لا تظلمني حبيبي

لا تظلمني حبيبي وادگولي ماوفيت
ولا تظن گلبي على حبك غفة

ولو سامع الغربة تغير البشر
اني مليون غربة ما تغير بية الوفة

واذا اجة يوم ونسيتك يعني اني متت
لان اني عايش على ذكريات حبك والدفة

حبيبي اني بعدني ذاك اني اللي تعرفة
و بعدة العشگ بيه يشتعل مانطفى

لاتظلمني حبيبي وادگولي نسيت
ولا تصدگ الغربة بحر حبي تنشفة

اني لو ادري الغربة تنسيني الاحبة
ﭼان لزمت سجين وبديا گلبي ازرفة

غلطان حبيبي لو تقيس الحب بالمسافات
لان الحب احساس العالم كلة يطوفة

انت تدري شلون اصبر روحي عليك
انه كل ليلة اتخيل طيفك وانام على سوالفة

لاتظلمني حبيبي بعد وتحسسني بذنب
تعال وشوف روحي عليك شگد متلهفة

اني صح شوگي حبستة .. لاجل ما بﭼيك
لان دمعتك عزيزة وگلبك ما اريد اكلفة

اذا انت مشتاگ اني ميت على شوفتك
ولو ما تصدگني اسال الگمر وحلفة

كل لحظة اتذكرك وكل ليلة احلم بيك
والشوگ بية يهيج وغير حضنك ما يوگفة

لا تظلمني حبيبي بعد گبل ما تحسني
لان گلبي على حطة ايدك مثل ما انت مغلفة

صح بالغربة حلوات .. واعرفك انت تغار
بس وعيونك غير حبك گلبي ما يشرفة

• زوجي لاتظلمني
• صور حبيبي لاتظلمني لا تجرحني