اليكم كلمات القصه فهي الكفيله بتعريفكم من اكون انا ومن تكون هيفاء …
> >
> > قصة بنت في مرحلة المتوسط
> > اسمها:هيفاء
> > مواصفاتها:متوسطةالجمال’ متوسطةالطول’
> > سمرا اللون’
> > هواياتها:الضحك واللعب والدواجه بشوارع ليل ونهار
> > هي وشلتها>>>
> >
> > كانت كل يوم بعدما تطلع من المدرسه تقول لسواق
> > شغل المسجل على اخرشي تبي تلفت انظارالشباب
> > وحتى كانت تفتح الشباك تستهبل
> > وتمزح وتحارش الشباب
> >
> > وكان السواق رهيب مثلها
> > واذاقربت من البيت تتغير وتصير
> > محترمه حيييل
> >
> > يمكن عشان اخوها نواف لانه مطوع؟؟!!
> > امااهلها كلهم داجين (وفري)
> > واذاجاءالعصر تتطلع مع خوياتها الداجات للمملكه اوالفيصله اومطاعم
> > وكوفيات التحليله
> > للبحث عن الشباب واذاجت الساعه
> > عشرونص رجعو للبيت ونامو عشان المدرسه وفي الويك اند
> > ينهبلون زياده يروحون لشاليهات اومزرعة اواستراحه لاوحده فيهم
> > رقص للفجروحلويات طايحه على الارض وجوال مسمينه جوال الكل
> > يحطونه بلوسط وكلهم يجمعون
> > ويدقدقون على الشباب ويتخبلون ويستهبلون
> > الى الفجرثم يرجعون الى بيوتهم
> > {عسى الله يحفظ بنات المسلمين ويهديهم}
> >
> > وفي مره من المرات طلعت هيفا مع صاحباتها لمطعم اسبازيوفي المملكه
> > ومثل عادتهم يرسلون ويستقبلون في البلوتوثات وكانت فيه طاوله كلهاشباب
> > كل واحد اكشخ واحلى من الثاني كانت قريبه من طاولة المهسترات بس كانوالشباب ثقل …
> >
> > قالت هيفاء لصاحبتها نوف
> > نوف شوفي ذاك يهبللللل
> > قالت نوف اي واحد
> > قالت هيفاء اللي لابس جيشي
> > قامت نوف تبحث عن بلوتوثه وللاسف كان مقفله!!
> > قامت لفت على هيفاء وقالت ماني نوف لوماجبته لك
> > قالوالبنات وش بتسوين
> > قالت احناايش اسم شعارنا
> > قالوالمصرقعات بصوت على
> >
> > (لانعرف المستحيل والامايصير نخليه يصير)
> > وقاموالمهبولات يصفقون كانهم
> > سكارى
> >
> > لفتوا نتباه الجميع…
> > الا…شلة سعود…ماعبروهم!!
> >
> > قالت:سلطانه وجع ليش ماناظرونا؟؟
> > قالت:نوف اصبرويابنات ان مع العسر يسرا>>
> > واناجايبتهم هالمزاين جايبتهم
> > ومرت نوف من عند سعود وقالت افتح بلوتوثك!
> >
> > سعود سمعها ولاعبرها
> > بس هي تحسبه ماسمعها نادت الجرسون وعطته ورقه كتبت عليها
> > افتح بلوتوثك وارسلتها
> > وقف سعود وجلس يناظرهم والبنات انبسطووهيفاء استحت
> > قام قطع الورقه وجلس
> >> انصعقوالبنات قالت نوف لهيفاء لاتزعلين بنحاول معاه
> >> المهم هيفاء مسكت معاها تبيه تبيه
> >>
> >> ويمكن حبته من اول نظره
> >> (لاتلومونها يشبه خالد بن الوليدبن طلال ولابس جيشي)
> >>
> >> قام سعود واصحابه بيطلعون من المطعم وقامو وراهم البنات
> >> ونوف تقول يامغرور عطنارقمك وش دعوه
> >> لف سعود وقام يناظرها نظرات استحقار
> >
> > قالت نوف:خييييييرموعاجبتك
> > رد بصوته المبحوح: اكيد لا
> > لاني ماحب النوعيه هذي من البنات?
