رواية رغد وفيصل الارشيف

نبدا نعرفكم بالعوايل
عائلة ابو فيصل :
ابو فيصل رجال كبير بالسن همه الوحيد عائلته وبس كل وقته مشغول بالشركة غني مررره بس متواضع جدا
فيصل الولد الكبير عمره 25 يقولون عنه مجنن البنات حلو مره طويل ومعضل ابيض خشمه حااد شفايفه ملياانه جذاب مره وحنون يشتغل في شركة ابوه ..
نايف عمره 22 يدرس هندسه حلو بس فيصل احلى منه ع نياته عكس فيصل مايدور ع البنات خجول مره يحب بنت عمه رهف بس هي ماتحبه ولا تدري عنه وين !
ساره عمرها 18 تدرس بثالث ثانوي نسخه من فيصل هبله وتموت ع بنت خالتها رغد وكلهم مثل بعض مجانين ..
امهم توفت الله يرحمها وهي تولد بساره .. ساره دائما تلوم نفسها تحس انها السبب !
________________________________________________
عائلة ابو راشد :
ابو راشد اخو ابو فيصل علاقتهم واجد حلوه وطيب وع قد نياته يشتغل في شركة اخوه وعنده ولد وبنت لانه حصل حادث وماعاد يقدر يجيب عيال ..
ام راشد انسانه مؤمنه وصبوره وتحب زوجها واولادها وكل همها هم عمرها 45 ..
راشد الابن الاكبر عمره 22 حلو وطويل عيونه لونها عسلي توام نايف ويدرس نفس تخصصه يحبون بعض مره مثل نايف بس اللي مو حلو فيه انه عصبي
رهف عمرها 20 حلوه شعرها طويل وبني تدرس ثاني جامعه تخصص انقلش كل همها نفسها وشكلها ماتحب نايف ولا تطيقه مغروره مره ..
__________________________________________________ _
عائلة ابو حمد :
ابو حمد اخو ابو فيصل وابو راشد عنده ولدين وبنتين مشغول مره ويحاول قد مايقدر انه يوفر وقت لاولاده ..
ام حمد في حالها دائما خجوله غير عن زوجات اخوان زوجها ..
حمد الابن الاكبر عمره 26 يدرس في امريكا متزوج من امريكيه بس محد يدري حلو عيونه بحر شفايفه حاده
فجر عمرها 23 تدرس طب اسنان حلوه مره وغيرررر عن باقي البنات متواضعه وعلاقاتها حلوه مع الناس
ميهاف عمرها 20 كل وقتها مع رهف بنت عمها بس عكسها متواضعه بقوه احلى من رهف في كل شيء ورهف دايما تغار منها !
تركي عمرها 15 يدرس في ثالث متوسط كل همه البلاي ستيشن والبلوت حلو نسخه من فجر ..
_________________________________________________
عائلة ابو عبدالله
ابو عبدالله زوج خالة عيال ابو فيصل يشتغل دكتور نفسيه مشغول دائما من عياده الى عياده ومايرجع الا الليل واحيانا ينام في المستشفى
ام عبدالله تشتغل مدرسة انقلش حلوه ومهتمه بنفسها عمرها 36 عندها بنت وثلاث اولاد
عبدالله الابن الاكبر عمره 22 يدرس طب عيون حلو وطيب وع قد نياته كل همه رضا امه وابوه ودراسته ..
رغد عمرها 18 تدرس ثالث ثانوي دلوعة البيت ودائما يغارون منها اخوانها و مشاكسه تموت في فيصل ولد خالتها خجوله مره وحلوه عيونها بحر وبيضه مره وشعرها طويل الين خصرها وكثير واسود مهتمه في نفسها كله عشان فيصل !
سعود عمره 16 يدرس اولى ثانوي حلو نسخه من امه وشعره طويل ومشاغب مره ودائما في مكتب المدير ..
سلطان عمره 3 سنوات حلو يشبه رغد وهي صغيره ..
___________________________________
وليد الاخ الاصغر لابو فيصل واخوانه فلاوي مره عمره 25 اعزب لعاب درجة اولى يشتغل عند اخوانه حلو مره ويقولون عنه معذب البنات
_________________________________________-
هذي الشخصيات الاساسيه في روايتي والباقي راح تعرفوها من خلال الاحداث ..

