رغايف معمرين بالتفاح

مقادير العجينة

كيلو دقيق

80 غ سكر

80 غ زبدة رطبة

فاني

خميرة خبز

ملح

600 مل ماء دافئ

مقادير حشوة

3 تفاحات

40 غ سكر بني او عادي

شوية زبدة

شوية زبيب

شوية قرفة

فاني

حامضة

للتزيين

رقائق اللوز
سكر كلاصي
مربى فريز

صفار بيضة مع شوية حليب

للتوراق

زبدة مدابة + زيت

نقشرو التفاح و نقطعوه على شكل دوائر و نعصرو عليه الحامض
نذوبو الزبدة في مقلاة و نديرو التفاح من بعد ما قطرناه من عصير الحامض
نزدو عليه سكر والقرفة و سكر الفاني و الزبيب مرطب من قبل في ماء طايب خاصنا نطيبو التفاح غير نص طيبة باش يبقى شاد في راسو و نخليوه يبرد و نطيبو حتى طريفات لي شاطو لينا من التفاح

بالنسبة للعجينة نعجنوها كيبحال عجينة رغايف يعني بطريقة عادية ونخليوها  تخمار ثم نكوروها ونخليوها شوية ترتاح عاد نطلقوها و نعملوها على شكل رغيفة ثم نعملو التفاح في الوسط  و باقي موضح بالصور

 بالنسبة لطريفات تفاح لبقاو لينا نطويو العجين بحال بتي بان ونعمروه بيهم ونخليوهم يخمارو
ثم ندهنوهم بالبيض و نرشوهم برقائق اللوز و من بعد ما يطيبو و يبردو نزينوهم بالسكر كلاصي والمربى

وهاهوما الرغايف معمرين بالتفاح واجدين وبالصحة والراحة