ساعات اجلس لحالي اقعد فيها افكر.. اتذكر اشياء كثيرة كنت فيها معاك مقصر.. اتندم على كل لحظة ذرفت فيها عشاني الدمعة علقت فيني املك كنت في ايدي بدربي الشمعة .. :روان ….روان….روان….روان ردي علي
سمعت صوت روان وكانها شوي وبتصطرني: نعععععععععععععععععععم …وش تبين اقلقتيني…روان روان.. خير؟…
قلت:خير وش قلة الادب هذي ما تعرفين تكلمين بنت خالتك زين؟..
روان:سارة …منيب فاضيتلك… خلصي وش عندك ابي انوم..
سارة:تكفين لا تنومين….ابي اسولف معك…طفشت..
روان:لا والله…. تنكتين….ابي انوم…تعرفين اني رايحة المدرسة مواصلة من امس…
سارة:روان لا تكونين سخيفة ابي اسولف وما عندي من يسولف معي… امي في المركز ..وعبد الرحمن في الشركة..وسلمان في النادي….وفهده وجوري ما عندهم الا الطقاق..
ثم سمعت شخيرها وكانها سفهتني…. بس ما سكت لها ورجعت قومتها: روان …رواااااااااان..
روان: ابي انووووووووووووووم… روحي دقي على حبيب القلب اكيد قايم..
سارة: يووووووووووووووه… سخيفة..
وطلعت وسكرت الباب وراي بالقوة عشان ازعجها…. بس قوية ما خلتها لي ردت من ورا الباب: شوي شوي بتكسرين الباب ….وجععععععع..
مشيت ورحت للصالة ولقيت فهده تركظ وجوري وراها…توزت فهده وراي وهي تقول: سارة شوفي جوري تبي تظربني…
جوري: والله….هي كل يوم تناظر هذا الفلم وانا ابي سبيستون..
سارة: فهده حطيلها سبيستون..
فهده: ما ابي انا قعدت واخذت الريموت قبلها… هي بس تشوفني متابعة (كده رضا) تبي تغيره..
سارة: يا الله شفتيه ميت مرة..
ثم نقزت جوري تضرب فهده بس لحقتها ومسكتها وقلت: خلاص والا ترى والله لاعلم امي..
جوري: علميها.. وبطقها يعني بطقها..
رحت لفهده ومسكتها ووجهت كلامي لجوري: تبين تطقينها…يا ويلك انا اللي باظربك مو امي ولا عبد الرحمن ….انا باظربك سمعتي والا لا…
طيرت عيوني لما طلعت لسانها لي وطلعت من الصالة… وخرت عني فهده وطلعت غرفتها… مسكينة فهده اكبر من جوري وما تبي تصيحها او تضربها والله ان قلبها طيب وكبير..
قعدت اقلب في القنوات وشفت الساعة لقيتها ثنتين الظهر.. التفت لما لنفتح الباب ودخل ابوي… وقفت احتراما له… وسلمت عليه وحبيت راسه ويده… ثم سال: وين اهل البيت؟
سارة: امي عند الجيران.. وعبدالرحمن في العمل… وسلمان في النادي… وروان نايمة..
ابو عبد الرحمن: والقطاوة [قصده فهده وجوري] ضحكت ثم قلت: تناقروا ثم كل وحده راحت غرفتها..
ابو عبد الرحمن: انا طالع الغرفة… اذا جت امك ناديني..
سارة: انشاء الله يبه..
ناظرته بعيوني وهو يمشي لما وصل اللفت وتسكر الباب… قمت من مكاني ورحت للمطبخ وسالت الطباخة: وش سويتي اليوم يا شيرل..
شيرل: ماما قول سوي مصقعة ورز اخمر وتبوله وشوربة زرة..
ناظرتها مستغربه وسالتها بعجب: شوربة زرة؟؟!!!
شيرل: ايوة …هادا صقير صقير اصفر لون..
سارة[توني استوعب وش قالت]: ايه قصدك ذرة.. طيب..
رحت ومسكت كتاب الكيك… واخترت احلى كيك عندي… وهو بالشوكولاته… كم مرة سويته…كثير… اذا حطيته يعرفون اني انا اللي مسويته… يحليلهم ولانه بالشوكولاته ما يكثرون ويبقى منه… بس انا اكله كله… ينزلون اليوم الثاني يبون كيك بس ما يحصلونه يلقونه مخلص…
بعد ما خلص دخلت الكيكة الفرن وشفت الساعة صارت ثلاث العصر… دخلت علي امي في المطبخ وشكلها توها واصله لان عليها عبايتها…
سارة: هلا يمه…[ورحت حبيت راسها ويدها] سالتها: وشلون ام محمد؟
وجدان: بخير… وتسلم عليك انتي بالذات…
سارة: الله يسلمها…[ اخذت منها العبايه] وجدان: كيف اختبارك اليوم في المدرسة؟.
سارة: ما عليه زين مرة..
