هى تجربة بسيطة جدا ولكنى بعد هذه التجربة لا اتردد فى تكررها
مرة رحت اصلح الحذاء بتاعى انا وماما(اعزكم الله)
وسالت الراجل هتاخد كام قالى 5 جنية قلتله ماشى قالى تعالى بكرة المهم رحت له تانى يوم وببص كده عديت على مسجد لقيت مكتوب حديث ((الرسول عليه افضل الصلاة والسلام ما نقص مال من صدقة ))افتكرت الفلوس اللى معايه يدوب على اد التصليح قلت لللاسف مش هينفع اطلع صدقة دلوقتى وبعدين كل ما اقرى الحديث اقول لا مش مهم انا هتصدق بمبلغ بسيط والباقى اديه للراجل ولو اتبقاله حاجة هسيب الاحذية واروح اجيب فلوس تانى من البيت المهم رحت للراجل وقلتله انت حسابك كام قسما بالله قال مبلغ اقل من اللى قاله اليوم اللى قبله يعنى المبلغ اللى طلعته صدقة + المبلغ اللى طلبه يساوى المبلغ اللى كان معايه وبالعكس اتبقى معايه جنيه وبعد الموقف على طول قولت صدقت فعلا يا رسول الله طبعا مكنش عندى شك ولكنها كانت درس صغير ان فعلا الواحد مهما كان مبلغ الصدقة قليل ولكن عند الله كثير
من فترة قريبة وانا قاعدة قدام التليفزيون على قناة دينية سمعت الشيخ بيتكلم عن الصدقة وكان بيحكى قصة واحد كان على اد حاله وكان معاه محل بقالة صغير وبعدين مبقاش يبيع مبقاش فى رزق داخل ومتزوج ومعاه بنت وفى يوم مراته قالت له مفيش فلوس والبنت جعانة وقعدت تدور فى البيت على اى حاجة يكلوها او اى فلوس راحت لقت 50 قرش راحت ادتهاله علشان يشترى بيهم عيش حاف يكلوه المهم اخد ال50 قرش وقعد قدام المحل بتاعه مهموم وحزين راح مر من قدامه راجل محتاج راح بدون ان ينظر اليه اداله ال50 قرش وبعد شوية بنته جت قعدت تلعب جنبه وهو مش باصص ناحيتها لانه مهموم جت عربية ودهست البنت عدت من فوقيها انتبه وقعد يصرخ وشالها من الارض وجرى بيها على المستشفى وقال الحقونى بنتى ماتت كل اللى فى المستشفى زهلوا لان مفيهاش اى جرح او تعاوير قال ازاى العربية عدت من فوقها عملوا اشعة وطلع مفيهاش اى حاجة ودى كانت نتيجة الصدقة اللى طلعها*صنائع المعروف تقي مصارع السوء
ملحوظة صغيرة كنت قرت من فترة عن فكرة فى المنتدى اننا نجيب حصالةونكتب عليها (مانقص مال من صدقة) ونحط فيها كل يوم مبلغ صغير وفى اخر الاسبوع ناخد الفلوس نحطها فى المسجد او اى حد محتاج من غير منبص فى االفلوس
لو نفسك تتجوز او تخلف او ربنا يشفيك او نفسك تحقق حلم معين تصدق
