روايات سعودية جريئة رومانسية كاملة
السلام عليكم ورحمته الله وبركاته
كيفكم يااحلى اعضاء
اليوم بنزلكم روايه مرره خطيره واذا كانت مكرره اتمنى تقوليلي
منقوووووله للامانه
رواية واقعية حدثت في المملكة العربية السعودية تحديدا بجدة .
رواية: رسمتلك احلى ابتسامة
رواية جريئة
ملاحظة هاامة:
نظرا لتغيير الكاتبة .. لاساميها … قررت ان اضع لنفسي ..نك موحد لروايتي .. (( وهوا soso a7md))
اتمنى النقل بالحفظ كهذا الشكل .. وشكرا
ملاحظة مرة مهمة :
الرواية ما تنفع الا الي عمرهم 16 وفوق معليش ما تنفع للصغار واسمعوا الكلام ..
في بعض اجزاء الراوية راح تلاحضوا هذه العلامة((….))ومعناتها انو بيتكلم في قلبه او موقف او وصف للحالة بس مو انو بيتكلم مع الشخص الثاني .. و على فكرة شخصيات الرواية شوية معقدة عشان كده انتبهوا وركزوا في شخصيات الرواية من البداية ..
الفصل الاول …..
الجزء الاول :
اول حاجة نعرفكم على شخصيات الرواية وابطالهم :-
1- عائلة مرام :-
ابو مرام:- رجال طيب و خلوق يحب عياله مووت لكن في بعض الاحيان شيطان , وهو صاحب اكبر شركات سيارات فخمة , و اكبر مراكز تسويق في الشرق الاوسط .
ام مرام :- حرمة حلوة ولزوزة ,عندها مكتب للعقارات , وطموحها انها تصير سيدة اعمال مشهورة في السعودية والامارات .
فهد:- اكبر ولد من العيال وعمره 20 ثاني جامعة , ولد حلو لونو برونزي, وعيونه ملونة وطويل, وجسمه رياضي, وشعره كدش, وكل بنات العيلة متجنينين عليه و, خشمه طويل وعيونه مسحوبة, وفمه متوسط ومرسوم .
عبد العزيز:- ثاني ولد عمره 19 اول جامعة, ولد حلو لونه ابيض, وعيونه لونها اسود سواد الليل, وكمان شعره ناعم طويل الين الرقبة ولونه اسود و, طويل ونحيف ويدلعوه عزوز .
معتز :- ثالث ولد عمره 18 ثالث ثانوي, ولد طيب وحنون, ولونه برونزي ,وشعره لونه بني غامق, وطويل ونحيف .
مرام:-رابع بنت عمرها 17 ثاني ثانوي, بنت لزيزة وحلوة بيضة, وعيونها ملونة, وشعرها طويل الين الظهر ولونه بني فاتح وكيرلي, ولاهي طويلة ولا قصيرة وسط ,
وجمالها جمال طبيعي لدرجة كل اولاد العيلة مغرمين بيها الا واحد حبها وحصل على قلبها وحصلت على قلبه وحتعرفوا القصة بعدين, و بكاية العيلة بس تبكي .
ماهر :- خامس ولد عمره 11 خامس ابتدائي, وشقي وابو المشاكل لكن قلبه طيب موووووووووت وفيله شبه من اخوه عبد العزيز .
……………………………………
مرة خال مرام وعيالها واقربائها :-
جيهان :- مرة خال مرام تحب مرام موووووووت وتبغاها لولدها الكبير فارس
والي يشوفهم مع بعض يقولوا جيهان حماة مرام , ومرة غنية وعايشين في عز .
ابو فارس :- رجل اعمال وطيب ويحب مرام ويعتبرها وحدة من عياله واكثر كمان وعنده شركات مشهورة في السعودية ” بس خلي المستخبي مستور” .