وجدان: واختك..
سارة: تقول خبصت شوي..
وجدان: يا ربيه من هالبنت… ما تذاكر وتزعل اذا نقصت درجاتها… والله لو اني استاذتها لاعطيها صفر على هالمذاكرة اللي زي وجهها… واعطيها ميتين من مية على ذا النوم اللي تنومه…
سارة: لا يمه… حرام عليك انا مذاكرة لها… بس اسئلة الاستاذة هذي بالذات تلخبط..
وجدان: وينها الحين..
سارة: نايمة… [قلت بغير الموضوع عشان ما تعصب على روان] على فكرة يمه ابوي فوق ويبي يكلمك… بروح اناديه…
وجدان: طيب وروحي صحي خواتك… من بكرة ما عد فيه نوم العصر… ما غير صايرين خاملين… عوديهم يصيرون مثلك نشيطين..
سارة: الاجسام تختلف.. وبعدين اذا مدحتيني اكثر من كذا اكيد بيكبر راسي ومعدنيب داخله من الباب…
تركت امي تضحك وطلعت من المطبخ وصعدت لجناح امي وابوي وطقيت الباب.. بس محد رد.. ورجعت وطقيت الباب مرة ثانية… وش السالفة… ما فيه جواب… فتحت الباب شوي شوي… شفت المقعد فاضي… دخلت غرفة الملابس وعلقت عباية امي على الاستاند…ثم طقيت باب الغرفة… ابتسمت لما سمعت صوت ابوي من ورا الباب وقال: ادخلي يا سارة..
فتحت الباب وطليت منه وقلت: وشلون عرفت انه انا؟؟ [لقيته قاعد على السرير] ابو عبد الرحمن: طقتك للباب مميزة..
سالته: ازعجتك؟؟!
ابو عبد الرحمن: لا يا حبيبي… انتي بالذات ما تزعجيني…
دخلت وقربت منه وقعدت على طرف السرير ثم قلت: امي توها راجعة… وهي تحت..
ابو عبدالرحمن[سالني]:جوعانة؟؟
سارة: بموت من الجوع…انا اصلا متى اشبع… دائما جوعانة..
ابو عبدالرحمن: وهذا المطبخ عندك…كلي لما تشبعين…بس شوي شوي…لا تصيرين مثل اختك…مرة تنحف ومرتين تسمن..
سارة:هههههههههه…حرام عليك…هي تحاول تعدل اكلها…بس تجيها اوقات تشتهي كل شي..
ابو عبدالرحمن: مو اوقات ..كل وقت تشتهي تاكل…طيب..قولي للشغالات يحطون الغدا وانا بنزل بعدك..
وطلعت وسكرت الباب وراي وتوجهت للصالة واخذت التليفون ودقيت على المطبخ: شاريل قولي لصوفيا وسنتيا يحطون الغدا..
شاريل: تيب..
ثم رحت لغرفتي اللي نايمة فيها روان… بس لتفت لما انفتح اللفت وطلع عبدالرحمن منه..
قال: السلام..
سارة:وعليكم السلام..
عبدالرحمن: البيت هادي… وين الثنائي المرح..
سارة: ههههه… حرام عليكم كل واحد يرمي كلمة عليهم… انت الثنائي المرح وابوي القطاوة..
عبدالرحمن: هذا اللي يناسب لهم…[ثم ابتسم وسالني]:خلصتوا الفساتين لزواج ملاك..
سارة[استغربت من سؤاله]:لا …باقيلنا كثير..
عبدالرحمن:ودي اشوفكم بعد هالرجه اللي مسوينها وش بتطلعون به..
سارة: وش بنطلع به يعني؟؟!
عبدالرحمن: اخاف اخرتها بتروحون ببجايمكم!
سارة: لا عاد مو لهالدرجة..
عبدالرحمن: خلينا من هالموضوع..متى بتحطون الغدا…انا جوعاااااااااااااااااان مرة..
سارة: الحين بقوم البنات وانزل…الا نسيت اسالك سلمان جاي معاك…
عبدالرحمن: لا…مع السواق..كانوا وراي بس وقفوا عند البقال وتعديتهم…تلقينهم وصلوا الحين..
سارة:لان دفتره نساه معي..مدري وش سوى اليوم في المدرسة..
مارد علي راح لجناحه وسكر الباب وراه…وقفت في نص الصالة…واحترت ادخل على مين اول… ادخل على الصغار اول ثم اتفرغ لصاحبة السبات الشتوي..[اقصد روان] دخلت على فهده ولقيتها معطيتني ظهرها وجالسه على الارض… شفت الحوسة اللي بالغرفة …حوسة وكان اعصار صايب المكان… هذا وهي بلحالها… اجل لو جوري معاها وش بتسوي اكيد الغرفة بتنقلب زبالة… وقفت قدامها وتكتفت… لقيتها ماسكة المقص وتقص صور شخصيات ديزني من المجلة…
سارة: وش هالحوسة اللي انتي قاعدة فيها؟..
