رواية غصب تزوجتها

سلام عليكم ورحمة الله وبركاته
انا فاطمة عضوه جديدة هنا بنزل اول رواية لي
ان شالله اذا لقيت تفاعل معي بكمل اذا كان فيه اي انتقادات اتقبلها ودمتم بخير
عائلة سعود :
الاب سعود : رئيس قبيلة قوي بمعنى الكلمة وله هيبة عظيم الكل يخاف منه حنون على ابنائه ونقطة ضعفه هي ( مشاعل ) ويده اليمنى (محمد ) عمره” 54 “سنة
الام وضحى : قوية ولها هيبة عند الحريم وشديدة على بناتها تحب الخير لهم تتمنى اولادها وبناتها يطلعون نفسها نقطة ضعفها (حمدان ) وعمرها ” 52″

~~~~~~
الباريت الاول :-
دخلت الغرفة ولقتها دافئة وبناتها كل وحده نايمة بشكل *
………:بنات يلا قوموا ماشبعتوا نوم ماتستحون يلا قوموا
………: هو يمه شفييك تونا نايمين
………: وتردين بعد يا سارة يالله قوموا مين بسوي الفطور بعد وهذا حظك ياوضحىٰ شوفي تربيتك لبناتك بس
……..: طيب يمه حصل خير ماعليك منها خلاص بنقوم
وضحىٰ : هذا الكلام سنع يالله قوموا بسرعة .
وطلعت برا الغرفة **
سارة : مشاعل وشذا الكلام .
مشاعل: حرام عليك تخلينها تصارخ وانتي عارفة انه عندها ضغط هو
سارة : طيب طيب خلاص قومي خواتك يالله بروح الحمام ” كرمكم الله ”
مشاعل راحت تقوم خواتها وقاموا كلهم وتوضوا وصلو ولبسوا ونزلو يسون الفطور
وضحىٰ : يابو محمد !
سعود : نعم !!
وضحىٰ : في شي بخاطرك تاكله .
سعود : مشاعل قامت ؟
وضحىٰ : ايه قامت يابو محمد !
سعود : خلاص قولي لمشاعل ومشاعل تعرف وش تسوي !
وضحىٰ : بس يابو مح
قاطع كلامها بنظرة حادة لها
وضحىٰ : مايصير خاطرك الا طيب
وتوجهت للمطبخ عند بنات الي جالسين على الارض
وضحى : مشاعل
مشاعل : هلا يمه
وضحى: ابوك يبي فطور من ذوقك يمه
……….: وليش مشاعل بس
…………: اكيد يا هيا هذي حبيبة ابوها
……..: هو بنات معرفو ان مشاعل حبيبة ابونا
ومشاعل تسمع هذا كله وتضحك عليهم : هههه ليش حاسديني ياهيا واميرة وجمانة بسم الله علي بس
جمانة : على ايش ياحظي
اميرة : اسكتي بس لا يسمعك احد ويضحك عليك
وامهم تناظروهم وتضحك من جواها وتقول (يارب ياحبيبي وفق ذا البنات وعقلهم وزد حبهم لبعض يارب )؛ اوص بس والحين قوموا فزنن يالله .
وطلعت المطبخ وبعد عشر دقايق جهز الفطور وطلعوا كل العائلة على سفرة *
سعود : يامحمد .
محمد : سم يبه
سعود : اسمع اليوم بتجي بضاعة ابغاك تحرص عليها ياولدي .
محمد : ابشر
سعود : سلطان !
سلطان : سم يبه
سعود : كيف البعارين معاك ؟
سلطان : زينه زينه يبه بس
سعود ناظره بمعناه كمل !
سلطان : ماتوا خمس بعاريين امس!
سارة بنفسها ( استغفر الله بس ماتوا الله لايبلانه ندرس فيه من اليوم ولا يسمع )
وضحىٰ : شلون شلون ؟
سعود بغضب : شقاعد تخربط انت خلك تكون تمزح رقبتك بتنشال والله !
مشاعل : يبه ادحر الشيطان .
سعود ناظر بنت : لا اله الا الله بس شلون ياولدي يموتون .
سارة بنفسها ( يوه حت الاب بعد ستغفر الله بس ) *
محمد بحدة : سلطان كيف يصير كذا وانا مامنك عليهم .
