قصة بنت كانت (تناظر واحد بعين قوية ) المهم الرجال طلع شاعر وما قصر كتب فيها كم بيت بين فيها جملة من محاسن الاخلاق وبعض الاداب التي يحسن بكل فتاة ان تتادب بها … ولكن الغريب ان القصة لم تخل من مفاجاة …!!! اترككم مع القصيدة لتكتشفوا مافيها …قال الشاعر :
★
★★
★
★★
★
كل شبر بهالوسعيه ملك ربي تعلمين
واعلم ان اللي خلقني هو خلق لك هالعيون
لكن انتي من جلستي وانتي فيني تحدقين
كن ما به ناس غيري بهالكراسي يجلسون
لو سمحتي عاد اسمعي وحتى لو ما تسمحين
المهم اللي بقوله تسمعينه و يسمعون
ع الاقل ليا نظرتك سوي روحك تستحين
غضي طرفك مثل غيرك خوف ربعي يلمحون
الركادة عاد زينة والحياء في البنت زين
وفيك جازم لا ركادة ولا حياء يذكرون
تعرفيني ؟! اعرفك ؟! مااذكر انا ملتقين
لا اعرفك من تكوني و لا تعرفي من اكون
واطماني ان كان قصدك بس فيني تشبهين
ما هو انا الي تعرفيه والبشر يتشابهون
ما دريتي من التشابه يخلق الله اربعين
واعرف اربع يشبهنك بس والله يستحون
وان كان قصدك شي ثاني عاد قولي وش تبين
خايف انا نصير فرجة واللي ماشتروا يتفرجون
واذا ببالك عاجبتني لا يحوشك تحلمين
صح ربعي من جمالك فيك صار يمدحون
بس وش لي في حلاتك دام فيها ترخصين
حشمة البنت وحياها والكرامة يلفتون
ولو توفر فيك هذا مع حلاتك تبشرين
ما هو انا الف غيري باب بيتك يطرقون
وش علامك رغم كل اللي اقوله وتسكتين
مو طبيعي هالسكوت وهالبرود وهالسكون
انتي خرسا اسالك ولا منتي تسمعين ؟؟
قالوا ربعي ذي كفيفة قلت لا لا تمزحون
لين شفتك يوم رحتي يمسكونك باليدين
ما دريت الا عيوني اربع اربع يذرفون
اه ياني منه مشهد يوم شفتك ترحلين
جيت اشوف عيون ربعي لقيت الكل يدمعون
قلت سنة هالحياة وحنا ترانا مؤمنين
الله اللي مسيرنا بين كاف وبين نون
وكل ابونا نختلف مع اننا من اصل طين
سبحان يلي مصورنا ولله في خلقه شؤون
يعني حنا كل ابونا عاد اسمنا بنادمين
وليا قضى ربك امر وقال له كن فيكون
فينا يلي رازقه خير رب العالمين
وفينا يلي هو لعطفه بحاجة القلب الحنون
وفينا يلي ما شكى من علة كالاخرين
صم و بكم و عمي فهم لا يفقهون
بس قليل عاد فينا للنعم هم شاكرين
والله يرزق هالخلايق من حيث هم لا يعلمون
وتدري عاد يالكفيفة حنا تراى متشابهين
وان ماانعمت ابصارنا قلوبنا هم اللي يعتمون
يالكفيفة يالعفيفة ان قلت اسف تقبلين ؟؟
يغفر الله ذنوب عبده ليا خطا وهل تغفرون ؟؟
- بيوت شعر في البنات قليلات الدب
- اشعار قلت ادب
- قصائد قلة ادب
- صور ابيات في الأدب
- شعر قلة الأدب
- شعر في قلة الادب
- شاعرة قلة الأدب
- اشعار قليله ادب
- اشعار قليلة ادب
- اشعار قلت ادب لي فهد