فارس :- ولد جيهان وهو احلى ولد في العائلة بعد اخوان مرام, لونه برونزي, وشعره طويل لونه ذهبي وفيله خصل بني ونوعه كيرلي, ولون عيونه اسود, ونحيف وطويل, وخشمه طويل عيونه نعسانة, وحواجبه نحيفة ومرسومة, وجنان وعمره18 ثالث ثانوي وكل حياته اسمها مرام ومرة حساس .
ياسر :- ولد جيهان خامس ابتدائي وملامحه ملامح تركي .
سارة :- بنت جيهان وعمرها سنتين وحلوة وكلمبوزة .
……………………………………
بنت اخت جيهان :-
مروج :- بنت اخت جيهان بس مرررررة كوووووووول….. ومسترجلة بشكل موطبيعي وتسوي مع بنات……. وتشرب سجاير ومعسل وتخيلوا اعز صاحبة من صاحبات مرام وشعرها قصير مرة زي الاولاد وملابسها زي الاولاد .
…………………………………………
بنت خال مرام :-
افنان :- بنت خال مرام عمرها 18 ثاني ثانوي, حلوة ولزيزة ومرة فنكي , وحواجبها مرسومة وشعرها بني هي ومرام مررررة صاحبات في كل شيء اسرارهم دائما لبعض .
………………………………….
خال مرام:-
رحاب :- خال مرام اسمه غريب بس ملامحه كمان غريبة طويل ونحيف, شعره الين رقبته اسمر وخشمه سيف زي ما يقولوا وحلو خطب مرتين بس ماتوفق ادع ولوه .
………………………………….
خالة مرام :-
حنان :- طيبة بس مسكينة مهي متوفقة في حياتها هي واولادها .
سمير:- ولدها عمره 20 بس ساب الثانوية وقاعد لا شغل ولا مشغلة .
احمد:-ولدها الثاني اول جامعة عمره 19 سنة حلو ماشي حالو بس حاط عينو على مرام .
رهف :-بنتها 6ابتدائي بس عقلها يوزن بلد تفهم كل حاجة, صلو و سلمو عليها .
…………………………….
اخو جيهان :-
رائد :- عمره 21 ثالث جامعة وخاطب وحدة تقربلو من بعيد اسمها ريماس
رائد طويل مرة. ونحيف مرة. وابيضاني وشعره طويل للكتف ولونه بني مررة فاتح
وحلو مرررررررررة جنان .
ريماس :- خطيبة رائد عمرها 18 سنة وشعرها مررررررة خشن وما تمشطوا
وريحتها الله اكبر , وبيضة بس مرة ماتهتم بنفسها , و اتخيلوا رائد خطيبها يععع.
رندة :- اخت ريماس عكس اختها تماما 3 متوسط يعني مو مرة نحيفة وسط وحلوة ولزززززوزة مممررررررة .
ابراهيم :- ولد اخت جيهان بس مرة هادئ وكيود, ثاني ثانوي المفروض يكون 3ثانوي بس اتاخر سنة عمره 18 سنة ومرة حلو شعره اسود, ولونه جسمه حنطي وجسمه رياضي, وسكسوكة خفيفة وCooooool .
يوسف : ولد اخت جيهان وابيض مررة وطيب ولزيز 2 ثانوي وعمره 17وحياته ياخذها مرة ايزي لكل موقف .
خالات مرام :
منال : طيبة وحنونة مو متزوجة وتشتغل معلمة علوم ….
هديل : حنونة ولزيزة مووت وحلوة متزوجة لها سنة وما عندها عيال ….
ابتسام : هذه مسكينة ماتت من عمرها 19 سنة واثرت في حياة الكل , وكانت متزوجة وعندها ولد وبنت , لكن كلهم ماتوا في حادث ((الله يرحمهم )) وزوجها صار مجنون ((الله يشفيه ))…بعد الحادث ….
……………………………………..
