(هنا كان اغمي عليها عشان هي عرفت ان بابا مات في حادثة عربيه علي الطريق وبعدين خالتها اخدتها علي المستشفي وهناك)
امينه:ها يادكتور هنا عامله ايه دلوقتي ارجوك تطمني عليها
الدكتور:هي عندها انهيار عصبي محتاجه وقت عشان تستوعب اللي حصل وان شاء الله هتبقي كويسه اديتها حقنه مهدئنه دلوقتي عن اذنك
امينه:اتفضل (تليفون هنا بيرن)
امينه:سلام عليكم
ريماس:وعليكم السلام هنا معايا؟؟
امينه:لا انا خالتها مين حضرتك
ريماس:انا ريماس عبد القادر…حضرتك اكيد عارفاني
امينه(اااااااه بنت صاحب عبد الرحمن(: اهلا يا بنتي طبعا عارفاكي هنا كلمتني عنك
ريماس:اهلا بيكي يا طنط ….هو في حاجه اصلي بكلم هنا من بدري مش بترد عليا خالص
امينه(بتبكي):عمك عبد الرحمن مات وهنا دلوقتي في المستشفي يابنتي عندها انهيار عصبي
ريماس:اييييييييييييييييه؟البقيه في حياتك ياطنط انا اسفه جدا والله انا هقول لبابا ونجيلكو علي طول مع السلامه
(وترجع امينه لاوضة هنا)
…………………………….
اما ريماس هقاعده تفكر ازاي هتبلغ باباها ان صاحبه مات وتروح عنده علي المكتب وتخبط(
عبد القادر:ادخل
ريماس:ازيك يابابا
عبد القادر:الحمد لله ازيك انتي يا حبيبتي
ريماس(مرتبكه):انا ت..ما..م
عبد القادر:مالك يابنتي بتلجلجي ليه في ايه؟؟
ريماس:هو حضرتك كلمت عمو عبد الرحمن انهرده
عبد القادر:بقالي كتييييير بكلمه مش بيرد….زانتي عارفه حاجه ومش عايزه تقوليلي يا رماس
ريماس:اصل….اصل عمو عبد الرحمن مات في حادثة عربيه
عبد القادر(وقع علي الكرسي بدا ياخد نفسه بصعوبه):اييييييييييه!!!انتي جبتي الكلام ده منين
ريماس:اصلي كنت بكلم هنا اطمن عليها وعرفت
عبد القادر:طيب انا هما فين
ريماس:هنا وخالتها في المستشفي عشان هنا عندها انهيار وكمان تقريبا باباها لسه هناك في المستشفي
عبد القادر:طيب طيب انا رايح علي المستشفي وخلي حازم وشريف يحصلوني وابقي تعالي انتي كمان عشان البنت
ريماس:حاضر يابابا بس علي مهلك ارجوك
عبد القادر:مش وقته خالص الكلام ده (وخرج عبد القادر وريماس اتصلت بحازم)
في مكتب حازم
حازم:الو ايو يا ريماس……….في ايه يابنتي مالك صوتك………ايه طيب طيب انا رايح حاااااالا …زلا لا هبعتلك شريف ياخدك سلام دلوقتي
شريف:في ايه يابني مالها ريماس
حازم:عمو عبد الرحمن مات وهنا في المستشفي عندها انهيار عصبي وبابا عايزنا هناك دلوقتي روح انت هات ريماس ونعالي علي المستشفي وانا هسبقكو
شريف:لا حول ولا قوة الا بالله طيب طيب
………………………….
