الجزء الاول
ام حنينتكفين حنين خلاص لاتصيحين انت الكبيره لازم تصيرين قويه
حنين وهي تصيحيمه خلاص انا تعبت ماني قادره استحمل تعبت من كل شي تعبت من ابوي اللي مايدري وين الله حاطه فيه ومن عمامي اللي مش راضين يعترفون فينا اه اه يمه كل شي فوق راسي فواتير الماي والتليفون والكهرب انا اللي ادفعهم حتى الماجله (اغراض المطبخ)انا اللي اشتريها وبعدين فلوس الدروس الخصوصيه ماتكفي الا حق اكلنا وشربنا ليش احنا من بد خلق الله مكتوب لنا الشقه والمذله ليه؟؟
ام حنينخلاص يمه قطعتي قلبي هذا اللي الله كاتبه لنا واحنا مانقدر نعترض على مشيئة الله الحمد لله على كل حال ياحنين يا حبيبتي في ناس اقل منا لا بيت يضفهم ولا احد حاميهم غير الله سبحانه والحمدالله عايشين على الله… قومي حبيتي غسلي وجهك وصليلك ركعتين وذكري الله الا بذكر الله تطمئن القلوب……
وقامت حنين وسوت عالى اللي قالته لها امها وارتاحت نفسيا وحست ان حمل كبير انزاح منها…..
وهذا حال عايلة حنين اللي كانت كل يوم تعيش ماساه جديده….
وبقولكم نبذه عن كيف بدت هذه الماساه:
يوم جاء يخطب (سعد )ابوحنين(حصه ) ام حنين
كانت حصه معارضه الفكره اولا لانها كانت صغيره على الزواج وثانيا لانها كانت عارفه باخلاق وطبايع ولد عمها الشينه هذا غير ان في وحده من بنات عمها حاطه عينها عليه بس امها اصرت انها تتزوج لانها دائما كانت تقول:لا غمضت عيوني من الدنيا بتصيرين وحيده لانه كلن بيكون لاهي مع عياله وماكان عند حصه الا اخوا واحد واسمه عادل توه متزوج
وفعلا تزوجت حصه سعد وبدت الماساه وعاشت طول عمرها بمذله واهانات مالها اول ولا اخر وكانت كل يوم يصبح عليها بضرب ويمسي عليها بضرب علشان اسباب تافهه جدا وكانت ماتشوفه الا تالي الليل
حتى شغله فنشوه لانهم دروا بانه يشرب الخمر في الفتره الاخيره
وطبعا انتوا بتسالون كيف عايشين بدون دخل مادي؟؟؟
كانت ام حنين عايشه على الله ثم الورث اللي من امها…… وبعد كم شهر حملت حصه وفرحت كثيير لانها حست ان الله بيعوضها بطفل يملي عليها دنيتها بدال زوجها وبعد شهور ولدت حصه وجابت حنين اللي كانت بمنتهى الجمال والنعومه كانت تشبه امها كثيير خصوصا في عيونها السود وبياض بشرتها وشعرها اللي يشبه سواد الليل ….وكانت تتوقع حصه ان الطفل بيقرب زوجها منها بس طلع العكس تماما حتى لحد الحين
ماتنسى يوم دخل عليها زوجهاعشان يزورها في المتشفى لانها ولدت وكان مره معصب والشرار يطلع من عيونه….
ام حنين تبي تلين قلبه: سعد ماقلت لي الحمد لله على السلامه؟تبي تشوف البنت؟
ابو حنين:وليه اتحمدلك بالسلامه وبعدين من حلات اللي جبتيها عاد علشان اشوفها ؟
ام حنين :خاف ربك هذه ضناك!!!!
