الكمية تكفي:8 اشخاصوقت التحضير:15 دقيقةوقت الطهي:10 دقائقالمقادير:المقادير:
250 جم شوكولاته خام (وياريت تكون غامقه وبلااااش اللي في السوبر ماركت هاتيها من عند الحلواني )
150جم زبده (يقارب ثمن كيلو)
6 ملاعق سكر كبيره
4 بيضات
4 ملاعق دقيق كبيره
فانليا التحضير:الشكولاته والزبده في حمام مائي لحد ماتسيح مع التقليب علشان الشكلاته ماتلزقش وتتحرق وخصوصا لو جيباها من عند البقال
2-نضرب البيض والسكر والفانليا بالمضرب لحد ماالسكر يدوب والبيض ينفش يعني تقريبا 10 دقايق وكل مانفش كل ماكان احسن
3-نضع الشكولاته الذائبه على البيض المضروب ونقلب من فوق لتحت بشويش عشان مانطلعش الهوا
4-نرش الدقيق على الخليط معلقه معلقه مع التقليب بشويش من فوق لتحت بعد وضع كل معلقه
5- ندهن القوالب اللي هنحط فيها المقدار بالزبده ونبطنه بالدقيق كويس (المقدار ده يعمل خمس قوالب من بتوع الكريم كراميل)الطبخ: نسخن الفرن 5 دقايق على نار عاليه وبعد مايسخن نهدي النار الى درجة حرارة 200 ( درجة حرارة الكيك عشان كل فرن بيختلف عن التاني في حرارته)
7- ندخل القوالب الفرن لمدة 10 دقايق (وخلي بالك عشر دقايق بس تظبطيها بالثانيه)
8- نطلعها من الفرن ونسيبها خمس دقايق بره الفرن وبعدين نقلبها في طبق وتتقدم شبه سخنه يعني اسخن من الدافيه بشويه ولو بردت بتتحط في المايكرويف تسخن مع ان طعمها برده حلو وهيا بارده
ودي صور النتيجه