نرجع تاني للمستشفي
هنا فاقت ولكن حالتها زي ما هي
هنا:انا عاااااااااااااااااايزه بابا هو مامتش حراااااااااام عليكو يا خالتو بس نفسي اشوفكو عششان خاطري ياخالتو لو بتحبيني ارجووووووووووكي
الدكتور:اداها حقنه تاني وراحت في النوم
خالتها قاعده جنبها تعيط علي حالها وهنا يدخل عبد القادر
عبد القادر:السلام عليكم …انا عبد القادر
امينه(تخرج برا الاوضه):اه اهلا بحضرتك
عبد القادر:البقاء لله….هنا عامله ايه دلوقتي
امينه:ونعم بالله….زي ماهي كل اما تفوق مفيش غير بابا علي لسانها
عبد القادر:ربنا يصبرها..عبد الرحمن كان اكتر من اخ
(وهنا يدخل حازم)
حازم:سلا عليكم
امينه وعبد القادر:وعليكم السلام
عبد القادر:ده حازم ابني ودي الحاجه امينه خالة هنا يا حازم
حازم:البقاء لله يا طنط
امينه:ونعم بالله يابني
عبد القادر:روح يا حازم خلص اجراءات خروج عمك عبد الرحمن من المستشفي عشان نعمل الدفنه ونخلص كل حاجه
حازم:حاضر يابابا
امينه:لالالالالا مفيش داعي انا كنت هعمل حاجه لولا بس الي هنا فيه هو اللي عطلني
عبد القادر:روح انت يا حازم………يا ست امينه هنا زي بنتي تمام وعبد الرحمن كان اخويا الله يرحمه…حضرتك خليكي جنب هنا واحنا نخلص كل حاجه
(ووصلت رنا صاحبة هنا وكمان وصل شريف وريماس وكان حازم خلص كل الاجراءات وخلص الدفن وصلاة الجنازه….وخالة هنا سابت المستشفي تلات ايام العز وكانت رنا وريماس بيبدلو مع بعض عشان يفضلو مع هنا اما هنا فكانت كل ما تصحي ترجع لحاة الانهيار وفضلت علي الحال ده اكترمن اسبوع…وبعدين رجعت من المستشفي علي البيت طبعا حابسه نفسها في اوضتها لا بتاكل ولا بتشرب……..لحد بعد وفاة باباها بشهرين هنا قاعده في اوضتها في بيت خالتها ماسكه صورة باباها بتكلمه)
هنا:وحشتني اووي يابابا وحشتني ضحكتك وحشتني كل حاجه فيك …..يارب وانفطرت في العياط
(تك تك تك(
هنا:ادخل
امينه:الجميل عامل ايه دلوقتي
هنا:الحمد لله يا خالتو تمام
امينه:طيب قومي يلا معايا عشان في ضيوف مستنياكي بره
هنا:ضيوف؟؟مين يا خالتو
امينه:ريماس اللي بتتصل بيكي وانتي مشش بتردي عليها خالص
هنا:حاضر يا خالتو جايه وراكي اهه
(وخرجت هنا لريماس)
ريماس:اهلا اهلا بالهانم التقلانه علينا
هنا:معلش ياريماس انا اسفه والله انتي عارفه اني كنت مخنوقه ومش عايزه اتكلم مع حد
ريماس:طيب ودلوقتي…علي فكره بقي انتي وحشتيني جدا
هنا:وانتي اكتر
ريماس:لو وحشتك بجد تنفذي اللي هقولك عليه دلوقتي
هنا:حاضر
ريماس:حلو اووي…بصي بقي ياستي الاستاذ عبد القادر شخصيا بيقولك انتي معزومه علي الغدا انهرده وه مفيهوش نقاش عشان انتي وحشتيه جدا
هنا:حاضر يا ستي عشان عمو عبد القادر وحشني اوي هو كمان …حاجه تانيه؟
ريماس:ثانيا البشمهندس حازم بيقول لحضرتك ان مكتبك مستنيك في الشركه لان الشركه متقدرش ترفض مهندسه شطره زيك
هنا(ابتسمت ابتسامه خفيفه):ده بقي يا ستي مقدرش اقولك ماشي عليه لاني قررت اني مشغلش اصلا
(امينه تدخل بصنية الحاجه الساقعه)ايه الكلام اللي بسمعه ده ياهنا