رفعت راسها وناظرتني ببرود… ثم رجعت نزلت راسها وكملت..
سارة: فهده…ليش الغرفة كذا؟..
تنهدت وقالت: بعدين سنتيا بتنظفها..
سارة: وبس…هاذي شغلتنا تحوسين وننظف وراك..
فهده: مين بينظف …انتي والا الشغالة..
استغربت من ردها لي بهالطريقة… بس ما حاولت اني اخذ واعطي معها في الكلام اكثر فقلت: طيب انزلي الغدا محطوط…
رفعت راسها ثم قالت: ما ابي اكل غدا..
سارة: ليش؟..
فهده: ما اشتهي..
سارة: انتي ما اكلتي شي من رجعتي من المدرسة…وبعدين ابوي يبغى الكل ينزل تحت حتى لو ما اكلتي…اقعدي على السفرة..
فهده:طيب…باخلص هذي المجلة وانزل..
طلعت من الغرفة وخليت الباب مفتوح ..رجعت ناظرتها بعدين كملت طريقي وفتحت غرفة جوري اللي مواجهة لغرفة فهده ولقيتها مرتبة…درت بعيوني وشفت جوري على السرير نايمة..رحمتها وقربت منها ومسكت يدها وهزيتها على خفيف…على طول قامت مرتاعة..
جوري:هاه هاه هاه…وش فيه؟..
ضميتها بسرعة وقلت: جوري لا تخافين انا سارة…[سالتها]روعتك؟..
جوري:حسبت احد روعني..
سارة:ههههههه..بسم الله عليك…يالله قومي الغدا…غسلي وجهك ويدك وانزلي تحت..
جوري: ابي انوم..
سارة: تبين امي تقول عليك ام النوم مثل روان..
جوري: لاء..
سارة: اجل..يالله قومي..
وقمت من عندها وسكرت الباب…وناظرت بعيوني غرفتي…اكيد لازم اسوي حرب عشان الهانم تقوم… مسكت الباب وقربت اذني منه…ما فيه صوت…الله يعيني.. فتحت الباب ودخلت بسرعة وطبيت فوق السرير بقوة عشان تقوم… وقفت مرة ثانية وفتحت النور وقعدت انطط فوق السرير.. واصارخ بصوت عالي:هيه يااااااااااااااااااااااااااااااا الله ياااااااااااااااااااااااااا روااااااااااااااااااااااااااااااان قوووووووووووووووووووووومييييييييييييييييييي الغداااااااااااااااااااااااااااا بسرررررررررررررررررررررررعة..
شالت الغطا من على وجهها وقالت بعصبية: سارة يا حماره… انتي ما تخلين احد يتهنى في نومه…
سارة: يالله قومي الغدا والكل موجود..
روان: خلاص انزلي وانا بالحقك..
[معقولة روان قامت على طول… ما اصدق] طلعت من الغرفة وتعمدت اخلي الباب مفتوح… ونزلت شفتهم مجتمعين على السفرة ..قعدت في مكاني جنب امي وقدامي سلمان اللي ابتسم لي..
سالته: وش فيك؟..
سلمان: وش فيني؟..
سارة: مبسوط..
سلمان:ابدا… اسديتي لي خدمه وانت ما تدرين..
سارة: والله…زين وش هي الخدمة اللي جتك من وراي وانا ما ادري..اللي اعرفه ان خدماتي ما تطلع الا بمعرفتي وشوري..
الكل:هههههههههه..
سلمان: بعدين..[قام وتقرب مني] فيه ناس كبار ما ابيهم يسمعون..
سارة:يعني شي غلط..
سلمان: لا..تعرفين انه ما همني احد…بس اخاف يرتفع عليهم الضغط والا السكر اروح انا في ستين داهية..
سارة: اجل خل كلامنا بعدين..[وغمزت له] عبدالرحمن: وش قلة الادب هذي…تتساسرون واحنا قاعدين..
ناظرت سلمان اللي بدورة ناظرني ولف الجهة الثانية… جت جوري وقعدت قريب مني وانا عيني على كرسي روان اللي ما بعد شرفت..
ابو عبد الرحمن: سارة..
سارة: نعم يبه..
ابو عبدالرحمن: انتي صحيتي روان..
سارة:ايه وقالت انها بتنزل الحين[وينك يا روان…انا قايله ان قومتها بسرعة هذي وراها ان]..
ابو عبدالرحمن: روحي ناديها مرة ثانية..
سارة: طيب..
طلعت الدرج وتوجهت للغرفة وشفت الباب مسكر.. انا تاركه الباب مفتوح..مسكت الباب وفتحته…شهقت..الباب مو راضي ينفتح..الحلوة مقفلة الباب من جوا..
ناديتها: روان…روان….افتحي الباب….بلا سخافة….روان…روان….قومي ….يالله عاد..
- صور نفسي زبلاه