> > انقهرت نوف:ووش فيها نوعيتنا
> > الانهبل والكل معجب فينا!
> > قال:شفتي اسلوبك وردك كيف؟؟
> > والاعباياتكم ومشيتكم كيف؟
> > والااصواتكم العاليه تتعمدون ترفعوان اصواتكم عشان تلفتون الانتباه بسوالفكم ونكتكم المنحطه؟
> > وترى بنات المسلمات المتربيات
> > مايسون حركاتكم
> > قالت نوف:حدك عاد ولاتكمل وانت اصلا ماتملى عيني بس صاحبتي قالت ابيه وقلت بحاول اجيبه بس طلعت مومغروربس طلعت متخلف وترى المملكه مليانه شباب واحلى منك ويتمنون مننانظره
> >
> > قاطعتها هيفاء وقالت
> > خلاص نوف يكفي
> >
> > سعود حس بشي غريب لما سمع صوتها
> > وقالت انااسفه انااللي قلت لهاابيه
> > وهي كانت تبي تخدمني
> > ولاكنت اعرف انه شي بيضايقك
> > واسفه مره ثانيه
> > دارت هيفاءواخذت صاحبتهاونزلو
> > (الله يرحم ذيك الايام تذكرتها)
> > قال سعود ضميري انبني
> > قالوله اصحابه تكبر و تنسى
> > ولمانزل سعود شاف هيفاءعند العربيه للعود
> > وكانت معطيته ظهرها
> > بس هوعرفها لان نوف ناظرته
> > راح سعود بسرعه وترك اصحابه
> > وقال لهيفاءافتحي بلوتوثك
> > لفت هيفاء وشافت سعود وابتسمت
> > بدون تعليق وراحت وخلته وهووراها
> > (سبحان مغيرالاحوال)
> > ويقولها يابنت افتحي بلوتوثك برسلك رقمي
> > وهي مطنشته
> > اخرشي مل قالها بتفتحين والا
> > خلاص اروح
> > لفت بسرعه وقالت لا لاتروح بفتحه
> > وشافتهم عجوزفتانه
> > وارسل رقمه الاالسكرتي جاء يطلعه
> > بس بعدما ارسل رقمه
> > (هذي بداياتها)
> > وبعدها بيومين دقت هيفاء على سعود
> > الساعه ثلاث الفجربس كان نايم ولارد
> > ويوم قام وشاف الرقم قال اكيد
> > هذي البنت اللي بلمملكه
> > ودق على الرقم
> > ردت هيفاء هلا والله
> > سعود هلافيك بس انالقيت رقمك
> > بجوالي من داق؟
> > قالت:انا
> > قال:والله والنعم بس من انتي
> > قالت:اناهيفاء وهبي
> > قال:ترى انامااحب الخفه تكلمي بثقل قبل اسكربوجهك
> > قاطعته لاخلاص اناهيفاء اللي كنت بلمملكه
> > وقامو يسولفون وسالته
> > سعودكم عمرك
> > قال:سبعه وعشرين
> > واشتغل بزنس
> > وانتي قالت ست طعش
> > قال سعود يوووه صغيره حيل
> > مااتوقع ننسجم مع بعض فرق كبير بيننا
> > قالت انت جرب وش بتخسر
> > قال بخاطره وش اجرب بزره
> >
> > مرت الاسابيع والشهور
> > وسعود مره يرد ومرات يطنشها
> > واذاقالت ليه ماتردعلي يقولها
> > ماابي اضيع وقتي مع بيبي
> > واحمدي ربك اذارديت عليك ولاتقعدين تشرهين يامبزره
> > مرت سنه على هاالحال
> > ويوم نجحت شافت كل وحده خويها
> > واهلها يسالون عن النتيجه الاهي
> > دقت ولارد عليها ارسلت له مسج
> > اليوم استلمنا شهاداتنا اناوصحباتي
> > وكلنانجحناب س كلهم لقومن يباركلهم