في شخصيات ثانية حتتعرفوا عليها بعدين OK
(( على فكرة قبل ما نبدا , ترى بيت العيلة عبارة عن حوش جوته فيلتين فيلا جدة خيرية وفيلا لجيهان واولادها وزوجها ))
نقول ونبدا الرواية, واعيد واكرر الرواية واقعية
يوم العيد كل واحد لازم يلبس ويتكشخ ويسير تنافس بين الملابس وbla.bla.bla
اجتمعت العائلة في بيت جدتهم خيرية والساعة 8 الصباح ,صاروا البنات مع البنات الحريم مع الحريم الشباب مع الشباب والرجال مع الرجال .
وبعدين قوموا البنات عشان الشباب يجوا يسلموا على الحريم لكن مرام كانت منسجمة مع الكلام وماحست انهم دخلوا كانت مرام احلى وحدة من بين البنات كانت لابسة فستان مفتوح الكتف طوله فوق الركبة لونه ابيض وفيله وردات سودة ومسشورة شعرها و فاردا وحاطة كحل اسود وبلاشر وردي وجلوس وردي وكان شكلها مرة يجذب , كل واحد استسلم من الشباب وصافحها وصار و جهها لو 100 لون من الحيا لكن من بين الشباب دخل فارس ولفتت انتباه ” ومن كثر ما جذبته دوبو جا يسلم عليها
الا تقوم من غير قصد وسلم على خدها ومسك كتفها ولحظة هدوء في المكان من هذا الموقف المحرج .
تتكلم جيهان :- انا بعد هذا الموقف حاقول انو فارس لمرام ومرام لفارس وسكروا الموضوع ولا احد يقولي لااااااااااا .
تقوم مرام وتروح الغرفة الثانية ومهي مستوعبة الموضوع وتفتح شنطتها تبغى تزبط الميك اب تبعها, الا يدخل فارس وتطيح علبة البلاشر حقتها وقامت تبغى تاخذها الا هو ينزل معاها ويقولها :-
فارس : انت ليش كدا .
مرام : …………… .
فارس : سمعيني صوتك يا مرام ؟
مرام : …………… .
قاموا الاثنين مع بعض وجلست مرام على السرير قاعدة تبكي جلس جمبها :-
وقال فارس : ليش الدموع انت دموعك الماس لا تنزليها ثاني OK baby .
مرام : لا تقول هذا الكلام مابيني وبينك شي .
فارس : يعني ما سمعت ماما ايش قالت .
مرام : حط في بالك انو انا ماخذ واحد طايش مثلك …؟؟ فااااهم
فارس : بس انا اتغيرت ……., وما لقيت مثلك منكن ياسرني وحطي في بالك انو انا … احبك…
وجات عينو في عينها وقال في قلبه “اجمل من عيون القمر ربي يخليك لي ”
وجا قرب من عندها وطلب رقم الموبايل تبعها **********
وقبل ما يقوم مسك يديناتها وسلم عليها وكانت اول مرة احد يسلم على مرام …
وخرج من هنا يغمى عليها مرام من الموقف
وصحيت ما لقت الا افنان قدامها تصحيها
افنان : ايش فيك مرام حصل شي واحنا برى …انا مرة خايفة.. ايش فيك يا مرام …. مرام ليش ساكتة لا تتعبيني …. اتكلمي …. مراااام …
مرام في حالة صمت غريبة بعد المواقف هذه ” يا ربي ليش سوى كدا انا لعبة في يده ولا حرمته عشان يعمل كدا صحيح طايش..,.. نفسي اعذبه من ناحية واكلم خالة جيهان من ناحية بس اخاف محد يصدقني لو قلت لافنان حتغار انا اعرف افنان يارربي مالي غيرك ”
