مفرش دائري من الخرز

الادوات المطلوبة:

بولة من الزجاج حجم متوسط واشتريتها ب10 ج
خرز دهبى وابيض او حسب اللون اللى انتى عايزاه وانا اشتريت مقاس 2

ابرة سنيورة وخيط ماكنة بتاع الخياطة

طريقة العمل:

نلضم خرزة دهبى ونثبتها بالخيط كويس عشان ما تفكش ونسيب مسافة بين الخرزة وبداية الخيط

نلضم فى بداية الصف وكل صف بعد كده (2خ ابيض-1خ دهبى-2خ ابيض)

ثم نلضم بعد ذلك (3خ ابيض-1خ دهبى) حتى ما قبل نهايه الصف الاول
حنختم الصف ب(2خ ابيض-1خ دهبى-2خ ابيض-1خ دهبى-3خ ابيض)

بعد ما وصلنا لاخر الصف ندخل الابرة فى اول خرزة دهبى تقابلنا

بعد ما نشد الخيط نلضم (2خ ابيض-1خ دهبى-2خ ابيض) حنترك خرزة دهبى وندخل الابرةفى الخرزة الدهبى اللى بعدها
وبكده حنبدا الصف التانى
وركزوا فى الصور قوى