هنا:انا خلاص قررت يا خالتو..انا عارفه نفسي مش هقدر اشتغل تانب
امينه:وحلمك اللي انتي نفسك تحققيه وتخلي بابا فخر بيكي هتسبيه انا معرفش عنك كدا يا هنا
هنا:مبقتش قادره استحمل المشاكل خلاااااااااص تعبت
امينه:اولا ده قضاء وقدر وبعدين انتي وقعتي في مشاكل قبل كدا وعدتيها لوحدك من غير حتي عبد الرحمن اللله يرحمه مايعرف
هنا:بس يخالتو…
امينه:بس ايه ياهنا يا حبيبتي الشغل ده عشانك وعشان كمان تشغلي نفسك بحاجه ولا انتي بقي مش مؤمنه انا ربنا هيسهلك امورك ويعينك علي مصيبتك
هنا:لا طبعا مؤمنه….حاضر ياخالتو خلاص ياريماس انا موافقه بس هصلي صلاة استخاره الاول واللي فيه الخير يقدمه ربنا
ريماس:هو ده الكلام يلا بقي ادخلي البسي عشان مش نتاخر علي بابا
هنا:حاضر
امنيه:خلي بالك منها يا ريماس عشان خاطري
ريماس:دي في عنيا ياطنط بس انا كنت عايزه من حضرتك طلب كده
امينه:اه طبعا اتفضلي
ريماس:ممكن هنا تبيت عندي انهرده بدل ماهي حابسه نفسها في البيت كده؟؟
امينه:ياريت والله ياحبيبتي بس هي ترضي
ريماس:سيبي الموضوع ده عليا يا طنط
(انا جاهزه ياريماس يلا)
ريماس:يلا يا هنا
هنا:مش عايزه حاجه ياخالتو
امينه:لا يا حبيبتي خلي بالك من نفسك
لا اله الا الله
هنا:محمد رسول الله
*********************
راحت هنا مع ريماس البيت وهناك كان في طبعا والد رناس وحازم وشريف
عبد القادر:اهلا اهلا بالقمر كده متساليش عليا ولا مره
هنا:ازيك حضرتك يا عمو معلش والله انا اصلا مش بخرج بقالي فتره وحضرتك عارف
عبد القادر:خلاص هسامحك المره دي بس اخر مره تتاخري علينا بالشكل ده انتي بتوحشيني
هنا:حاضر من عنيا
حازم(جه من بعيد لانه حب يسلم عليها ويعتذرها طبعا عن اللي عمله معاها قبل ماباباها يتوفي):السلام عليكم ازيك يا انسه هنا نورتينا
هنا(هما غيروه ولا ايه ده بيضحك سبحان الله):اهلا استاذ حازم بنورك
حازم:انا كنت عايز حضرتك في كلمتين بعد الغدا ممكن؟
هنا(وكمان حضرتك لا بجد دول اكيد غيروه):اه طبعا
(ودخل شريف طبعا بيهزر كالعاده)
شريف:بجد انا زعلان منك ازاي متساليش هو انا موحشتكيش ههههههههه
هنا(بتضحك):لا ازاي ؟ردي يا ريماس!!
ريماس:لا ماهو عارف عقابه ايه مش كده يا اخ شريف ولا تحب تنضرب
شريف:يا حبيبتي بهزر هو في حد بيوحشني غيرك؟معلش بقي يا هنا انا مش مستغني عن عمري
(ضحكو كلهم وبعدين راحو يتغدو وبعد الغدا طبعا هنا هتموت وتعرف حازم كان عايزها في ايه)
هنا:استاذ حازم حضرتك كنت عايز مني حاجه؟
حازم:ايوه ياريت بس كلمتين علي جنب مش هاخد من وتك 5 دقايق
هنا:طيب عن اذنكو
عبد القادر وريماس وشريف:اتفضلو
حازم:انسه هنا اولا البقاء لله انا كنت اعرف عمو عبد الرحمن من قبل ما اشوفك واد ايه هو كان راجل محترم
هنا(عنيها بدات تدمع):ونعم بالله متشكره
حازم:ثانيا وده الاهم انا اسف علي الطريقه اللي كلمتك بيها من اول ماعرفتك وطبعا موضوع الانترفيو ده كان رخامه مني مش اكتر لكن انتي مكتبك موجود ومستنيكي في اي وقت