ابو حنين:اقول بس اسكتي لابارك الله فيك انت معا هالبنت سودتي وجهي قدام الناس
تركها وطلع وهي في غمرة احزانها مصدومه مش مصدقه ان في قلب يكرهه عياله ومايعترف فيهم بس ماكانت تقدر تقول الا حسبي الله ونعم الوكيل
الجزء الثاني
ومرت الايام والسنين وصار عندهم بنتين الي هي (حنين)عمرها 24سنه ماخذه بكالوريوس رياضيات وتدرس دروس خصوصيه
و(العنود)وعمرها18 سنه ثالث ثنوي علمي
(عمر)وعمره 17سنه ثاني ثانوي علمي
(سمر)اخر العنقودعمرها 5 سنين……
الاحد السادسه والنصف صباحا
العنوديمه يمه
دخلت حنين الغرفهوشفيك تصارخين كانك ضاربك بليس؟؟؟
العنودمالك شغل ليه اصارخ.. انا ناديت امي ماقلت حنين..
حنينطيب يالعنود انا اراويك وبعدين لا تجين وتقولين لي حنين حبيتي عطيني مكياجك ولا حنين عمري عطيني استشوارك
وطلعت حنين من الغرفه وهي معصبه وبعدها على طول اطلعت وراها
العنود ونقزت في ظهرها وقالت حنونه لاتزعلين مني والله اسفه انا كنت معصبه لان مريولي مالقيته وبس وحطيت حرتي فيك تكفين لاتزعلين انا بدونك ماسوى نص ريال في سوق الحراج و..
حنين تقاطعهاخلاص حبيبتي لاتذلين نفسك اكثر من كذه واذا تبين مريولك تراه هو في الصاله لاني كنت اكويه لك ياغبيه
العنود اذا كل يوم بتكوين مريولي اصير غبيه واللي تبينه بعد وتسلمين يابعد طوايف وقلب وروح وجدة وخالة……
حنين تقاطعها بس بسس اذتينا على الصبح يالله صباح كريم …. اقول عنوده تسمعين اللي اسمعه؟؟هذا صوت امي تصحي عمر؟؟
العنودبابتسامه خبيثهيالله حان وقت العمل…فيني حره وودي اطلعها فيه
دخلوا غرفة عمر وهم حاملين بايديهم سطل ماي بارد(الله يعينك عمر)
ام حنينيمه عمر قوم يالله صل الفجر علشان تروح المدرسه
العنود وحنينيمه عنك احنا بنقومه روحي خذي الدوا و جهزي الفطور
ام حنين من وين انتوا دخلتوا؟
العنود من وين يعني يمه من الباب
ام حنينطيب صحوا اخوكم بس و بلا دفاشه زايده عن اللزوم
حنينانشاء الله انت تامرين امر يالغاليه
طلعت ام حنين من الدار وعلى طول عدوا 123وكبوا الماي في وجهه
عمروهو يصرخالله ياخذكم يالحمير ليه تسون كذه؟؟؟؟؟
العنودبس علشان مره ثانيه تصحى بسرعه o.k my brother…
عمرهين والله لراويكم الشغل عدل وحده بوحده واللي بادي اظلم ياللي ماتستحون…………………………..
حنينيمه خرعتني اقول بس قم بسرعه تاخرت على الصلاه والمدرسه
عمرزين زين فكوني من حشرتكم طلعوا بره
وبعدها راح كل واحد منهم لدربه
وصحت سمر من النوم وطلعت من الغرفه وراحت الصاله وشافت هناك امها وحنين……………………………………… ……………………………….