وكل واحد راح واتوكل على بيته من فيهم اهل مرام ……..,…….. مرام اول ما رجعت البيت اخذت حبتين بنادول …على اساس انها تنام لكن ما نامت من الي حصل وقامت تفتح جوالها الا تلاقي مكالمات لم يرد عليها رقم غريب وكانت الساعة 1 الظهر مين الفاضي الي يعاكس في الظهر وبعد شوي يرن جوالها مسكينة دوبها غفت …
مرام :-الوووووو..؟؟؟؟؟؟؟؟؟؟؟؟
فارس : صباح الخير يا احلى ملاك ..؟
مرام : فاضي انت تعاكس في الظهر ايش القلة الادب هذي انت ما عندك اخوات احترم نفسك
وسكر السماعة ولا اشوفك تتصل ثاني فاااااهم ….تفو عليك قليل ادب مسخرنجي ….؟
فارس : الله اكبر اكلتيني بلسانك مرام هذا انا فارس ……..؟؟؟؟؟؟
مرام : توت توت توت …..؟؟؟؟؟؟؟؟؟
سكرت مرام الخط وكانت مصدوووومة بشكل ما تتوقعوه وقعدت تبكي الين ما نامت …..؟؟؟؟><
اما فارس قال اكيد كانت نايمة وعكرت عليها ولمن دريت اني فارس انصدمت “يا ناس ارحموني والله ملاك مادري من فين نزل والله اني غريب ليش يا فارس كان استنيت الين جا الليل واتصلت صراحة انا وقح ليش مسكت كتفها وسلمت عليها يا لله سامحني غلط غلطت عمري ليش ليش اعوذ بالله من الشيطان الرجيم اكيد دحين قالت لاهلها وابوها عصبي يعني منكن اموت في ثانية يا ربي كله من ماما ليش اتكلمت ليش اففففففففف ”
سكر فارس الليتات وقام استغفر ربه ونام …. ادعولوه ربي يسامحه من مصيبته ….
اليوم الثاني
صحيت مرام من نومتها ولقت عبد العزيز اخوها قاعد بيتفرج على فيلم مصري “رحلة حب ”
مرام : عزوز …
عزوز : ها حياتي …
مرام: ……(الحيا في عيونها) ..
عزوز : على الي سار امس عادي يا عمري انتو الاثنين مو قصدكم عادي كل الناس بتغلط جا عليكم يعني حرام تغلطو انا مسامحك لانو اعرف اخلاقك يا حياتي بيننا عشرة عمر كيف ما اعرفك …
مرام : لحظة .لحظة اول شي مين قلك ,ماحد كان موجود من الاولاد يوم الي صار؟؟؟؟؟؟
عزوز : مامتي …
مرام : ماشاءالله عليك كيف عرفت اني ابغى اجيك لهاذا الموضوع ….؟؟؟؟؟؟؟؟؟؟؟؟؟
عزوز: من عيونك هذي القمر
مرام : خلاااااااااااص كم مرة اتغزلت فيا ارحمني وخف عليا شوي …..
قام عزوز نط عليها وقاعد يغازلها وهي تصرخ وقاعدين يجروا زي ال BaBy
جات ام مرام وقالتلها تتلبس عشان يروحوا بيت جدة خيرية
ام مرام : يا لله ماما خلينا نروح بيت مامتي .
مرام : مامي ماابغا اروح بليزززز .؟؟؟
ام مرام :- ليش ؟؟؟
مرام : ……………..,
ام مرام : عشان الي صار امس .
مرام : ……………..,
راحت مرام على غرفتها وقاعدة تبكي خايفة تشوف فارس بعد كل الي صار
جات ام مرام : يا بنتي ليش تبكي ما قلت شي عشان تبكي وانت بنت حلوة ومو ناقصيك شي عن اي بنت وفارس ولد محترم صح طايش بس رح يتعود عليك صدقيني وراح يتغير حتى انت حتشوفي بعيونك صدقيني .
مرام : بس …….
ام مرام : لا بس ولا حس قومي غسلي وجهك والبسي عشان نروح بلا دلع بنات .
مرام : انشاءالله مامي ..
راحت مرام غسلت وجهها ولبست DREESلونه احمر علاقي ومفتوح من الصدر وحطت عدسات زرقا ولفت شعرها بتسريحة ذيل الحصان وصار شكلها عن جد ملاك …..