سلطان : والله عارف بس في مرض انتشر عند الحيوانات حتى حمد بعد ماتوا ثلاثة من الخرفان صح حمد
حمد ارتبك :هاه ..ا.ا..اية صح
سعود : شقاعد تقولون انتم بتجلطوني انتم
وضحىٰ : الله ياخذكم من عيال بس
اميرة : حمد كيف صار كذا
مشاعل : قول ياحمد شصاير للبضاعة
حمد : يبه هذا مرض خطير يموت الحيوانات يبه
وصار عندنا 8 حيوانات ماتت من هذا المرض يبه
سعود : طيب جبت الطبيب ليشوفهن
سلطان : لا ماجبنا بس لقيت رجال حنا يعرف لمراض الحيوانات وقال ان هذا المرض اسمه .. ا.. شسمه ياربي … حمد شسمه المرض الي كتبته بيدك
حمد : ايه ايه ستنى يبه هذا اسمه مرض كيف تنطق ذي الكلمة سلطان قام وجاء عنده : ورني ..ح.. حم.. حمه
قاطعتهم ضحكت جمانه :هههه هههه ذا كبركم وما تعرفون تنطقونها هههه
سلطان : يالله قوليها يا شاطرة انتي
جمانة : جيبها اشوف ومسكتها وقرتها وقالت يبه
سعود : نعم هاه عرفتي الكلمة ولا زي خوانك
جمانه : لا عرفته يبه هو بس ( مرض حمى القلاعية )
سعود : اجل بخلي سالم يهتم للمرض هذا
هيا : الله يعافيهم ولا يبلانا بس
سالم : ابشر يبه مايصير خاطرك الا طيب
وضحى : هو حمدان ياولدي شفيك ماتاكل ؟
سارة : لايكون ماعجبك الاكل ياحظي
حمدان : اعقلي لااكوفنك هني لايمه بس تعبان شوي
مشاعل : سلامات ياخوي
سعود : ايييه شبعنا يعطيكم العافية يالله بروح انا تامرون على شي
الكل قال لا وكل واحد فيهم راح لشغله
راحت لغرفتها صلت لها ركعتين تهدي فيهم وجلست بسريرها جتها اختها : مشاعل شفيك حزينة
مشاعل : مافيني شي ياقلبي
دخلت عليهم هيا وقالت بنات شوفو الجريدة اخ بس ياليتنا اغنياء كان لبسنا الي نبيه ساعات ولبس وجوالات زي ناس والعالم اخ بس
جت جمانة : ليش وش شايفتنا
اميرة : اي والله صادقة اختي شفيك ترى عندنا جوالات وعندنا لبس وساعات
سارة : اي والله صادقين شفينا
هيا : هو هو كلتوني مافينا شي عندنا لبس بس كله طويل عندنا تنانير طويلة وبلايز طويلة وعندنا خمس ساعات كل وحدة وحدة ولا ساعة بعد جلد بني وجوالات لااحد يسمعكم بس جوال كشاف ومافيه رصيد بعد
مشاعل اقتنعت بعد بكلام اختها : صح صادقة انا معك بس ايش بيدنا نسوى يقول ابوي اذا ربحنا كثير بنطلع بيت جديد برى القرية
هيا : ايه ان شالله
وقعدوا يسولفون
نروح لبو محمد * سعود *: هلا والله هلا
…….: هلا فيك يا سعود كيف البضاعة معاك
سعود : ماعليها بس بقولك
………: تفضل اسمعك
سعود : توفوا 5 حيوانات من عندنا
……….: ليش
سعود : في مرض منتشر اسمه ( مرض حمى القلاعية )
………: اها طيب بجيب دكتور لكم لقريتكم ان شالله بكرى يوصلكم
سعود : خيرك كثير يابو تركي
………: هههه ماقصرت تعال ماقلتلك نادني فهد
سعود : شدعوة ترانا كبار مب شباب
فهد : تونا يا ياخوي بعز شبابنا هاه نادني فهد احسن
سعود : ان شالله يا فهد
فهد : يالله فمان الله
ولتفت لزوجته الي مادت له القهوة
فهد : مشكورة يا دلال
دلال : العفو يابو تركي ايه ما قلت لي كيف البضاعة مع الرجال
فهد : ماعليها بس يقول ان توفوا 8 حيوانات علشان مرض انتشر بينهم
دلال : هذا يعني بيتوفون كلهم ؟
فهد تنهد : مادري يا دلال خليها على الله بس
دلال: فهد .. ليش ماتشغل غيرهم .. تعطيهم ناس تهتم مو نفس هذول ما يهمهم الا الفلوس .؟
فهد: شتقولين انتي لا مستحيل .. اطردهم مستحيل