خرجت من البيت وهي نفسها ضايقه وودها تحط حرتها في اي احد قدامها طلعت بدون ماتفطر وحطت حرتها ع سواقهم المسكين سيسي ..
رغد : انت هيه وش ماتمشي جعلك بالسرطان
سيسي : لحظه مدام باقي سعود مافي يجي
رغد : وانا وش دخلني فيه امش قبل ما اصفقك
سيسي قعد يدق بوري لين طلع سعود وحط حرته عليه >> مسكين الله يعينه
وصلت رغد مدرستهم وشافت شلتها مشت من عندهم ولا كنها تعرفهم طبعا البنات عرفوا انها معصبه ووخروا عنها عشان ماتحط حرتها فيهم .. جات ساره و ع طول ضمتها رغد تخيلت ساره انها فيصل وضمتها وخبرتها وش فيها ..
___________________________________
طلع من الاجتماع وهو معصب جاء اخوه يهديه صرخ بالصوت العالي خسرت اكبر صفقه في حياتي انت ماتفهم ارتفع عليه الضغط وفقد وعيه تجمعوا عليه الكل وجاء ولد فيصل ونقله المستشفى باقصى سرعته
نقلوه ودخلوا عليه الممرضات جاء الدكتور وكشف عليه
فيصل كان خايف ع ابوه مره وكان يبكي
ابو راشد : افا تبكي ياولدي تعوذ من ابليس ان شاء الله مافيه الا كل خير
الطبيب : السلام عليكم
فيصل : صرخ ابوي ابوي وش فيييييييه
الطبيب : مافيه الا العافيه بس حاولوا تبعدوه عن الاخبار الشينه
ابو راشد : طيب الحين وشلون صحته ؟
الطبيب : هو جات له صدمه قويه ولازم يبقى عندنا كم يوم
____________________________________
ساره : اووووف سواقكم تاخر مالت عليك وعلى سواقكم
رغد : طيب وش اسوي ضفي وجهك بس
ساره : بروح ادق ع فصوول
رغد : روحي بلا رجعه
راحت دقت ساره ع فيصل
فيصل : نعم منو معاي
ساره : اهئ اهئ فصووولي الحق علي
فيصل : خير وش فيييييك انتي بعد
ساره : السواق ماجاء تكفى تعال والله مابقى احد غيري
فيصل : ياربي روحي مع رغد
ساره : هئ حتى رغد بعد ماجاء لها السواق
فيصل : زين زين جهزي نفسك بااي
راحتس ساره عند رغد جهزي نفسك رغد بدون ماتسال راحت تلبس عبايتها
في هالوقت جاء فيصل وطلعوا رغد من كثر الصدمه وقفت طلع فيصل راسه من الشباك : رغووود مطوله؟؟
رغد دخلت وهي تسب في ساره
فيصل : شخبارك رغود اشتقنا لك
رغد : (ياحياتي انت وانا بعد اشتقت لك ) ب بخيرر
فيصل كان يمشي بسرررعه ورغد خايفه عليه وكان سرحان جات سياره قاطعتهم
رغد صرخت بقووه : فييييييييييييييييييييييييييييييصل
ياترى وش راح يصير لهم راح يصير الحادث و لا لا ؟ فيصل انتبه لرغد و لا لا؟
توقعااتكم اذا في تشجيع راح اكملهاا

 