هنا(انا هتجنن هو ده الكائن البارد اللي كنت بتعامل معاه من شهرين مستحيل):………..ال
حازم:انسه هنا انتي معايا
هنا:ها!!ايوه معاك…حصل خير بس موضوع الشغل ده انا محتاجه افكر فيه شويه وبعدين هبقي ارد عليك
حازم(يعني انا غلطان اني اعتذرت ده انتي المفروض تبوسي ايدك وش وضهر عشان انا قبلت اشغل بنت تحت ايدي):اه طبعا براحتك
هنا:طيب عن اذنك بقي
(وراحت عند ريماس وباباها وشريف عشان تسلم عليهم)
هنا:معلش يا جماعه بقي انا همشي عشان متاخرش علي البيت وخالتو ممكن تقلق عليا
ريماس:تروحي فين ياماما انتي هتباتي معايا انهرده ومفيش نقاش
هنا:لا معلش مش هينفع
ريماس:يعني يصح تكسفيني في اول طلب اطلبه منك ماشي انا بجد زعلانه منك
هنا:ياريماس يا حبيبتي متزعليش بس انا والله مينفعش اسيب خالتو لوحدها مانتي عارفه
ريماس:ملكيش دعوه بخالتو انا قولتلها وهي موافقه وبجد بجد هزعل منك لو مش وافقتي
هنا(بنفاذ صبر):طيب طيب خلاص يا هبله بس معلش اكلم خالتو الاول برده
ريماس:بجد انا فرحانه اوي مرسي يا هنون…روحي كلميها
(وراحت هنا عشان تكلم خالتها ورجع حازم عشان يقعد معاهم)
حازم:هو في ايه مالم يا ريمو فرحانه كدا ليه؟؟
ريماس:اصل هنا وافقت تبيت معايا وانت عارف انها محتاجه تغير جو وكمان اول مره واحده صحبتي تقعد معايا تعرف انا بحب هنا دي قوي معتبراها زي اختي بالظبط
حازم(هتبيت معانا وفي بيت واحد لالالا انا مش هقدر ):اه طيب كويس بصي بقي انا هروح عند شريف انهرده عشان تبقو براحتكو
ريماس:اه طيب براحتك هو انت للدرجادي مش بتحب هنا يا حازم
عبد القادر:ريمااس؟؟بطلي عيب كدا
شريف:يا ريماس يا حبيبتي انتي عارفه حازم مش بيحب يقعد مع البنات مش هنا بس
ريماس:ماترد عليا يا حازم
حازم(مش بحبها؟؟يا خوفي يا ريمو لا يكون العكس علي الابواب):ياستي لا بحبها ولا بكرهها عادي يعني وبعدين زي ما شريف قالك
(وترجع هنا بعد ماتكون كلمت خالتها)
ريماس(بتحاول تغير الموضوع): ها ياستي كلمتيها خلاص؟
هنا(هما مالهم مبلمين كدا ليه):ايوه كلمتها
ريماس:طيب اتفضلي معايا بقي عشان اوريكي الاوضه بتاعتي اصلك هتنامي معايا في الاوضه هو طبعا في اوض كتير بس عشان انتي بقي اختي هتنامي معايا
هنا:ههههههه ماشي يا ستي يلا بينا
(وراحت هنا مع ريماس اوضتها وراح والد حازم عشان ينام هو كمان)
حازم:يلا احنا كمان يا سي روميو
شريف(مش طايق حازم):يلا يا امير الانتقام
(وهما ف الطريق كانوا بيتكلمو في الشغل)
حازم:متنساش عندنا شغل في مطروح الاسبوع الجاي ولازم نسافر
شريف:مش ناسي ايوه صحيح انت كلمت هنا ف الشغل
حازم:ايوه كلمتها وبتقول هتفكر
شريف:طيب كويس يارب توافق بقي عشان تيجي معانا
حازم:وتيجي معانا ليه
شريف:اولا عشان هتبقي بتشتغل تحت ايد سيادتك وثانيا عشان انا عايز ريماس تيجي معانا لانها هتكون خلصت امتحانات وباباك هيكون سافر ياابو الذكاء فهمت بقي
حازم:طيب بس………..ب