دلال : ليش هذول ناس ما يستحون لو انهم يستحون كلن اهتموا بالحيوانات زين ماهمهم الا الفلوس
فهد : ستغفر الله بس ماتسحين تقولين ذا الكلام ,, انتي ماهمك الا الفلوس,, انا مامنهم مستحيل اثق بغير ابو محمد لاسلمه البضاعة
دلال : ايه هين هذا وجهي اذا مافلسوك ياف
ماكملت كلامها الا ابو محمد قام وطلع من البيت
اعرفك بعائلة ابو تركي :
لاب فهد : طيب وحنون والكل يحبه وقراراته هي الي تمشي يحب بناته وعياله غني مره ما يهمه المظاهر وعمره ” 49″
لام : دلال : تكره الفقر اهم شي عندها الفلوس متكبرة وتحب بناتها وعيالها عمرها ” 45″
~~~~~
فمكان ثاني بعيدة عن هذي لاجواء بداخل قرية صغيرة هادئة ومريحة سعود : هلا والله هلا بخوي
…..: يا هلا فيك يا سعود .. شخبارك شخبار العيال
سعود : الحمد الله كلنا بخير وسلامة ,انت يا غانم شخبارك طمني عنك
غانم : والله بخير بس البنات تعرفهم طاقتهم الوله لبناتك
سعود : مايكون خاطرهم الا طيب.. ويطق صدره : لعشا عندنا اليوم
غانم : ان شالله كنت ناوي اكلمك فموضوع مهم ان شالله اليوم اكلمك فيه
سعود : ان شالله
سلام عليه غانم وتوجه كل واحد فيهم لبيته
دخل بيته ومبسوط حيل لقى زوجته جالسة وعندها بناته
غانم : سلام عليكم
الكل : وعليكم سلام
……..: هات فنجالك يابو يوسف
غانم : تفضلي ايه اليوم لعشا عند اخوي ابو محمد
…….: صدق يبه
غانم : ايه يا اصايل
…….: يبه تكفى نبي ننام عندهم
…….: ايه يبه تكفى والله ولهانة عليهم
غانم : خلاص يا موضي ومضاوي مايصير خاطركم الا طيب
…….: الله يطولنا فعمرك يايبه
غانم ابتسم على كلام بنته …..: يابو يوسف شخبار اختي
غانم : بخير يا فوزية بخير
فوزية : ان شالله ولتفتت لبنتها : مناير يمه جيبي المنديل
مناير : ان شالله
موضي : استاذن بروح اتجهز
مضاوي : يمه تبيني اسوي شي لروحة
فوزية : ايه يا بنتي سوي شاهي وقهوة
اصايل : طيب يمه بقوم اساعدها وقاموا مضاوي واصايل
جت مناير وجلست ومدت المناديل لمها
مناير : متحمسة اروح علشان اشوف مشاعل
دخل عليهم وفز قلبه من جابو اسمها
غانم : هههه ان شالله تشوفينها اليوم
مناير ابتسمت ومرت ساعات

تعريف بعائلة غانم
الاب غانم : طيب وحنون وقوي ورئيس قبيلة مع اخوه
يحب بنته ( مناير ) مره وعمره “53”
لام فوزية : طيبة وحنونة تكره التكبر ماتحب الي يعاندها وتخوف
عمرها ” 52 ” اخت وضحى
~~~~~
وجاء وقت صلاة المغرب ونتهت صلاة المغرب
وجاء ابو يوسف علشان ياخذ البنات
……: يبه وين بروح ؟
غانم : بنروح لبيت ابو محمد يا حامد !
……: طيب متى بنرجع ؟؟
غانم : هوهو تونا مارحنا علشان نرجع يا صقر !
صقر : يبه ماحب اروح هناك بجلس بالبيت
غانم بعصبيه : شتقول انت !! اذا سمعنك مره ثانية قايل كذا دفنتك هنا
صقر : اسف يبه !
حامد :يبه
غانم : نعم !
حامد : وين يوسف ؟
غانم : مادري ياولدي اخر مره شفته كان جالس معي يشرب شاهي العصر
دخل عليهم : سلام عليكم
حامد وصقر : وعليكم سلام
يوسف : هاه يبه جاهزين نروح
غانم : ايه .. صقر
صقر : سم يبه !؟
غانم : رح ناد خواتك يالله تاخرنا
صقر : نشا لله وراح
جاء ودخل عليهم : سلام عليكم يالله يبه تاخرنا ترى
غانم : عارف يا منصور يالله مشينا
ومشوا عائلة غانم مشي لان بيت سعود قريب من بيتهم
……: “( اخخخ ياقلبي اخيرا بتشوفها مشتاق لك القلب يا …….)”
