شوفي حبيتي انا مره سوينا عن الاركان التعليميه…..يعني مجموعه يسون مشهد في ركن المنزل
تمثيلي……….ومجموعه في ركن التخطيط ويكتبون كلمة روضتي كل طفل حرف ثم تجتمع وتكون روضتي ……وركن الاكتشاف يطبق فيه العلماء يعني يطفو ويغوص حوار بين مجموعه من الاطفال………..ركن الفن ……وهكذا صررررررراحه انا نسيت حذافير الحفله بس كانت مره ممتعه
وممكن تسوين عن اركان الاسلام كل مجموعه حوار عن ركن ثم تختتم بانشودة ديننا الاسلام كتابنا القران
ممكن انشودة عن الام من اجل حفلة التخرج
وانشودة طائر النورس مع عرض للبوربوينت + تطقيم الاطفال باللبس
انشودة الفراشتان وكذلك النحلة لبس الجناحان مع عرض البوربوينت وتطقيم اللبس للكل
عند عرض الاسماء المتخرجين يتم الدخول من بابين بنفس الاتجاه طبعا ترتيب الاولاد معاهم علم المملكة صغير والبنات معاهم ورود صغيرة ولما يلتقوا في المنصة يترتبوا بصورة سريعة يعني حسب الطول الطوال ورى
ويرفعوا ايدينهنم ثم تعرض الاسماء بالبوربوينت وتقول المديرة الاسماء وكل طفل يسمع اسمه ياخذ هديته ويروح مكانه ويرفع الهدية
………………..
في انشودة ياحباب مرة رائعة شفتها مسوينها اطفال نفس العرض اللي يجي بالتلفزيون في حفل بس مو تخرج وفاز هذا المشهد بانه احسن مشهد واروعها فيه البراءة
بعض افكار ملقوطة من قوقل المحترم خخخ
فكرة لحفلة تخرج الاطفال
اول شي لما يدخلون الصاله اللي فيها الحفل تعطيهم اكياس صغيره
هالاكياس يحطون فيها حلاو
والحلاو من وين يجيبونه ؟
طبعا انتم اكيد راح تسوون مسابقات
كل واحد يفوز بمسابقه تعطيه حلاو يحطه في اكيس
وبالاخير وقبل لاتنتهي الحفله تشوفون اكثر واحد جمع حلاو وتعطونه جائزه مميز عن غيره
وبكذا راح تغيرون عن الافكار التقليدية
وممكن بعد تطلبين من كل طفل يجيب صورته وهو صغير يعني صور قديييييييمة جدا .. وتعرضينها بالبروجكتر او اللي يسمونه (( الفانوس السحري ))وتجيبين طفلين .. واللي يعرف صاحب الصورة قبل هو الفايز
تلصقين على الجدار وجه مهرج ما له خشم .. وتجيب طفل وتغطين عيونه
ولازم انه يحط الخشم في المكان الصحيح
وضع فقرات اناشيد الاطفال واحلى نكتة واحلى تقليد ..
تحضرين 4 اطفال وتسالينهم اسالة عادية مثل : وش لون بلوزة امك ؟؟
او كم عدد الجدران بالسطح ؟؟
ومن هالاسئلة .. وتصيرين واقفة على راسه ومعاك بلونه فيها زي اللماع
او الاوراق المقطعة مرررررررررة .. وتعدين للخمسة .. اذا ما جاوب تفقعين البلونة
فوق راسه ويخسر .. والبقاء للاقوى
ممكن لعبة السمك واكثر واحد يجمع سمك له هدية ( للاطفال اللي عمرهم 5 )
وممكن تنثرين مجموعة من الكور وتجيبين سلتين وطفلين
يبداون بتجميع الكور بوقت محدد
وعلشان تضيفين جو مرح حطي انشودة
وفيه فكرة ربط الشرائط
اللي يربط شرائط بيده اكثر من الثاني هو الفائز
وممكن لعبة ممرات الصابون هذي بصراحة روووعة وتضيف المرح للحفل
لعبة تفقيع البالونات..
نحتاج الى:بالونات معباة بالماء + دبابيس + حبل طويل لتعليق البالونات منديل حريري
تعلق البالونات بعد تعبئتها بالماء ويطلب من كل متسابقة من الفريق ان
تقوم بفقع البالون وهي معصوبة العين والافضل من تقوم بفقع اكبر عدد من
البالونات..
لعبة القربة المخروقة
نحتاج الى:
سطل مملوء بالماء وواحد فارغ.. المملوء يوضع في اول الملعب
والفارغ في اخر الملعب + قارورة ماء بها خرم او اثنين بالاسفل..
