- الكمية تكفي:5 اشخاص
- المقادير:2 كوب دقيق
1 كوب زبدة جامدة
نصف كوب سكر بودرة
بيضه واحدة ساقعة -فانيليا
مقادير الكاستر
•3 كوب لبن
•2 بيضة كاملة
•2 صفار بيض (البياض عملت بيه هامبرجر)
•فانيليا
•بشر برتقال او ليمون حسب الرغبه
•نصف كوب سكر او كوبايه الا ربع حسب الرغبه
•نصف كوب نشا ذرة
•وانا ضفت معلقة كاستر بودرة كانت عندى باقيه فى التلاجة على مقدار نشا الذرة بتاعى
ودى صورة بالمكونات
طريقة اعداد الكاستر
– نشطف الحلة بميه ساقعة والخطوة دى بتساعد على عدم التصاق اى حاجة فى قعر الحلة
– نحط اللبن فى الحلة يغلى عالنار
– نضرب البيض والسكر والفانيليا وبشر البرتقال لحد اما يمتزجوا مع بعض
- الطبخ:-نحط الدقيق على السكر على الزبدة الجامدة باقطعها بالسكينة مكعبات
واشغل الكبه بنحصل على فتافيت
– باضيف البيض والفانيليا واشغل الكبة تانى بلاقى العجينة حتلم لوحدها بالشكل دة
-واغطيها واسيبها ترتاح فى التلاجة شويه
– وافردها فى القالب واحطها فى التلاجة شويه وانغزها بالشوكة
– واحط عليها ورقة زبدة عليها شويه فول تدميس او لوبيا ناشفة
-واحطها فى الفرن 170-180 حوالى نصف ساعة
– وممكن احطها دقيقتين تلاته تحت الشوايه تاخد لون دة طبعا بعداما باشيل الفول من عليها
ودة شكلها بعد الفرن
فى الوقت دة باجهز الكاستر او الباسترى كريم
على فكرة ممكن تشتروه بودرة من محل مستلزمات الحلويات
طريقة اعداد الكاستر
المقادير:
•3 كوب لبن
•2 بيضة كاملة
•2 صفار بيض (البياض عملت بيه هامبرجر)
•فانيليا
•بشر برتقال او ليمون حسب الرغبه
•نصف كوب سكر او كوبايه الا ربع حسب الرغبه
•نصف كوب نشا ذرة
•وانا ضفت معلقة كاستر بودرة كانت عندى باقيه فى التلاجة على مقدار نشا الذرة بتاعى
ودى صورة بالمكونات
طريقة اعداد الكاستر
– نشطف الحلة بميه ساقعة والخطوة دى بتساعد على عدم التصاق اى حاجة فى قعر الحلة
– نحط اللبن فى الحلة يغلى عالنار
– نضرب البيض والسكر والفانيليا وبشر البرتقال لحد اما يمتزجوا مع بعض
-نضيف النشا
– لما اللبن ييتدى يغلى باحط كبشه من اللبن على مزيج البيض والسكر والنشا واقلب كويس علشان درجة حرارة البيض واللبن تكون قريبة من بعض فالبيض ما يكلكعش وبعدين اضيفه على اللبن وبنستمر فى التقليب علشان ما يكلكعش وكمان ما يتحرقش من قعر الحلة
– لحد اما الكاستر قوامه يتخن باطفى النار باستمر فى التقليب والنار مطفيه لحد اما الكاستر يبرد شويه وباغطيه
ونرجع تانى للتارت
-باحط طبقة صوص شكولاته او شكولاتة سايحة فى معلقتين لبن وحبة زيت صغيرين
-وباستنى اما الشيكولاتة تجمد
-بافرد الكاستر
-وباحط الفاكهة انا استخدمت كنتالوب وخوخ كمبوت المرة دى وكل مرة بتكون حسب المتوافر قدامى
( الفاكهة لازم تكون ناشفة لحسن الميه بتاعتها تنزل على التارت وتبوظه واحنا ما صدقنا عملناه)
-بادهن الفاكهة بفرشه عليها جيلى تلميع(خطوة فى منتهى الشياكة وخصوصا لو فيه ضيوف)
-باسيبه شويه فى التلاجة وعادة انا بحب اغطى اى حاجة احطها فى التلاجة
– وادى النتيجة النهائيه
- ملاحظات:نخش الاول على الملاحظات
الملاحظة الاولى :
1)- يجب ان تكون كميه الدقيق متناسبة مع كمية الزبدة
(العلاقة بين الزبدة والدقيق مهمة جدا فى التارت لو الدقيق زاد بيكون التارت ناشف جدا وللحصول على افضل نتيجة بتكون كميه الدقيق ضعف كمية الزبدة وكمية الزبدة ضعف كمية السكر وممكن نعمل الحكاية دى بالميزان لو متوفر يعنى الكيلو الا ربع دقيق عليها نصف كيلو زبدة وربع كيلو سكر و تلات بيضات)
الملاحظة الثانية :
2)- يجب ان تكون الزبدة جامدة جدا جدا ومش سايحة
(مهم جدا النقطة دى لو الزبدة سايحة ماينفعش خاالص
ولو اشتغلتى بيها وهيا سايحة حتضطرى تحطى دقيق والعجينه حتكون سايبة من بعضها فترجعى تانى تزودى دقيق ويطلع التارت ناشف جدا جدا)
الملاحظة الثالثة :
مافيش عجن للتارت خالص
(المكونات كلها بتدعكيها مع بعضها باطراف الصوابع وتلميها بالبيضة الساقعة او ممكن باستخدام الكبه لو متوفرة زى ما انا عاملة)
الملاحظة الرابعة :
القوالب الصغيرة حتديكى نتيجة احلى (والقالب اللى بالقاعدة المتحركة بيكون اسهل فى التعامل من الصينيه العادية)
الملاحظة الخامسة :
عند وضع الصينيه فى الفرن لازم احط عليها حاجة تقيله (علشان التارت ما يطلعش لفوق وتكون النتيجة مش مضبوطة فالحل انى باحط علي التارت ورق زبدة واحط فوقيه شويه فول او لوبيا ناشفة)
الملاحظة السادسة :
لازم الكاستر ما يكونش مكلكع 