واللي يشوف شكلها يموووت من الضحك لان طالعه زي المهرجان الكشه ناطه والعيون والخشم منتفخين
سمرماماتي وين عنوده وعمر؟؟؟
ام حنين حبيبتي راحوا المدرسه
حنينسموره تعالي
وعلى طول ماصدقت خبر سمر طارت لحظنها
سمرحنين انا احبك
حنينوانا بعد يالله عطيني بوسه
وعلى طول حبت سمر حنين بقوه وبعدين عظتها
حنيناي حرام عليك ليش تعظيني؟
سمر عنوده تقول كذه
حنينلا والله
سمراي والله
حنينيمه شوفي بنتك فشلتنا كل تعظظ البزارين اللي في حارتنا علشان الانسه عنود معلمتها هالحركه
ام حنينلا عاقله سمر ماتسوي هالحركات صح سمر؟؟
سمرصح
ام حنين يالله حبيبتي روحي شوفي MBC3جابوا الكارتون اللي تحبينه
سمرطيب ماما
حنيناقول يمه وش قلت نروح بيت عمي والا لا؟
ام حنينوالله مدري انت شرايك؟؟
حنينانت قلت لابوي ؟؟؟
ام حنينايه قلت له وهو بيروح
حنينطيب انا لازم اخذ اخواني واروح السوق عشان نشتري للعزيمه
ام حنينليه ياحنين؟؟ ماله داعي تشترون ملابس جديده وانت تدرين بالحال…
حنين ولو يمه مافي احد احسن من احد وبعدين مابي اخواني يحسون
ان هم احسن منا انا على الاقل انا فاهمه بس اخواني صغار ومايفهمون واكيد بيحسون بالنقص
حنينيمه تصدقين انا اصلا مستغربه بالعزيمه المفاجئه ….غريبه هم
اصلا مقاطعينا من زمان ولايعترفون فينا ولا في ابوي كيف يعزمونا الحين؟؟؟؟
ام حنين والله مدري يابنتي اكيدالله هداهم واعترفوا بغلطهم ويبون يصلون الرحم بعد القطيعه
حنينكل شي جايز اقول يمه انا بروح انام شويه واذا جاوا البنات صحيني علشان ادرسهم
ام حنينانشاء الله
حنينيمه شفيك تعبانه خذت دواك
ام حنين اي حبيبتي خذته روحي ارتاحي
حنين اكيد مافيك شي؟؟
ام حنينايه اكيد
حنينطيب انا بروح الحين
دخلت حنين غرفتها وسكرت الباب وراها وهي مره حزينه لانها تذكرت ذاك اليوم وعمرها مابتنساه طول العمر يوم ابوها
طرشها بيت عمتهاالظالمه علشان تطلب منها فلوس ليشتري فيه السم
الملعون (الخمر)اللي ضيع حلال ابوها كله تذكر ذاك اليوم وكان صار امس
تذكر ذاك اليوم اللي سمعت فيه انواع الاهانات والتجريح تذكر قسوة
الدنيا عليها وعلى اخوانها بس دائما كانت تقول الدنيا دواره والله على الظالم………..”
الجزء الثالث
استاجرت ذاك اليوم تاكسي علشان يوديها بيت عمتهاوكانت الساعه8
بالليل وهي مره خايفه لانها اول مره تطلع بدون اهلها بس ايش
تسوي؟؟
حكم القوي على الضعيف المهم دخلت حي الحزام الذهبي وكان هذا
الحي جدا راقي واعطت التاكسي وصف البيت والشارع اللي ساكنه فيه
عمتها ووصلت اخيرا ذاك القصر اللي ماتوقعته يكون بهذا الشكل والحجم
البوابه كانت مره كبيره وكان لون البوابه زيتي على ذهبي غامق ولون
البيت ايضا زيتي على ذهبي غامق …
امها كانت دائما تقول لها ان بيوت
عمامك قصور كبيره بس هي الحين تعجز عن وصف القصر لانها تحس
انها عايشه في دنيا ثانيه وفي مكان ثاني مش مصدقه ان هذا بيت
عمتها….
وحمدت ربها حنين ان كانت البوابه مفتوحه لان عمتها كان عازمه ذيك
الليله سيدات اعمال..
المهم قالت لراعي التاكسي:
حنينادخل من هذه البوابه
ونزلت حنين من التاكسي وعطته اجر التوصيله
ومشت في حديقة البيت الكبيره عشان توصل للمدخل وكانت تحس
باحاسيس ممزوجه بالرهبه والخوف والفضول انها تدخل هالعالم
الغريب…سمت بسم الله وفتحت باب المدخل واول مادخلت شافت جموع
من ازواج العيون متجهه صوبها
استحت”خافت”ارتبكت”افكارها متشتته” ماتدري ايش تسوي
ودها رجعت البيت ولا شافت اللي شافته اتحس انها متهمه والقاضي
بيرصد عليها الحكم سمعت اصوات ناس كثيرة اللي يقول مين هذه؟
واللي يقول ليه جايه ؟واللي يقول كاني اعرفها !اصوات كثييره وبعدها
بلحظه عم السكوت المكان…………………………………….. ………….