تحاول كل متسابقة من كل فريق ان تنقل الماء من السطل المملوء
الى السطل الفارغ خلال 3 دقائق مثلا والتقييم يكون لصاحبة اكبر كمية
لعبة الكلام بالاسئلة فقط:
متسابقتين تقفان متواجهتان، لا تتكلمان الا بالاسئلة.. الاسئلة لا يهم ان تترابط ببعضها.
مثلا: كيف كان يومك؟
لماذا تسالين؟
هل اعجبك عملك الجديد؟
وهكذا حتى واحدة تخطئ وتجد نفسها تجيب عن السؤال بدلا من ان تسال
لعبه اخرى
اللعبة فريقين.
متسابقتان تجلسان متقابلتان.
المنظمة للمسابقة تكون حضرت عشرين كلمة لكل فريق، كل منها على ورقة منفصلة.
منظمة المسابقة تري متسابقة واحدة الكلمة وهذه عليها ان تشرح للمتسابقة الثانية الكلمة بلا ذكر الكلمة نفسها. وبسرعة والثانية عليها ان تحزر بسرعة، يعني تتكلمان في نفس الوقت هذه تشرح وهذه تخمن. يجب معرفة اكبر عدد من الكلمات خلال دقيقتين.
ثم الفريق الثاني، ومن ينهي كلمات اكثر في دقيقتين هو الفريق الرابح.
الكلمات تكون بسيطة، مثلا: فستان، اسورة، كتاب، حصان… اي كلمات، والشرح يكون مثل: شيء تلبسه المراة ولا يلبسه الرجل…
له اوراق كثير ونقراه..
ممكن بنهاية الحفل تلبسين تي شيرت ابيض وتعطين المدعوين اقلام
ملونة وثابته يكتبون لك فيها عبارات حلوة او يوقعون
او ممكن تحضرين انتي مجموعة من التي شيرتات البيضاء
وتوزعينها على المدعويين وكل واحد يكتب للثاني عبارة
***********
او
هذه فكرة لحفلة التخرج
المكان / تقومين بتزيين المكان بالستائر الملونة ولنقل مثلا الاحمر والابيض
او اي لونين تفضلينهم
وتقومين بتزينها بنماذج من قبعات التخرج
وبالناسبة للكراسي والطاولات تقومين بتزيننها بنفس الوان الستائر
وتنثرين على الطاولة ورد مجفف
ونموذج مكبر من قبعة التخرج بالوسط
تضعين حوله الشوكلاته والتي تكون مزينه بالقبعات او كتاب او اي شكل يدل على التخرج
وكذلك الفطائر تستطيعين تزيين سلتها بالقبعات والشرائط
بخصوص كاسات العصير تربط 3 شرائط الاسود والاحمر والابيض على شكل فله وتوضع بوسطها
نموذج للقبعة
المدخل تزينينه بالبالونات بالالوان الثلاثة
ووممكن تشترين بالونات عادية بالالوان الثلاة وتعبينها هيدروجين
وتتركينها معلقة على سقف القاعة بيطلع شكلها جنان خاصة اذا غطيتي خيطها بالكليم
بيعطيها لمعة حلوة
الفلبينيات ممكن تلبسينهم قبعات للتخرج بتطلع حركة جديدة وحلوة
هدايا التخرج اختاري نموذج مصغر من العرائس او القبعات على ان تضعي كلمة جميلة
وتربطينها بشريطة على هيئة شهادة تخرج
****
اتمنى تعجبك***
وكمان فية فكرة :
اناشيد متنوعة
الفراشتان
امي كم اهواها
الهدايا
السندباد
والمهم كل فصل له طقم خاص بالانشودة
افكار للحفلاااات
انا مشرفة رياض اطفال ونظمت حفلين تخرج والثالث هالسنة الله يعيني هذاني حايسة ودايسة بالافكار
خلوني اعطيكم بعض الافكار السابقة ممكن تفيدكم بس بشرط اللي عندها افكار جديدة تنورنا فيها علشان نستفيد من بعض
في البداية النشيد الوطني (وهذا دايم نمسكه فصل الروضة لانهم يتعبوننا بالحفظ وهذا كلهم حافظينه) بس هالسنه ودي اقدم نشيد ثاني عن الوطن وقاعدة افكر بنشيد (حبي لمملكتي),,, وطبعا كانوا لابسين ثياب بيض وشرايط وطنية وماسكين اعلام والشعارات الخضراء على رؤوسهم .
