فى احدى مدن القاهره فى شارع جانبى لا يبعد عن الشارع الرئيسى بكثير …..هناك تقطن سيده تبلغ من العمر خمسون عاما ……موظفه باحدى شركات القطاع الخاص . …تدعى مايسه..ومع زوجها رجل لا يكبرها بكثير ….موظف حكومى ايضا….لعلنا ذكرناها قبله ..مهلا ….لم نخطئ ..فهى الام والاب معا …دعونا من التفاصيل الان بشان ذلك ولكن نكفى ان نقول انها عمود البيت وليس هو…….
لديهم ابنتان الاولى مها ذات الاثنين وعشرون عاما ….تخرجت من كلية الصيدله بتقدير جيد جدا ….معقود قرانها على ابن خالها …….وابنه ثانيه تدعى اميره تكبرها بعامين وتخرجت من كلية الطب البيطرى وتفتخر جدا بمهنتها ولا تلتفت للعباره المعهوده من كل من حولها “دكتورة الحمير”……… متزوجه ولكن زوجها مغترب فى بلد عربى وحامل فى شهرها السابع فلندعو لها “يسر الله لها ولادتها ”
هنا تجلس الاختان فى غرفه يغلب عليهاكل الوان البهجه وخاصة اللون القرمزى العشق الاول والاخير لمها …….
تمسك مها بيدها تنوره قصيره حمراء ..يبدو انها تعجبها كثيرا وتنظر لاختها بفرحه عارمه وتقول:-مش مصدقه بجد يا اميره مش مصدقه والله ان فرحى خلاص ناقصله اسبوع واحد بس …تنظر ثانية للتنوره التى تمسك بها :-اكيد هتعجب حسن مش كده؟ده بيموت فى اللون الاحمر
هنا ردت اميره بتحفظ وهى تقول:-وانتى عرفتى منين انه بيحب اللون الاحمر ان شاء الله هوا انتوا اصلا بتتكلموا
مها وقد اختفت ملامح الفرحه من على وجهها لتحل محلها ملامح الاسى والحزن :-فيه ايه يا اميره عرفت يا ستى من ممته ..وبعدين قولتلك ان حسن مش بيحب يتكلم فى التليفونات بيستحرم …فيها ايه يعنى ..اتعود على كده من الخطوبه
اميره:-بالله عليكى يا مها بلاش تضحكى على نفسك انتى عارفه ومتاكده انه مقضيها من زمان اوى وانه مش بيستحرم ولا حاجه فاكره يوم خطوبتكوا كان اعد ازاى فاكره كان بيبتسم بالعافيه ازاى فاكره كان سيبك وبيبص لباقى البنات كلها
ازاى ؟هنا تغلب الحنيه على صوت اميره وتكمل :-ياحبيبتى انا خايفه عليكى انتى ازاى قادره تتجوزى واحد عارفه ان مفيش اى مشاعر من ناحيته ليكى ليه وانتى الف واحد يتمناكى
مها بقوه :-بس بقى يا اميره بجد …باقى اسبوع واحد بس وانا عارفه ازاى هخليه يحبنى لما هنتجوز
اميره:-انتى مراية الحب عمياكى انتى عشان انتى كويسه اوى شايفه كل الناس كويسين
مها :-يكفينى انى انا بحبه وانى ببقى مبسوطه بس وانا بشوفه من غير حتى ما يكلم فما بالك لما هعيش معاه ولو كان مش بيحبنى كان سبنى من زمان . هنا تبتسم وتقول :-وبعدين بطلى نكد بقى وافرحى ماما هترقص من الفرحه اها وانا كمان نفسى افرح بقى واعيش مع الانسان اللى من وانا عندى 10 سنين بحبه
اميره وقد فقدت اى امل اخر فى ان تنهى تلك الخطوبه فقررت ان تخدع نفسها هيا الاخرى مثل اختها وابتسمت لاختها معلنه كاذبة وككل مره بعد ذلك النقاش مع مها انها ستحاول ان تقتنع بانه سوف يتغير بعد الزواج.. ولكن قد انتهى الوقت فباقى اسبوعا واحدا…
ولكنها ذهبت الى مصليها واخذت تدعو ربها ان يكتب لاختها الخير اينما كان ويرضيها بيه ……
**************************************
فى البنايه المقابله لمنزل مها يقطن هناك حسن وعائلته …لعلنا نتسال ما الذى يجعله متمسك بها
ايحبها ؟! حسنا سنعرف ولكن فيما بعد ……….
حسن خريج كلية التجاره…. توفى ابوه منذا ان كان صغيرا تقريبا كان فى السادسه من عمره ..لا يوجد لديه اى اخه …ولعل هذا هوا السبب القوى فى دلع امه له …. استطاعت والدته ان تدبر له(بالكوسه)وظيفه كان لا يحلم بنصفها بل ولا حتى بربعها فى البنك الذى تعمل هى به .
- رواية تزوجته رغما عنه
- رواية تزوجته رغما عنه pdf
- تحميل رواية تزوجته رغما عنه
- تحميل رواية تزوجته رغما عنه pdf
- تحميل روياة تزوجته رغما عنه
- روايات احلام سامحيني احببتك رغما عني
- روايات تزوجتك رغم عني
- روايه تزوجته رغما عنهد