> > الااناماحد بارك لي غيرسواقي
> > انكسرقلب سعود وكلمهايبارك لها
> > وشرالها هديه
> > وبعدها بشهر اتصلت تبكي تقول انها بتسافرلجنيف مع اهلها
> > فرح سعود يقول فرصه ابفتك من هاالبزره
> > وفعلا سافرت و فرح سعود الساعه الاولى
> > بعدين شوي شوي حس بضيقه
> > فقد احد بس هوماتوقع انه بيفقد هيفاء
> > مايعرف وش فيه
> > وبعد ثلاث شهور دق جوال سعود
> > وشاف الرقم قال موغريب
> > ولمارد صوت هيفاء
> > سعود اشتقت لك اليوم انا رجعت من جنيف وانت اول من كلمته
> > قال سعود بقلبه اييف وش جابها
> > قالت:سعود ليه ساكت
> > قال:وش تبين انتي لايكون تبيني اغني لك
> > قالت : شكلك مو فراحان
> > قال: بستهتاراكيد موفرحان اناسعود
> > اكتمت المسكينه بقلبها وسكرت
> > واتصلت عليه وقالت:
> > سعوداحبك
> > سكت سعود مارد عليها
> > قالت:حبيبي سعود الزم ماعلي راحتك..
> > وانا عارفه انك تكرهني
> > وانك تتضايق مني
> > بس هذاوعد ماراح ادق عليك
> > مره ثانيه@
> >
> > صرخ سعود بدون شعوري
> > لحظه هيفاء
> > قالت: هاه وش تبي
> > قال:انا اول مره بقولها بحياتي
> > ولاكنت اتوقع اقولها خصوص لك
> > هيفاء انا احبك
> > قالت هيفا سعود بربك لاتكذب علي
> > قال والله احبك
> > طارت هيفاء من الفرحه
> > وصارت كل يوم تشوفه وكل نهاية اسبوع تجلس وتسهرمعاه
> > اذاطبعا سهرت مع صحباتها بلاستراحه
> > تناديه وتجلس معاه لحالهم
> > وزداد الحب بينهم كان يتفرغ لها
> > كل ظهريمشي وراهاعشان ماتستهبل اذاطلعت من المدرسه
> > مع احد كان يخاف عليها من جنونها ومراهقتها ومن المهسترات خوياتها
> > ويوم عيدميلادها كانت مسويه حفله كبيره بمزرعتهم بلخرج راح سعود واصحابه يسلونه بطريق عشان بيودي لهاهديتها
> >
> > بيسوي لهامفاجاه
> >
> > تخيلوا لمجنونه وش سوت لماعرفت ان سعودعند الباب تركت المعازيم وطلعت تركض لسعود
> > سعود تفشل من اخوياه يوم طلعت فاتشه ولاعليهاعبايه
> >
> > وبنفس الوقت غارعلى حبيبتهه بدال مايقولها هبي بيرزدي
> > قالها ياحيوانه العيال شافوك وغطاها بشماغه
> > واخذها ورى الشجره وكان الوقت بليل وطبعا طريق المزارع مافيه احد
> > وعطاها هديتها وسوى اللي كل حبيب وحبيبته يسوونه
> > ويوم دخلت الكل قام يسالها وينك
> > وهي ماتدري عن العالم توهاشايفه حبيبها يعني لااحد يلومها
> > امتلت غرفتها هدايا سعود
> > وامتلت غرفته هدايا هيفا
> > سجلته بجولها عديل الروح
> > وسجلها ملكة روحي
> >
> > (سبحان الله كيف عشق هاالبزر من عقب ماكان مايطيقها)
> >
> > ويوم جت اختبارات النصف الثاني النهائيه
> > كان يهتم فيهاوطبعاهي كبرت على المتوسط وصارت بالثانوي
> > وكل شوي يقولها ذاكري زين
> > وكولي زين