وهي في غرفتها جا عزوز ووقف عند الباب وقاعد يتامل فيها وهي ماسكة اعصابها
وقالاها : يا بخت العرسان الي حي يدقو الباب ويشوفوا هذه الملاك ….
مرام :ممكن تطلع برى ابغى اكمل الميك اب تبعي .
عزوز: بميك اب او بدونه والله ملاك ..
مرام : عزوز بيكفي فكني يا لله .
عزوز جا من وراها ومسك خصرها وسلم على خدها “البنت راحت فيها صار لها الوان في خدها ” ((على فكرة نسيت اقولكم انو مرام تستحي من اخوانها وخاصة عزوز لانو دائما يغازلها ويسلم عليها ..,..مرام احمدي ربك عندك اخوان كدا احنا نبغاهم يعطونا وجه بس ))
في بيت الجدة
اول ماجات مرام طلعت فوق ولا سلمت على اي احد لكن ربي يعرف الاوقات الي يجمع مرام مع فارس …
طلعت مرام السطوح قعدت على الكراسي واخذت نفس عميق و سكرت عيونها وقاعدة تفكر بفارس…
ربي يحب مرام .. فجاة مرام حست انو في احد جا لكن عرفت انها افنان فما ادت اهتمام
لكن ظنها طلع غلط جا فارس من وراها وحط ايدوا على عيونها
مرام : افنان بليز مافيا لغلاظة دمك ..
((بعدين حطت ايدها على ايد فارس وهنا حست بالخوف ايد مين هذه كانت ايد معظمة وعريضة ))
مرام :يا حياتي يا فارس ….اه …. مين .. بليز فك ايدك ..((فك ايدوا و جات عيونوا في عيونها هنا حست مرام انها تحبه وراح تنشق الارض وتبلعها وقالت كمان كلمة حياتي مصيبة))
فارس : كنت حاس انك فوق
مرام : ….كيف ….ليش ……((فارس ارحم مرام البنت مرتبكة ))
فارس : مرام خذي نفس ..ما يحتاج الارتباك هذه كله …. انا مني واحد غريب عشان ترتبكي انا اقرب واحد لك وحاكون اقرب في الفيوتشر ..
مرام :انا اسفة على المكالمة صدقني……
فارس : انا الي اسف سلمت عليك وصدقيني الشيطان جذبني لك والمكالمة انا الي غلطان
وشكرا على طوالة اللسان ….؟؟
مرام : لالا بليز لا تزعل مني والله احسبك من الشباب الفاضيين بليز؟؟
فارس : بشرط تسحبي كل كلمة قل تيها الا الي قبل شوي سمعتها ابغاك تعيديها ولا اشيلك وارميك وتاكلك البسس ويحطوكي في الجريدة جثة متاكلة.
مرام : حرام عليك لدي الدرجة تكرهني وانا كنت احب…….؟؟
فارس : تحبيني اخيرا يا مرام انت تحبيني اخيرا يا ناس مرام تحبني اهههههههههههههه
مرام :ارخي صوتك الشارع كله حيعرف ههههههههه ..
وتدخل رهف بنت خالة مرام وافنان ,مرام في احلى اوقاتها يخربوا عليها والله شي يقهر
افنان : يا عيني ليش الرقص هاذا كله يا فارس هيا مرام سوتلك حاجة ((تتكلم من نص عين ))
فارس : افنان, مرام قالت لي احبك وانا من زمان ابغاها تديني وجه واخيرا بعد 4 سنين حتصير حرمتي يا سلام يا حظك يا فارس اههههههههههههههههه.
افنان : انت ايش تقول لا مستحيل تاخذ مرام لا لا فارس انا احبك من زمان بس انت ما تحس
فيا انت جرحت مشاعري حرام عليك ((وطاحت على الارض وقاعدة تبكي ))
رهف : ايش هاذي العيلة هو 2 يحبو واحد ما يصير يا وحدة يا بلاش ولا اقولكم انا اخذوا وانا اولى فيه فاهمين ..