هذي نهاية الباريت اعزائي والحي بعرف كل اولاد وبنات عائلة سعود وغانم :-
عائلة سعود :
الاولاد :
محمد : شاب قوي يد ابوه اليمنى عصبي بس حنون من الداخل
جميل جدا ملامحه ملامح بدوا وجسم متناسق مع شكله وعمره ” 30 ”
حمدان : شاب جميل طيب وهادئ خفيف دم الكل يحبه يحب يتهاوش مع اخته سارة كل يوم وعمره ” 28 ”
سلطان : شاب مملوح خفيف دم يحب اخوانه حمد وسالم وذكي جدا عمره ” 17 ”
حمد : شاب جميل و غبي وخفيف دم مايحب التكبر يموت على شي اسمه فلوس وعمره “15”
سالم : شاب جميل جدا خفيف دم مايحب الزعل يحب اخوانه ويحب اخته مشاعل واميرة وعمره “15 ”
البنات :
مشاعل : بنت جميله جميلة جد ا طويلة سمرا شوي عيونها كبار لونها بني فاتح ورموشها كثيفة وشعرها بني غامق طويل الى اخر ظهرها جسمها خيال متناسق مع شكلها طيبه حيل تحب ابوها مره وغالية عليه حنونة على خواتها ذكي وخوافة شوي عمرها ” 27″
سارة : بنت جميلة قصيرة شوي سمرا عيونها سود شعرها الى نص ظهرها عيونها صغار ورموشها كثيفة جسمها مليان شوي تحب تتهاوش مع حمدان خفيفة دم شوي “22”
هيا : مملوحة جدا عنيدة طويلة بيضة شوي شعرها الى كتفها بني فاتح وعيونها سود عيونها كبار ورموشها قليله تحب تصارخ تحب تكون غنية عمرها ” 16 ” .
جمانة : بنت جميلة دبة شوي شعرها لرقبتها اسود وهي بيضة شوي عيونها سود وعيونها كبار ورموشها كثيفة قريبه من سلطان وحمد عمرها “20 ”
اميرة : طيب حيل وذكية سمرا شعرها الى اخر ظهرها مموج لونه اسود وعيونها بني غامق عيونها صغار ورموشها كثيفة توافق جمانه على كل شي عمرها “25 ”
عائلة غانم :
الاولاد :
يوسف : شاب مملوح عصبي مايحب الدلع ملامحه ملامح حادة ذكي
ماعندة لف ولا دوران وقوي عمره “29 ”
منصور : شاب قوي ملامحه حادة بارد مايحركه شعره يحب المسدسات وعمره ” 26″
حامد : مملوح جدا ذكي حبوب يخاف من يوسف وعمره ” 25″
صقر : جميل خفيف دم مايحب يروح بيت عمة ” عقدته ”
خواف وعمره ” 18 ”
البنات:
مناير : جميلة سمرا شوي شعرها قصير الى رقبتها لونه اسود عيونها سود وكبار ورموشها كثيفة وتحب مشاعل وتفهمها وطيبه وذكية وعمرها ” 28 ”
اصايل : مملوحة ملامحها حادة طويلة ودبة شوي وشعرها طويل الى نص ظهرها لونه بني غامق وعيونها سود وصغيرة ورموشها قليلة وتحب اميرة وعمرها “26 ”
مضاوي : حبوبه عنيدة وخفيفة دم قصير ونحيفة وشعرها الى رقبتها ولونه اسود وعيونها بني فاتح وعيونها كبار ورموشها قليله وتحب جمانه وسارة وعمرها “21”
موضي : جميلة وعنيدة توام هيا بس دبة شوي وبيضة شوي وشعرها الى كتفها ولونه اسود وعيونها لونها اسود وصغار ورموشها قليلة وعمرها” 16 ”
وهذا نهاية التعريف والحين هذي اسئلة بسيطة لكم ابغاكم تجاوبوا عليها :-
1/ كيف رائيكم بالباريت ؟
2/ اكمل او لا ؟
2/ كيف لقيتو الشخصيات ؟
3/”( اخخخ ياقلبي اخيرا بتشوفها مشتاق لك القلب يا …….)” مين الي تكلم؟ ومن مشتاق قلبه لها؟
( واذا لقيت تفاعل ان شالله بكرى او الحين اذا امداني انزل الباريت الثاني )
شكرا لكم اعزائي

• روايه تزوجتها
• رواية تزوجتها غصب عنها
• رواية تزوجتها طفلةالحلقة37
• رواية غصب
• رواية مشاعل وصقر