السينابون بطريقة ام لى لى
معايا طريقتين جداد للسينابوووووووووووووون
الطريقه الاولي
تطبيقي ليسنابون السرطانه ربنا يجزيها خير
سينابون بس بطريقه جديده
ينفع اوي نعمله للي بيشتكو ان السينابون حروفه بتنشف في الفرن
اولا انا عملت عجينه العشر دقايق عادي جدا
ودي مقاديرها للي مايعرفهاش
المجموعة الاولى
2 كوب ماء دافئ
2 كوب دقيق فاخر
2 معلقة خميرة فورية
1/4 معلقة صغيرة ملح
2 ملعقة لبن بودرة
1/4 كوب سكر
المجموعة التانية
3 كوب دقيق فاخر
1/2 كوب زيت نباتي
الطريقة
نحطي مقادير المجموعة الاول مع بعض ونسبهم يتخمرو 10-15 دقيقة
وبعدين نضيف المجموعه التانيه ونعجن ربع ساعه علي الاقل
وبعدين قطعت العجينه كور متوسطه
وجبت طبقين طبق فيه زبده سايحه وطبق فيه قرفه وسكر
وتاخدي العجينه تحطي في طبق الزبده وبعدين في طبق القرفه والسكر
وندخلهم الفرن 200 ربع ساعه تقريبا
وبعد ما تطلع تحطي صوصك المفضل
انا حطيت الحليب المكثف المحلي
الطريقه التانيه
سينابون بلشكولاته السايحه
برضو نفس طريقه العجينه
وتفرديها قدامك
وسيحت شكولاته خام بس خلتها تقيله شويه
وتحطي الشكولاته في النص الاولاني بس كفايه
وتلفي رول زي السينابون العادي بتاعنا
بس تسبيه مقفول تقفلي الجناب كويس
وتحطيه في الفرن وهو زي رغيف الفينو كده
وبعد ما يستوي تسيبيه يبرد خاااااااااااالص وبعدين تقطعيه
بس كده مفيش اسهل من كده
انا عارفه انكو كلكو احسن مني بس قولت يمكن حد يستفيد
ياريت يابنات اللي تستفيد بمعلومه تقيم علشان غيرها يستفيد بس مش اكتر
انا كده خلصت ياقمرات
اي سؤال تحت امركو
اسائلكو براااحتكم خالص انا بحب اللي بتسئل وتستفسر وتتعلم
الموضوووووووع الجاي
صوره للتشوييييييق
تقدري تقاومي العشوايه دي اممممممممممم
- صور سينابون ع الطبيعيه