فارس :رهف اذا ماانقلعت عن وجهي دحين ارميك .
رهف : انت ترميني من فوق ((وتاشر باصباعها ))
ما قدر فارس يتحمل , قام ضرب رهف كف خلاها تعمل رجة في الفيلا من بكاها
و مرام مصدومة من افنان انها كانت تحب فارس وفارس مصدوم من افنان بس هو ما يكن
مشاعر على افنان راحت افنان بيتها مع اخواتها ومهم عارفين سبب بكاها
بقي فارس ومرام ما تحركوا من مكانهم ..
رفع فارس عينوا لقى مرام راخية راسها والدموع في عيونها
فارس : مرام والله اني مافي يوم حطيتها في بالي انا متفاجئ بالكلام الي قالتوه صدقيني انا ما حبيت غيرك وحااكمل المشوار معاك مرام افهميني انا احبك {ومح يفرق بيننا الا الموت }
مرام : لا تقول كده فيا ولا فيك انا عارفة افنان شوي حتزعل بعدين عادي صدقني .
فارس :نرجع لموضوعنا الكلمة الي ماكملتيها كميلها .
ويدخل عزوز : كلمة اي الي تكملها ~ويطل لمرام بنص عين ~
فارس: انا ماعرف ليش في احلى اللحظات تتدخلوا ايش القرف هاذا اوفففففف.
عزوز : مرام راضي حبيبك زعل منك حرام.
مرام : عبد العزيز لو ادخلت في خصوصياتي ثاني والله منت اخوي فاهم
ويقرب عزوز ويضرب مرام كف لان الكلمة الي قالتها..وتطيح مرام على الارض
ويجي فارس يساعدها ومسك خدها ((تاني يا فارس )) وقرب عبد العزيز وضرب فارس على
صدره ويمسك مرام من يدها وطبعا بعد ماهانها قدام الكل ..وراحوا الاهل البيت ..
عزوز من كثر مو خايف على مرام عمل هذا الحركة كمان الكلمة الي قالتها مرة وسخة كمان قالتها لاخوها مرة صعبة …
مرام قاعدة في غرفتها تلعب بالجوال ، بعد شوي دق الباب :-
مرام : مين…؟
عزوز: ………….انا ……….؟؟؟؟؟
مرام : انا ابغى انام ماابغا احد يزعجني بالذات انت ولو سمحت لا تعتب باب الغرفة معليش من غير طارد ولا مطرود .
عزوز : والله حياتي اسف انا احبك واخاف عليك (( ويبكي ))
((تفتح الباب مرام وتخرجله))
مرام : عزوز والله انا اسفة حاسحب الكلمة .,انت حبيبي و اخوي وابوي وكل مامتلكه في الدنيا ماله معنى من دونك …
عزوز : انا ما قدرت مشاعرك بس لو ما تكلمتي كان نزلت بروحي ….
((وحضنو بعض وسلم كل واحد على الثاني ورجعوا احلى اخوان ))
في بيت جيهان :
جيهان : حبيبي فوفو تعال ابغى اكلمك …؟
فارس : ها نعم …..((يكلمها من غير نفس ))
جيهان : احد يقول لامه ها روح مابغى منك شي …
فارس : احسن وفرتي وقت ……….؟
جيهان : احترمني على الاقل ..
فارس وقف في مكانه والدموع في عينه
جيهان : حبيبي فارس ايش فيك تعال في حضني ..
فارس : يا ماما انا تعبان موت حاس اني مخنوق مووت …..؟
جيهان : اوديك المستشفى حبيبي لونك مرة مصفر
فارس : مرضي ما يحتاج مستشفى ماقدر اقولك
جيهان : ليه حبيبي انا مو امك فضفضلي ..
