات ( وهي متوفرة كما ذكرت بدون موسيقى ) ويكون امامها 5 بنات بزي فراشات يباع في الاسواق يرقصون ويحركون اجنحتهم والعروس تتبختر وتمشي حتى تصل للكوشة ويمكن ان ترش العروس الورد اثناء زفتها او يرش عليها الورد…

زف ة الطاووس

تقدرون تصممون الكوشة على شكل طاووس كبير و الكرسي يكون بعد على شكل طاووس و توزعون ريش الطاووس على الكوشة .. و شويه شيفونات خضراء و فيروزية على الا رضيه و يطلع منظر حلو ..كذلك الاضاءة الزرقة..و الفيروزية.. و بعد تحطون تحف صغيرة على اشكال طاووس و ممكن تلبس البنات اللي يوزعون اقنعه بشكل طاووس

فكرة الزفة الرومانية..

اولا: اللباس طبعا بكون روماني .. و هو عبارة عن فستان ابيض من شيفون و في الاطراف يكون ذهبي و فوق الشعر يكون تاج من الورد و البنات حاملين سلال فيهم بتلات ورد احمر و شمعدان كبير اذا تعرفون الشمعدان الروماني المعروف او اي شمعدان يكون كبير..بس عاد تحملو اللي بشيلونهم .تحملو عليهم.. و طبعا الكوشة تكون باعمدة رومانية..و الزفة بصوت روماني..دوروها عند محل التسجيلات..

فكرة ثانيه…

كان ال Theme روماني وكان الذهبي هو اللون الغالب .. بطاقات الفرح كانت مثل الورق القديم الملفوف وموضوع في علبه كانها قديمة ومختومة ختم ذهبي عليه حرفي العروس والعريس.

والزفه كانت كالتالي:

بدات الموسيقى الرومانية … دخلوا 4 بنات كل بنت ماسكه بيدها شئ مثل الصحن العميق وذهبي فيه شويه ماء وشموع طافية على الماء .. مشوا ومشت العروس حتى وصلت للكوشة اللي كانت كانها ستائر متداخلة وطويلة وجلست وبدات البنات بوضع صحون الشموع حول العروس .. كان العرس اشبه بدخول الملكة.
الفكرة كانت حلوه بالتفنيد و رائعة.

زفه السيندريلا

اول شي تكون البنت لابسه القحفيه مال الساحرة وكنا مسوين عند الديجيه اصوات اول شي صوت مشية الرجل وعقب صوت دقت الباب وتكون البنت ماسكة عصاه ودق الباب وتطلع بنت صغيره تشوفها الساحرة وتسوي حركه براسها مو عاجبتها البنت تهز راسها لا وعقب ترد الساحرة تدق الباب وصوت باب ينفتح وتظهر العروس ع اغنية من تكون السندرلا غيرك انتي والله انتي وتنزل العروس السند ريلا و تحيه للساحره والساحرة تنفخ باللماع ايلي في ايدها وينتثر اللماع وعقب تمشي العروس ع اغنيه اجنبيه واول ما توصل عند الكوشة في بنات ينقعون الشلق لي بالاوراق والنفخات البيضة وكان عرس ولا احلى

لزفة البحرية…

اول شي تزيين الطاولات و الكراسي في الصالة بلون نفس لون البحر يعني يكون ازرق و وتدخلين معاه لون ثاني يكون ابيض و تنثرين فوقه لامع ازرق يطلع وايد حلو و تقدرين اتحطين فوق الطاولة صحن او على قولتنا طاسه شفافة و فيها ماء و لامع و يا سفينتين صغار في الماء و يكون عليهم اسمك و اسم المعرس كل وحده عليها اسم .. او يكون مثل فازه صغيره و في داخلها سمك الزينة حقيقي..
وبالنسبه لدخلة العروس اتحطين موسيقى امواج البحر و يا طيور في منها وايد عند محل بيع الاشرطة واتخلين وحده قبلك تدخل اتكون لابسه لبس كانها حوريه بحر و تتمشى على راحتها و هي تنثر الاماع و يا الورود على الارض ولازم يكون الليتات كلها مطفيه بس موجه عليك و على اللي بتدخل قبلك و بعدين تدخل مجموعة بنات شايلين شموع لونها ازرق حاطينها في ماء وبعدين وقت ما تدخلين انتي اول شي تحطين صوت الموسيقى مالت القوات البحرية الا جنبيه ما اعرف شلون اوصفها ) وبعدين اي موسيقى مثل تايتنك تكون وايد حلوه و يكون وراك اولاد صغار لابسين لبس البحرية يوزعون اوراق لونها ازرق مكتوب فيها شعر عنك و عن العريس و يا حلوى على شكل امواج او سفينه ويا تحفه اللي تكون داخلها ماء ازرق و مكتوب في الداخل اسمك و اسم المعرس في داخل الماء وهادي التحفه السوق متر وسه منها

والفكرة الثانية..

الطاولات كلها بمفارش بيضاء .. او عليها شبك صيد..او في وسط الطاولة تحطين فوانيس قديمه او داخلهم شمعه الفكرة من فندق البستان روتانا كل احد تكون عندهم ماكولات بحريه والجو كله يكون بحري
او تقدرين تحطين الربطات اللي على الكراسي بالون الازرق….
او قبل لا تطلعين يطلعون بنتين كبار شايلين صندوق قديم..او يمشون فيه لوسط الممر قبل الكوشة… وتكون القاعة مضلمه والضوء الازرق مسلط عليهم.. يفتحون الصندوق تطلع بنت لابسه لبس حوريه او على شعرا طوق ورد.. تطلع من الصندوق وتمشي وتجلس على الكوشة ..بعده انتي تطلعين على صوت البحر او موسيقى مناسبة للبحر او حواليك بنات لابسات لبس حوريات.

الف ليلة وليلة

الزفة عبارة عن مؤثر صوتي حوار يدور بين الجارية التي تنقل للامير اخبار المدينة حيث تقول له .. بلغني ايها الملك السعيد ذو العقل الرشيد انه كان في قديم الزمان وسالف العصر والاوان بنت بارعة بالجمال
يعجز عن وصفها القيل والقال ولم يوجد لها في هذا الزمان مثال
ذات طرف كحيل وخصر نحيل ان اقبلت فتنت وان ادبرت قتلت تاخذ القلب والناظر كما قال فيها الشاعر طبعا هنا لابد من وجود شاعر يصف هذي البنت اللي روت اوصافها الجارية للملك ..
كان ياما كان عفوا ماهي اسطورة….ولكن قصة من واقع لكم اليوم بحكيها كان فيه بنت ايه بالحلا وسورة وجمال الكون يا عالم كله بين ايديها اذا اقبلت تنحني لها الروس معذورة مثل الاميرة بعرسها الكل يحييها هذي ( ) اللي للقمر صوره وربي بهذي الدنيا مافيه زين يضاهيها شعرها الاسود مثل الليل بغروره ورموشها سهام مسلولة تصيب اللي طمع فيها
طبعا هذي اضافات عازفه عشان تكون احلى ..
من ناحية دخلت العروس يكونون واقفين بنتين على جوانب المدخل ومعهم نفس المراوح او المهفات الكبيرة زي حقت الجاريات ويبدون يهفون على خفيف على العروس ويمشون معها لين يوصلون الكوشة …طبعا هذا الشي ينطبق على اللبس وعلى كل حاجه حتى الكوشة نفسها يكون الديكور مطابق للزفه…راح يطلع شكلها حلو بالمرة ..