وبعدها الفقرة الترحيبية انشودة (اهلا اهلا ) من شريط عصفوريات العم عبدالله , ومرة انشودة (يامرحبا باللي حلوا علينا ضيوف)وكانت رووووووعة
ومن احلى الفقرات اللي قدموها اطفالنا عرض ازياء الشعوب وكان كل طفل يدخل القاعه ويسوي عرض للباس وبعد مايصعد للمنصة يقول نبذة بسيطة عن البلد المنتمي اليه مثلاانا جمهورية مصر العربية اشتهر بالاهرامات) ويرجع ورا وبعد ماينتهوا يمسكوا يدين بعض ويقولوا عبارة جماعية قصيرة(ناسيتها).
وايضا فيه مشهد بين رجل ودجاجته (ولد ملبسينه ثوب وطاقيه وشوارب والبنت لابسه زي دجاجة)
وشغلتلهم انشودة (ياجماعة عندي حاجة) من شريط عصفوريات العم عبدالله والطفلين فقط يؤدون الحركات وكان من احلى الفقرات
وفيه فقرة الحروف العربية قدموها كل الفصول كل فصل كان له تقريبا 5 حروف مع الوسائل والحركات لكل حرف وكانت الفقرة متعوب عليها لانه كان فيه تعاون بين معلمات الفصول بحيث ان كل فصل ينتهي وينزل يطلع اللي بعده ويقدم وصلته ورا بعض بانسيابية وترتيب فخرجنا بفقرة راااااائعة.
ومن المشاهد الرائعة مشهد عن غياب الام لقيته وانا ابحث بالنت وبعد ماانتهى قدموا فصل البنات انشودة (احتاج اليك يا امي).والسنه اللي بعدها قدمنا انشودة (امي امي كلها شوق وحنان) ودربناهم بس على الحركات.
والسنة اللي فاتت قدمو اطفالنا فقرة الزواج قديما وحديثا شامل كل شي من ” الزفة, الملابس, الكوشة, نوعية الرقص, حتى التوزيعات قديما اثناء زفتها وزعنا الشعبيات وحديثا الشكولاته المغلفة” وكل وحده وابداعاتها طبعا الامهات استانسوا على هالفقرة خاصة الرقص.
ومرة قدمنا فقرة عن اصحاب المهن اخترت 4 مهن وكل طفل لابس اللبس المناسب لمهنته وواقف بركن ومعه الادوات المناسبة له(شرطي- نجار- ميكانيكي- خياط) وكان بالركن الثاني واقف 4 اطفال اخرين هم المنشدين, طبعا مشغله الصوت وهم بس عليهم الحركات لانه ما امدانا ندربهم عالحفظ بس الاناشيد كانت حلوة ومناسبة للحركات اتوقع من سلسلة يزيد ومنها(طق طق يانجار بالشاكوش والمسمار……وغيرها).
وكل سنه احب اعرض بروجكتر مرة عرضنا صور عن يوم اطفالنا في المدرسة من ينزل من الباص حتى ينتهي من الدوام وكانت الصور تحكي الكثير من الذكريات وكنت مشغلة انشودة (وين ايامنا وين قضيناها) <<< وانا خذوها صيااااااح بهالفقرة.
ومرة عرضت فيديو امنيات الاطفال في المستقبل يعني قبل صورت كل طفل وهو يقول وش يتمنى يكون في المستقبل وعرضناها في فقرة سميناها امنيات براعمنا.
وفيه فقرة ايضا عن فصول السنة 4 بنات كل بنت لبستها زي خاص بفصل وفي الخلف بقية الاطفال ينشدون انشودة (حسن الفصول الاربعة من حولنا مااروعه) بالحركات طبعا.
وطبعا كل فقرة نبدع فيها بالازياء والبنات اكثر شي نطلب فساتين ابيض سااااادة ومنفوشة وجزم وشراب (الله يعزكم) بيضاء وحنا نلبسهم شرايط ساتان عريضة على الخصر مع اكليل ورد اوتاج على الراس ينفس اللون, ويكون كل فقرة لهم لون موحد.بس هالسنة ****لله ناوية اختار فستان من محل في سوق معروف واتفق مع صاحب المحل انه يوفر العدد المطلوب للاهالي اللي يطلبون الفستان باسم مدرستنا (بنعطيهم اسم السوق والمحل) طبعا بيكون السعر ****لله معقول, احسن يطقمون ومنها الام تستفيد من الفستان بالاجازة , وبرضو حنا نريح روسنا.
امممممممممم تقريبا هذا اللي اذكره
- فقرات حفل التخرج لرياض الأطفال
- فقرات حفل تخرج رياض أطفال
- فعاليات تخرج رياض الأطفال
- اناشيد لحفلة التخرج
- فقرات لتخرج روضه ترتيب
- كيفية اعداد احتفال تخريج اطفال الروضه
- فقرات لتخرج روضه
- زي تخرج جديد
- ابحث عن فقرات ممكن ان تكون لتخريج اطفال رياض
- مواضيع حفل تخرج