فارس : انا رايح ….باي
جيهان :كيف تروح كدا يا ولدي ما تروح مكان وانت بالحالة هاذي فاهم …
فارس : اففففففففففففف …مو انت تتحكمي فيني يالله باي
جيهان : ربي معاك والله مسامحك دنيا واخرة …
((راح واخذ شنطة ملابسه , وامه ما تقدر تتكلم بس تتدعيلوه ربي يوفقه ويحمي ))
حزروا فيييين راح ” اكيد عرفتوا يا قراء ”
راح عند بيت ابو مرام مفاجاءة محد اتوقعها
رن الجرس و رن وفارس يغني رن رن رن ,رن وفرحني …….؟
ويفتح له الباب فهد
فهد : هلا بفارس والله انك وحشتني مووت ..وسلموا بالاحضان ..
فارس :وانت لك وحشة ما شفناك في العيد ليه ما جيت ..؟؟؟
فهد : تعرف الجامعة دروسها وتحضيراتها ما تخلص ..
فارس : الله يعينك ….
يدخل عزوز
عزوز : فارس عندنا.. هلا بزوج اختي هلا بحبيب اختي هلا والله البيت كان مظلم جيت ونورته بقلبك …
فارس : البيت منور باهله واسحب الكلمتين مو وقته …
!!!!!!!!!علامات التعجب على فهد!!!!!!!!!
مرام قاعدة على النت فاتحة الماسنجر واتعرفت على ولد جديد مرام مسمية نفسها ميمو والولد رورو
ميمو :كيف حالك …؟
رورو: بخير وانت كيفك ؟؟
ميمو : تمام التمام ..
رورو : انتي مرتبطة …؟!
ميمو : صراحة ايوا ..
رورو : كان نفسي ارتبط فيكي بس حظي مو حلو ……!
ميمو : عادي ارتبط فيك على الماسنجر
رورو : عن جد بس انتي من فين من اي دولة و اي مدينة ..؟؟؟
ميمو : انا من المملكة العربية السعودية تحديدا جدة,, وانت ؟؟؟؟
رورو : زيك يا حلو …
ميمو : اتمنى انو يكون ارتباطي فيك من غير غزل لو سمحت ؟ انا بنت ناس
رورو : ولا يهمك …معليش … ميمو اخوي عاصم يبيني تبين شي
ميمو : لا تسلم
رورو : طيب اشبك الساعة 1 الليل Ok see you soon
ميمو:Ok bay
وقفلت النت وطلعت من غرفتها ويجيها ماهر مسرع بالسيكل ويصدمها على رجولها
مرام : ماهر ياكلللللللللللللللللللب يلعنك الله يجبلك سرطان يفتفت عظامك ياحيييييييييييواااااان ااهههههههههههههههه مامي بليز رجلي اهههههههه .
معتز : ايش في صحتيني من احلى نومة ااااااهه
ام مرام : حبيبتي ايش فيك ..؟؟؟؟
مرام : الحيوان الكلب الزفت ماهر الله يلعنوا ….
ام مرام : انتي ماتبطلي طوالة لسان بس عاد زهقتيني من لسانك
مرام : يوووووه..؟؟ ((ياريتك يا فارس موجود تشوف رجلي البيضة الحلوة ايش فيها اه اه))
((وتحقق حلمك يا مرام فارس موجود ))
يدخل عزوز وفهد وفارس : ايش في ….؟؟؟
مرام قامت من مكانها
مرام :مافي شي بس جرح عادي ,عادي انتوا روحوا بس ….؟؟؟؟(( وعيونها كلها على فارس ))
عزوز : متاكدة …..!!! ((يطل من نص عين )) ؟؟؟؟؟؟؟؟
فارس : مافي مشكلة اوديك الهوسبتل في واحد قريب , ترى الجرح بينزف مرة كتير..OK
مرام : …………….