:شريف(بعصبيه):بس ايه…بص بقي يا حازم انت لازم تبطل تتعامل كدا مع هنا وافهم بقي يا اخي هنا دي عمرها ماهتكون زي هايدي فكر كدا وشغل مخك هتلاقي فرق كبييييييييييير اوي بين الاتنين
حازم(اتعصب هو كمان):شريف لو سمحت بقي اسكت
شريف:لا مش هسكت لما صديق عمري بيضيع نفسه لتفاهات مش هسكت يا حازم
(وفضلو هما الاتنين ساكتين لحد ماوصلو بيت شريف وشريف مكلمش حازم ولا كلمه دخل غير هدومه وساب لحازم بيجامه علي السرير ونام….اما حازم فضل يفكر في كلام صاحبه لحد ماراح ف النوم)
……………………………
نروح بقي لهنا وريماس
ريماس:ها يا هنا الاوضه حلوه
هنا:ايوه جميله اوي ورقيقه زيك
ريماس(بتضحك):ربنا يجبر بخاطرك…تعرفي يا هنا حازم عمره ما كان وحش حازم كان طيب اوي وعلي طول بيضحك بس…
هنا:بس ايه ياريماس عموما لو مش عايزه تتكلمي براحتك بس احنا اخوات والاخوات مبيخبوش علي بعض حاجه وانتي شكلك مضايق
ريماس:انا فعلا مضايقه عشان انا مبقتش اشوف ضحكته خالص غير كل فين وفين بس لو اعرف ماله
هنا:هو انتي متعرفيش ايه اللي غيره ؟
ريماس:لا
هنا:امال ؟
ريماس:حازم كان بيحب واحده معاه في الكليه اسممها هايدي وفعلا اتخطبو لبعض زي ما تقولي كدا ؟احلي قصة حب ف الوجود بس فسخو الخطوبه ومن بعدها سافر ع طول لندن وقعد هناك 3 سنين ورجع بالشكل ده
هنا:وانتي مش سالتيه؟
ريماس:حاولت كتير لكنه مبيتكلمش…ممكن اطلب منك طلب يا هنا؟
هنا:ايوه طبعا اتفضلي
ريماس:ممكن تقبلي الشغل مع حازم عشان خاطري
هنا:……….ل
ريماس:صدقيني حازم مش وحش وانا حاسه انك اللي تقدري تغيريه
هنا:قصدك ايه يا ريماس
ريماس:حازم عمره ماوافق ان اي بنت تشتغل تحت ايده ولو تلاحظي ان كل اللي بيشتغلو معاه رجاله معادا هدير
هنا:ايوه فعلا بس ليه هدير؟
ريماس:ببساطه لان هدير تبقي زميلته من ايام الجامعه وهو بيعزها وعارفها كويس جدا غير كدا لو مليون بنت جت بيرفضها
هنا:وانا بقي كنت مغصوبه عليه صح؟؟؟
ريماس:مش بالظبط!!
هنا:مش فاهمه!!
ريماس:يعني بابا مش بيقدر يفرض اي حاجه علي حازم يعني لو حازم مكنش له مزاج انك تشتغلي معاه مكنش بابا قدر يقنعه وكان شغلك في اي شركه تانيه فهمتي هو بس حازم بيحب يكابر شويه
ها يا هنا موافقه تساعديني اني ارجع حازم زي الاول؟
هنا:ازاي يعني يا ريماس؟
ريماس:طريقتك معاه بتحرق دمه انتي الوحيده اللي بتقدري تضايقيه عشان كدا انتي تقدري تخليه يطلع كل اللي جواه ويرجع زي الاول
هنا:حاضر يا ريماس بس هو بجد صعب اي حد يستحمله
ريماس:معلش عشان خاطري انا استحمليه
هنا:حاضر يا ستي يلا بقي عشان ننام يا هبله
ريماس(قامت عشان تحضنها):ربنا يخليكي ليا يا احلي اخت
…………………..
- تحميل مغرور متعجرف عنيف عنيد ولكن pdf
- رواية مغرور متعجرف عنيف عنيد ولكن
- تحميل رواية مغرور متعجرف عنيف عنيد ولكن pdf
- مغرور متعجرف عنيف عنيد ولكن pdf
- تحميل رواية متعجرف مغرور عنيد عنيد ولكن pdf
- رواية عنيد ومغرور
- روايه عنيد عصبي مغرور عنيف
- رواية مغرور متعجرف عنيف عنيد ولكن الارشيف
- قصه مغرور متعجرف عنيد لكن
- تحميل رواية مغرور متعجرف عنيف عنيد ولكن