> > ويوم نجحت طااارمن الفرحه واخذها من المدرسه على مطعم عشان يفطرها ووداها تشري هديتها على ذوقها
> > قالها هيفاء
> > قالت هاه
> > قال مثل هالوقت السنه الجايه واذا نجحتي بخطبك
> > قالت هيفاءبربك ياسعود
> >
> > (دايم كلمتها بربك والله اشتقت لها)
> > قالت اول سنه عذبتني وبعدهابسنه عشقتني وبعدهابسنه بتخطبني وبعدهابسنه بتتزوجني
> > ياربي متى تجي السنه الجايه
> > عشان اصيرخطيبةسعود
> > قال كل شي بوقته حلو
> > اصبري يامرجوجه
> >
> > وطبعا هيفاء كل عطله تسافرخارج السعوديه
> > اتصلت على سعود وقالت
> > سعود تذكر السنه اللي راحت يوم قلت لك بسافر
> > قام سعوديضحك قال ايه اذكرواذكر
> > اني قلت فكه
> > قالت طيب اناالحين بسافر
> > قال طيب وانابسافرمعاك
> > قالت طيب لاتستهبل
> > قال طيب والله صادق بس متى
> > قالت بعدبكره بنروح بيروت
> > قال خلاص انامعاك وبنفس الطياره
> > قالت اشوى عشان مااتعب من شوقي لك يادب
> > قال هيفاءحبيبتي
> > قالت هااااه
> > قال وش هاااه كم مره اقولك
> > قولي سم لبيه امر
> > قالت طيب سم لبيه امر
> > سعود ياقلبي بروح اجهزشنطتي
> > واكلمك بليل وكامل محاضراتك
> > باااي__
> > سعود باااي
> >
> > وسافرواوقضوا لعطله في بيروت وكان سعود
> > ساكن بنفس الاوتيل ووين ماتروح هيفاء سعود وراها
> > ويوم كانو بلجبل قالت هيفاء
> > انا نفسي اقول لناس احب سعود
> > واطلع اللي بخاطري واقولهم قصتي معاك
> > ومعاناتي وسعادتي اللي شفتهم منك
> > قال لاتستعجلين خليها بعد زواجنا
> > عشان تصيرقصه حلوه
> > وكامله
> >
> > ولمارجعو لرياض عشان الاجازه انتهت ماانتهو سعود وهيفاء عن مكالماتهم ومقابلتهم
> > حتى اصحابهم يشتكون من غيابهم
> > وهم ماعليهم من احد
> > ولمااتمت هيفاء الثمان طعش فرح سعود لان طفلته كل يوم تكبر
> > حتى هوبعد كان سبعه وعشرين اصبح تسعه وعشرين
> > وفي مره من اسؤا المرات مراسبوع
> > على سعود ماشاف فيه هيفاءبس كان بينهم مكالمات اصرسعود ان هيفاء تطلع معاه واول مره هيفاء تتردد انهاتطلع وخصوصا مع سعود
> > سالها ليش؟
> > قالت ماادري بس خلهابعدين
> > عادعليها مره ثانيه ليش؟
> > قالت كذاخلها بعدين
> > قال بعصبيه:اييوه قولي انك مليتي مني وماتبين تشوفيني
> > قالت والله موكذابس احس اني خايفه
> > قال:انتي كذابه مره خلهابعدين
> > مره كذا والحين خايفه
> > قالت خلاص خلاص ابشوفك
> > قال:لا
> > قالت ليش
> > قال:خايف(بيردلهاكلمتها)
> > قالت:وبعدين بلاعناد ابشوفك
> >
> > واتفقت معاه اذانامو اهلها يجي وتطلع معاه وفعلا الساعه ثنتين اليل جاء وطلعت هيفاء وكانت هيفاءاللي
> > ماتعرف الخوف اول مره خايفه
> > وكانت مرتبكه حييييل
> > وقف سعودعلى جنب وجلس بكرسي
> > هيفاء توه بيحظنها يهديها