فهد : قومي يابنت الايه قاعدة مسرحة الولد يقولك يوديك انت قاعدة مسرحة صحيح بنت ..؟؟
مرام : اي, اي مامي بليز يعورني اي مامي ….؟
فارس قاعد يضحك من جو بطنه
مرام : فارررررس بليز وديني ولا تضحك اييييى ….~
في المستشفى …الدكتور الي يعالج مرام سعودي ومرة كيود
مرام : اييييييييييييييييييي مامي بالله دكتور بشويش
الدكتور : مرام خليني اخلص شغلي عندي مرضى و سكي فمك ..
مرام (معصبة )) ماراح اسك فمي عجبك
جامل الدكتور مرام بابتسامة تذوب الحجر..
فارس : ها دكتور ايش فيها ؟؟؟
الدكتور :مافي شي بس الجرح شوي عميق انا حااديها مرهم تحطلها هو في اليوم مرتين OK Maram
فارس : من عيوني ابشر (( ويطل في مرام )) ..مرام هيا اتاخرنا
مرام : يا لله
في السيارة طبعا Miss مرام قاعدة قدام وسيارة فارس بورش فضي مرة جنان وكشف والجو روعة ..
مرام : هاذا مو طريق بيتنا …؟؟؟؟؟؟؟؟؟
فارس :اي نو ….
مرام : فين رايح
فارس : حزري يا مرام
مرام : لاااااااااااااااااا
فارس :ههههههههههههههههههههه
مرام : لا مستحيل الساعة قربت على 12 الليل وانت بتوديني البحر فاضي يا ناس فاضي
فارس : هذا قلبي وهو اختارك
مرام : رجعني البيت
فارس :No never Baby>>
ويا عيني على فارس يموت فيها حاط في المسجل اغنية حياتي “محمد نور”
مرام مستحية موت طبعا حبيب القلب جمبها
وقف فارس السيارة وجاب ايس كريم باسكن روبنز بالتوفي
وطلعوا من السيارة يتمشوا على البحر
فارس : مرام …؟؟؟
مرام : ……………
فارس : خلاص ميمو اديني وجه شوي
مرام : طعم الايس كريم
فارس : مرام بليز
مرام : ……………….
فارس : ميمو اديني الايس كريم تبعك
مرام : ليش ..؟؟؟
فارس : بليز حبيبي
مرام : عشان الكلمة بس مو عشانك
فارس : خذي الايس كريم حقي
مرام :ليش ….؟
فارس :انت ما تفهمي ..؟؟؟
واخذ كل واحد الايس كريم حق الثاني وعارفين يا قراء ايش قصدوا فارس
في السيارة :
مرام : فارس فيك شي شكلك مو على بعضك وجهك مرة مصفر
فارس : ……………..
مرام : …………………….((هدوء تام بين الطرفين ))
فارس : مرام ممكن ابيت الليلة عندكم حاس شوي نفسيتي تعبانة ابا اغير جو
مرام : حياك والله ,,تعيش معانا كمان مرة عادي ..
فارس : تسلملي عيونك تعرفي تجاملي
مرام مستحية مموووووووووووووت من كلام فارس
- روايات جريئة
- رواية رسمت لك احلى ابتسامه
- ﺭﺳﻤﺘﻠﻚ ﺃﺣﻠﻰ ﺇﺑﺘﺴﺎﻣﺔ / ﺭﻭﺍﻳﺔ ﺳﻌﻮﺩﻳﺔ ﺭﻭﻣﺎﻧﺴﻴﺔ ﺟﺮﻳﺌﺔ ﺣﻘﻴﻘﻴﺔ / ﻛﺎﻣﻠﺔ
- رواية رسمتلك احلى ابتسامه
- رواية رسمتلك احلى ابتسامة
- رواية رسمتك احلىابتسامة منتدى
- رواية خلجيةفارس ومرام
- روايات بنات ثاني ثانوي
- رسمتلك أحلى إبتسامة / رواية سعودية رومانسية جريئة حقيقية / كاملة
- تمامة رواية رسمتك احلي ابتسامة