البارت الثاني
فيصل نجا من الحادث كان مصدوم ومو مصدق انه عايش ونجا من الحادث .. رغد كانت تبكي وتصررخ فيصل حبيبي لا تروووح لا تررروح هئ هئ
ساره اغمى عليهاا تعورت شوي .. رغد كان همها فيصل وبس .. فيصل مستغرب ليه تبكي عليه بس وساره لا ولا حتى درت عنهاا !
فيصل : خلاص يارغد ااهدي شوفيني انا بخير ومسح دموعها
رغد ترتجف : هئ هئ لا لا تروح وتخليني >> ماكانت تدري وش تقول
فيصل : خلاص يارغد لا تبكين شوفي ساره اغمى عليها ولا اهتميتي فيها ولا سالتي عنها
رغد ماكانت تدري والاصح انها نست تواجد ساره معهم ..
نقلوا ساره للمستشفى ..
فيصل كان يمسح ع شعره الحريري الكثيف وتنهد : اااااااااااه يااربي وش هاليوم ابوي والحين ساره
رغد قربت عنده : فيصل
فيصل : لبيه
رغد : وش فيك ؟؟
فيصل : تعبااااااان يارغد
رغد بدون ماتقصد : جعله فيني لا فيك يالغالي
فيصل : بسم الله عليك لا تقولين كذا بعدين ساره ماتسامحني هههه
رغد : وش فيك يافيصل خوفتني عليك
فيصل : ابووووي ياارغد ابووووي
رغد حزنت عليه وودها كان تضمه : وش فيييه عمي؟
فيصل : تعبااااان ياارغد في المستشفى قولي لي وشلون ابلغ نايف وبالذات ساره اااااااااه
رغد : لا تخاف خل ساره علي وانت قول لاخوانك
فيصل : بقولهم ان شاء الله تعدي مصيبتنا ع خير
__________________________________
ابو راشد : ياا ام راشد وييينك
ام راشد : سم يا بو راشد
ابو راشد : جهزي نفسك بعد صلاة العصر بوديك للمستشفى وسوي شويات اكل
ام راشد : خير يا ابو راشد سلامااات ليه؟
ابو راشد: اخوي تعبان وحصل لفيصل حادث وساره الحين في المستشفى وماني عارف وشلون ابلغها تعرفينها وشلون
ام راشد : لا حول ولا قوة الا بالله .. ان شاء الله تعدي مصيبتهم ع خير
دخلت رهف في هاللحظه
رهف : السلام عليكم
ابو راشد وام راشد : وعليكم السلام
رهف : خير وش فيكم؟
ابو راشد : عمك تعبان في المستشفى وبنته ساره حصل لها حادث مع اخوها وبنت خالتها وهي اللي تعورت بس
رهف : تستاهل بعد ماصار لها شيء التافهه
ماحست رهف الا كف ع خدها من ابوها
رهف : تضربني يبه عشانهاااا يبه ماتستاهل والله ماتستااهل
ابو راشد كان راح يمد ايده بعد بس مسكته ام راشد ..
رهف طلعت غرفتها تكره ساره مع انها ماسوت لها شيء .. تشوف الناس عندها بنظرة كره وانانيه
__________________________________________________ _
في المستشفى الكل عرف باللي صار واعمام فيصل وخالته راحوا يتطمنون ع ابوه وبنته
ساره صحت : ر رغغد
رغد فزت : سااره الحمدلله ع سلامتك
ساره : ف ف فييص صل ويننه؟
رغد : لاتخافي فيصل بخير راح يتطمن ع ابوك
ساره فزت : اهئ اهئ ابوي وش فيييييييه اهئ
قاموا الكل يهدونهااا بس ساره مافي تبي تعرف
ام عبدالله : لا تخافي يايمه ابوك مافيه الا العافيه بس تعب شوي
ساره صرخت : كذااابيييييييين اطلعوا برااااا كلكم بررررااااااااااااا
دخلت الممرضه والدكتور واعطت ساره ابره مهدئه
ساره كانت تصررخ : يبه لا تروووح وتخليني مثل امي هئ هئ لا لالالالا يبببببببببببببه
الدكتور حزن عليهااا وبنفس الوقت اعجب بجمالها >> اسمه باسل عمره 25 اعزب وحلو مره وراح يكون له دور في الروايه
__________________________________________________
ابو فيصل : وينها اختك يافيصل بشوفهاا ليه ماجات سارونتي
فيصل خاف مايبي يبلغ ابوه : هااه ايه ايه ماخبرتها تعرفها يبه حسااسه زوود
ابو فيصل : انا حاس ان في شيء
وليد : ولا يابوي مافيه شيء >> وليد يعتبر فيصل ابوه لانه هو اللي رباه
ابو فيصل : الله يستر الله يستر
__________________________________________________ __
نايف : طمني يادكتور وشلون اختي؟
باسل : الحمد لله بخير بس عندها كسر في ايدها وتعرضت لبعض الخدوش ودخل بعض القزاز في يدها ولازم تراجعنا عشان نعقم الجروح لانها ملوثه
نايف : الله يعيييين ومتى بتطلع؟
باسل : مدري هي نفسيتها مره تعبانه لازم تبقى تحت الملاحظه
نايف صافح باسل : مشكور الله يجزاك خير
باسل : ولو واجبي
_____________________________________________
ام حمد : اشتقت لحمد يا الغالي
ابو حمد : لا تخافين اخر سنه ويرجع
ام حمد : قلبي يقول انه مسوي شيء
ابو حمد : هذا التليفون روحي دقي عليه وتطمني
فزت ام حمد دقت
رد عليها صوت انوثي
ام حمد انفجعت : منووو انتي؟
جسيكا : Hi >> مرحبا
ام حمد : منو انتي ياللي ماتستحين ؟
جسيكا : what? >> مااذا ؟
ام حمد : ولدي وينه منو انتي منووو؟
جسيكا مافهمت شيء عليها قفلت في وجهها .. ام حمد صررخت قلت لك يابو حمد قلبي مو مرتاح مسوي شيء
ابو حمد : وش صار؟
ام حمد خبرته .. ابو حمد: تعوذي من ابليس يمكن غلط الرقم لا تظنين بالسوء
________________________________

 

 

• رواية رغد وفيصل الارشيف
• رواية فيصل ورغد الارشيف
• رواية فيصل ورغد
• رواية تركي ورغد الارشيف
• روايه رغد وفيصل
• روايه فيصل
• روايه ساره وفيصل
• روايه كامله الارشيف
• روايه جديده من الارشيف
• رواية رغد الارشيف