> > الاشباك الموتريطق بقوه ويوم لف سعود الاالدوريه واقفه
> > نزلوسعود وهيفاء وكانت هيفاء تصارخ
> > (والله احس صوتها باذني لااحد يقول وش دخله لاني انا سعود)
> >
> > كانت تبكي وتناديني ولاقدرت اسوي اي شي
> > قام العسكري طلب سيارة دوريه ثانيه
> > ركبوها بسياره وانابسياره
> > ولاكنت افكرالافيها وكنت خايف عليها
> > وصرخاتها كانت باقيه باذني ومنظردموعها بعيوني
> > دخلت ولقيتها بمكتب الظابط قلت لظابط صدقني انااحبها وابتزوجها بس لاتقولون لاهلهااخاف يذبحونها
> > ودخلوني التوقيف ولااحد يردعلي
> > وكنت خايف على هيفاء واناجالس افكرالااسمع اصوات عاليه صوت ولد كان يهاوش وصوت هيفاء تبكي بصوت عالي
> > اناانهرت وقمت ابكي مثل الاطفال وانادي هيفاءهيفاء
> > والله ماكنت بوعيي جاني العسكري ودخلني للغرفه الي هيفاء فيهاوكان نواف اخوها جالس طحت عندرجلينه وقلت بتزوجها لااحد يسوي لها شي قالي كان تزوجتهامن قبل هالحظه الحين لمافيه امل ازوجك اختي وانت سبب فضيحتنا
> > وعشان ماتعيرهابكره بهذالشي
> >
> > قالت هيفابس اناابيه ولاني متزوجه احدغيره نواف اكتفى بصراخ عليهالان العسكري ماسكه مايطقها
> > (على فكره ابوهامتوفي)
> > وبعدالسالفه بسبوعين رحت لبيتهم ابي اكلم اخوها قالولي الجيران نقلو خارج الرياض عشان فضيحة بنتهم اناماسكت له وجلست اتخانق معاه ووقفته عندحده
> >
> > اماهيفاء جوالها مقطوع
> > وصديقاتها يقولون ان اهل هيفاء غيروارقامهم ولايعرفون لهاطريق
> >
> > سامحيني ياهيفاءاناكلب وحقير بس والله ماكنت اعرف انه بيصيرلناكذا
> >
> > اشتقت لك ياهيفاءواشتقت لجنونك
> > وطيشك واشتقت اني امشي وراك بسياره واشتقت لكلمتك بربك ياسعود واشتقت اسمع منك احبك ياسعود
> > هيفاءوينك والله افزمن نومي ادورك والله ابي اتزوجك
> > والله اضم صورتك قبل انام
> > واشم هداياك تصدقين باقي فيهاريحتك
> > وين ارضك وين سماك
> > باقيه ياهيفاءعلى قيدالحياه اوصارلك شي بغيابي
> > صدقيني افكربك بكل لحظه
> > وانتي نسيتيني والا لا
> > هيفاء تذكرين يوم كنا في بيروت
> > قلتي لي ابي اقول لناس احب سعود
> > هذا انا ياهيفاء بحقق امنيتك وبقول
> > هيفاء تحبني وسعودعبدالله فهدالطيار
> > يحبها
> >
> > اللهم لاتفرق بين كل اثنين يحبون بعض واجعلهم على طول الحياة باحضان بعض
> > ورجعلي هيفاءسالمه غانمه فاني طلبتهامنك بلحلال وانت الحي الرحمن الرحيم
> >
> > امين يارب العالمين
> > /سعودعبدالله فهدالطيار
> >
> >
> >
> > يزاك الله الف خير انشرها ,,
> >
> > عسى توصل حق هيفاا .. =(
> >
> >
> >
> > والله عورو قلبي ..
> >
> >
> >
> > الله يجمعهم مع بعض
> >
> >
> >
> > ااامين,ااااااامين ياااارب العلمين
