نبدا بسم الله المقادير
نصف كيلو دقيق تورته جاهز من العطار
6 بيض
نصف كوب ماء
معلقه كبيره محسن كيك
2كوب كريمه باودر
2كوب لبن
نص كيلو فراوله
جوز هند
باكوجيلى فراوله
شربات خفيف او اى عصير متوفر هنسقى بيه الكيك
الطريقه
نحط البيض والمحسن والدقيق كله مع بعضه
ونضربهم معى بعض لمدة عشر دقايق
نخفق البيض كويس جدا فى بالمضرب الكهربائى ومعه نصف كميه الماء والمحسن لغايه ما يبقى لونه فاتح
نضيف الدقيق بالتدريج ونقلب من تحت لفوق بمعلقه خشب وباقى كمية الماء ونخفقه بالمضرب لمدة عشر دقايق تانى
نكون مجهزين الفرن على درجه حراره 180 ..
ومجهزين الصنيه مقاس 26 مدهونه بالزبده ومرشوشه بالدقيق
ويصب فيها الخليط
ونحطه فى الفرن لمدة 40 دقيقه
ممنوووووووووووووووع منعا باتا فتح الفرن قبل 30 دقيقه ممكن تراقبيها من ورا ازاز الفرن
هتطلع معانا بعد التسويه كيك هايله
بنسيبها طبعا تبرد لتانى يوم افضل حاجه … او ممكن نشتغل بيها ممكن بعد ساعتين
انا قسمتها 3 طبقات
ونكون محضرين شربات خفيف بارد عباره عن نصف كوب سكر ونصف كوب ميا ويغلو لمدة عشر دقايق
ونسقى بيهم الكيكه كويس
كده
ونبتدى التزيين بالكريمه
بعد مانكون عملناها وحطيناها فى التلاجه لسهوله التزيين
لكل كوب كريمه باودر كوب الا ربع لبن ساقع ونضربها بالمضرب لحد ماتعترف
نضيف الكريمه
نخلص التلت طبقات ونغلف الكيك كله من بره بالكريمه كده
وندخلها التلاجه شويه ربع ساعه
ونعمل على الاجناب وردات بالكريمه كده وندخلها تانى لحد مانقطع الفراوله
نقطع الفراوله شرائح كده ونكون مختارين حبات الفراوله الكبيره اللى لونها حلو كده واحمر
ونكمل كل التورتايه كده
وبعدين نبتدى نلزق الاطراف بجوز الهند اظن مفيش اسهل من كده
ونعمل معلقه وحده من الجيلى على معلقة ميه ونسيبهم يبردوا مش سخنين
يهدوا بس يادوب ونلمع بيهم الفراوله
