| اخذيني
اخذيني لاعجبتك بس رديني .. وان ماعجبتك .. خلاص اخذيني .. مابيني ..! مادامني شفت فيك الطهر والعفه .. بعيف نفسي لامنك كرهتيني .. اخذيني لو اعتبر من ضمن اشيائك وانا بحبك ولا لازم تحبيني ..! لابي علاقه ولابي نظره وبسمه .. احساسي اني بقربك بس يكفيني .. لو اني انضفت لاشيائك غصب عنك .. طلي علي ياغناتي لاتخليني تراني لاجا المصامد مانيب هين .. تقول كن العرب لعبة بيديني شخصيتي من غرابتها وطيبتها .. كن الزمن في تحدي بينه وبيني واخذيني اللي لامن طلب يعطى ,, وتكفين لامن طلبتك لاترديني تكفين ياغايتي يابهجة الدنيا .. ابحرق قلوب ناس ماتدانيني اخذيني بكل شوق .. وقولي احبه ! .. وان شككوا فيك ولا في .. ضميني .! قولي اني والله غالي جدا .. وياجعل فدوه شبابي واخر سنيني.. وانا بصدق كلامك واعتنز بالله ,, وبقول للناس .. مايعنيك يعنيني.. وانا علي نذر ما ارخص جيتك .. وانتي نذر على رقبتك انك ماتخليني .. !! [القصيده للشاعر المبدع سعد علوش .. ] [1] [ التقينا ..] شافوا فدوى قامت من الطاوله تدفها معصبه وشايلة شنطتهامعاها .. وقاموا الثنتين وراها يلحقونها .. ديم وهي تهرول بخطواتها رافعه بيدها طرف تنورتها السودا : فدوى امانه وقفي شوي تعبتينا وحنا نركض وراج عقدت حواجبها بحنق وضغطت بيدها على سير شنطتها كنها تبي تقطعها والتفتت .. ومشت عنهم بسرعه تخليهم مايفكرون يلحقونها ديم والحزن بعيونها وهي تراقب فدوى تبتعد : الله يهديج ياصبا مايمر اسبوع الا ولازم تنرفزينها طلعت صبا من جامعة الملك فيصل راجعه للبيت .. وتركت ديم تتنهد بضيقه وهي تصلح بلوزتها البيضا .. , وتفتح شنطتها تسحب منها جالكسي فلوتات .. تاكل منها وهي ماشيه بهدوء متجهه للمبنى اللي فيه محاضرتها .. وبالها مو مشغول غير بصديقاتها اللي هي دايم ضايعه بينهم .. [هذول هم ! الصديقات اللي مايقدرون يفارقون بعض بالرغم من كثرة خلافاتهم .. واختلاف شخصياتهم .. حتى صبا وفدوى .. ماكنهم بنات خاله .. مايتشابهون ابد .. “فدوى” بيضا وشعرها بني فاااتح .. هالشي يخليهاملفته بشكل ملحوظ .. مرحه بس نادرا ماتبتسم .. و”صبا” سمارها حلو بس شعرها اسود وطويل .. مغرورة وباين من نظراتها .. اما “ديم” الثالثه .. حنطاويه تقريبا وشعرها اسود لتحت رقبتها .. غالبا كيرلي وربطه من قدام وهالشي معطيها ستايل غير .. بريئه ومسالمه .. واحيانا فيلسوفه ! ] [ هي اصغرهم .. تدرون ليه دايم تمشي بالوسط بينهم ؟ .. عشان تقدر تمسكهم لو تخانقوا وكل وحده بتمشي في جهه ..!] وصلت للبيت .. واول مادخلت غرفتها رمت الشنطه على سريرها اللي ملاصق لسرير اختها علياء : ووووووجع بشويش ,, بغيتي تكفخيني بها .. [هذي هي .. “علياء” اللي جالسه تحضر .. اخت صبا الكبيرة والوحيده .. تشتغل مدرسة ابتدائي .. توهامتوظفه صار لها سنتين .. مخطوبة وزواجها قريب ] فدوى .. راخيه جسمها على كرسي القاعه الخشبي .. حدها زهقانه ولحد الحين مقهوره من بنت خالتها .. وكل شوي تطالع في الساعه بس تبي المحاضره تخلص وترجع البيت .. ديم .. طلعتهم الدكتوره بسرعه .. فرجعت للبيت ,, دخلت الصاله وكان جدها موجود .. فراحت حبته علىراسه : اخباااارك جدوووو ….. راحت ديم تجيب اللي طلبه جدها وبسرعه ترجع للصاله وتحطه قدامها .. : يبه صوت التلفزيون عااااااااااااااالي واصل للمطبخ …. : وين رايحه منتي ماكله وياي ؟ [هذا هو .. “حمود” .. جد ديم واللي يعيش معاهم في البيت هي وابوها .. بس ! الاثنين مدلعينها بس بحدود .. وهي قااايمه بخدمتهم بما انها عايشه عند ابوها ] في بيت ابو فهد .. كان فهد مستلقي على سريره وداخل جو : بععععد عممممري انتي ..دوامي بعد العصر قلت لج … زين بقوم اتغدى والله بس انتي قولي انت فهد حبيبي … لا لا بتقولين .. بتقولين .. فهد بوجه كله عصبيه لان اخوه قطع عليه : نعم انت شتبي ؟ [هذول هم .. فهد وفواز .. اخوان فدوى .. من ناحية العمرفهد هو الاكبر , عمره 25 .. وفواز 23 .. ومن ناحية الشكل .. فهد اللي مازال معصب من اخوه ملامحه عاديه بس فواز جذاب . نظراته وملامحه تنادي الناس يلتفتون له …. فدوى الصغيره 20 سنه تشبه فواز .. بس ملامحها انثويه .. والاخيرين متعلقين ببعض حيل .. ] طلع فواز متحطم وراح عند التلفون يضرب رقم اخته كم مره والخط مايفتح , ويرمي السماعه معصب .. انتبهت له امه وهي تدخل الصاله : شتسوي انت؟ نقل عيونه بين التلفونين وعلى وجهه اكبر علامة استفهام .. بعدها قام للتلفون الثاني يجرب يتصل يمكن ترد , بس عطاه مقفل لانها مازالت في المحاضره , فرجع غرفته معصب .. طلعت من المحاضرة تلفظ انفاسها .. ثلاث ساعات متواصلة والدكتورة مو راضيه تسكت .. ركبت الباص وغفت عالشباك بدون ماتحس .. ماوعت الا وصوت المحرك ينخفض وهو يوقف عند باب بيتهم .. رتبت عبايتها ونزلت بسرعه .. دخلت وكانوا الكل مجتمعين .. ينتظرون وصولها عشان يحطون الغدا .. بس فواز مو موجود .. |
|
فهد بقرف : ويقول لي لاتحبسوني بالغرفه , يبي يطلع عند خالتي ابو فهد قام واقف : هذا اللي ناقص بعد ..! فهد : وانتي نازلة اسحبي هالمتخلف معاك … ماياكل شي الا وانتي في وجهه [ هذول هم .. اللي يجلسون في زاوية السفره دايم .. ” ابو فهد وام فهد ” كل اللي اقدر اقوله .. وافق شن طبقه .. دام فهد هو الكبير , فيتركونه يثبت رجولته على اخوانه . |