لان:
جات صاحبة البيت جات العمه اللي ذبحت حنين بنظراتها قبل ماتتكلم
وترمي القنبله الكبيره في وجهها
العمهحنين هلا والله ب حنين
حنين بصوت مبحوح ويالله ينسمع هلا عمه نوره شلونك ابوي يسلم
عليك…….
الموجدين استغربوا عمه ؟؟؟؟ اي عمه وفي وحده تجرات من الموجدين
وقالت:ماعرفتينا يانوره على بنت اخوك!!
لحظة صمت استمرت دقايق…..
العمههاهاهاهاها لامين قال هذه بنت اخوي هذه بنت مسكينه جايه
تطلب فلوس
لاني انا شهريا اتصدق على الفقراء اللي في حي(…)والله حالتهم
صعبه يكسرون الخاطر وخصوصا هالعايله اتعاطف معاهم كثيير لان
طيبين ويدخلون القلب بسرعه….
وبعدين تدرين الواحد ياخذ الاجر والثواب عند رب العالمين
العمهصح يا حنين؟؟؟؟
حنين شقولكم عن حالة حنين حالتها لا تسر لا عدو ولا صديق تمنت تصيح
بس اخنقتها العبره…..
تمنت الارض تنشق وتبلعها….
تمنت ترجع بس اتحس ان الكون وقف معاها ماهي قادره لا تتحرك
ولاتمشي ولا ترد على سؤال عمتهااللي جرحها وقلل من شانها….
بس اللي ذبحها زود ان يوم حسوا الحريم ان طال سكوت حنين
قربت العمه وخافت انها تنفضح فقررت انها تقضي على حنين كليا لانها
تدري ان الكلام اللي قالته مش سهل خصوصا عند حنين اللي اهم شي
عندها عزة النفس فمسكت يدها وحطت مبلغ محترم فيه واتصلت على
السواق علشان يوصلها البيت………………………
طبعا العمه متعمده تسوي هالحركه علشان تحرج حنين ولا تجي تطلب
فلوس مره ثانيه……
وكل هذا يصير وحنين تحس انها متخدره كليا ماتدري هي متخدره من
كلام عمتها ولا متخدره لانها تحس انها في حلم ومش قادره تصحى
منه..
ماصحت من غفوتها الا لمن جات حرمه كبيره وقالت :خذي بعد هالفلوس
يمكن ماتكفي الفلوس اللي عندك…
رمت حنين الفلوس في الارض وصرخت باعلى صوتها لدرجه ان صدى
الصوت كان واضح جدا
حنيناشوف فيك يوم يانوره الله على الظالم وترى دعوة المظلوم
مستجابه …
وطلعت من المكان بسرعه وركبت سيارة عمتها لانها كانت هي
مظطره تركبها
واول ماسكرت باب السياره
بكت وبكت علشان تفرغ الهم اللي في قلبها تحس انها منبوذه بسبب
الكلام اللي سمعته تحس انها مظلومه واللي ظلمها ابوها اللي جابها
لحد هنا وعمتها اللي اهانتها وجرحت كبريائها كرهت الدنيا وكرهت اللي
فيها
وماحست الا هي وصلت عند باب بيتهم فتحت باب السياره بس قبل ما
تطلع
نادها السواق اللي كان سعودي وقال لها بابتسامه خبيثه :اي مساعده
حنا حاضرين بس تكفين هالدموع مابي اشوفها على هالوجه السموح
خلاص الدنيا مافيها امان حتى السواق يفكرها لعبه ويبي يلعب عليها بكم
كلمه
حنين حقيرواللي خلاك تسوق هم حقير(طبعا تقصد عمتها حقيره لان
هي راعية السياره والسواق سواقها)
ونزلت من السياره…….,
ومن بعد هالمعاناه اللي واجهتها تعلمت انها لازم تصير قويه لان اذا تموا اهلها على هذا الحال بتدوس عليهم الدنيا من جميع النواحي ومش رحمتهم وبعد هذا صارت هي اللي مسئوله عن البيت لانها ماتنتظر رجا من احد ولا تبي نظرة شفقه من اي شخص مهما كان…..
- اشكس
- أشكس
- تعبت صور
