# وبعد مرور 20سنه #
بفيلا وجدان محمد ال…
وجدان الام: 41سنه..كبرت بالسن ونضجت لكنها لا تزال جميله وذات ملامح مشدوده
واخاذه وتمتلك جسدا ممشوقا
وخصرا ضيقا جدا..وشعرها البني الطويل لا يزال في تالقه..
التوام نايف وسعود وعبدالله:
20سنه..طالعين نسخة عن ابوهم زياد بكل شي..نفس الشعر الاسود الناعم..نفس الطول والصدر العريض والمنكبين الواسعين.. نفس الحواجب الحاده.. واخذوا من
امهم فقط لون العنين العسلييتين..
كانت الساعه 11 الظهر..وكانوا
بالمسبح..
وجدان كانت عالطاوله تقرا كتاب انجليزي..وعيالها كانوا يتسبحون..
نايف يحرك شعره بقوه والماي
يتطشر بكل مكان..وبابتسامه: يمه تعالي تسبحي حلوو الماي..
وجدان رفعت راسها وضحكت: ههههههههههههه لاا مشكووور
سعود بغمزه: ليش يمه تخافين
..
وجدان رفعت حاجب وابتسمت:لا بس انا متعوده اتسبح بالبيكيني وطبعا مستحيل البسه عندكم..
ورجعت لكتابها..
نايف وسعود وعبدالله:
هههههههههههههههههههههههههههه
عبدالله ابتسم: انزين يمه..
وجدان تتاففت: اففف بعرف تتحجون بالدور انتوا..اخلص شتبي..
عبدالله ضحك: هههههههههههههه
يمه اليوم الشباب بيروحون المخيم عند فارس
وجدان بسرعه وقفت: ما فيه روحه..
عبدالله استغرب انفعالها: ليش يمه فارس ولد بنت عمج وعادي اروح استانس معاهم..
وجدان بحده: عبدالله قتلك لا يعني لا..لا تجادل..ودخلت داخل
معصبه
عبدالله: بعرف امي ليش ما تحبهم
نايف : امي ما تكرههم بس ما تطيق ابوه اللي اهو ولد خالها..
سعود طلع من المسبح: امشوا
نروح لها شكلها زعلت..
عبدالله: اصبر نلبس ونروح لها مع بعض..
فوق بغرفة وجدان الملكيه بالوانها الابيض مع الرمادي والاحمر..
كانت وجدان قاعده على سريرها وجدامها البوم صور ذكرياتها مع حبيب عمرها زياد..
استغرقت بذكرياتها وما حست بعيالها..
عيالها دخلوا ووقفوا ثلاثتهم جدامها
عبدالله انعصر قلبه لما شافها تطالع صور ابوه: يمه انتي زعلانه مني..
وجدان مسحت دمعتها بسرعه: لاااا
نايف قعد عندها ومسح دموعها
: يمه شفيج..انتي تتضايقين من الوليد ولد خالج صح..
وجدان ابتسمت: ملاحظتك قويه
..
نايف ابتسم: يعني صج..
وجدان وقفت وراحت عند الشباك: ايه صج..وعشان ترتاحون بقولكم..الوليد خطبني
مرتين وانا رفضت..مره قبل زواجي انا وزياد ابوكم..ومره بعد وفاة ابوكم لما ولدتكم وكنت بالنفاس..بس بهذاك اليوم
اذكر اني عصبت على ابوي وقتله
اني مستحيل اتزوج بعد زياد واخلي ريال يفرح فيني وطلعت غرفتي وانا ابجي..:
فوق بغرفة وجدان..
كانت قاعده عند الصوفا وتبجي
: مستحيل يفرح فيني ريال بعدك
يازياد..مستحيل..انا فيك ابتديت وفيك انتهيت..
وجدان تكمل: بعدها ظليت بروحي ما ادري جم ساعه مرت
بس اذكر اني رفعت راسي وشفت الوليد..:
وجدان بدهشه وخوف وهي تشوف الوليد نط من البلكونه: وليد..انت شلون تسمح لنفسك تدخل غرفتي بهالطريقه..
الوليد بانفاس عاليه: ليش رفضتيني
وجدان بحده وهي ترجع لورى وتلمح الساعه كانت 3 الفير: لاني ما احبك ولا اواطنك..انا ما حبيت من الرياييل الا زياد..ومستحيل اتزوج بعده..
الوليد عصب ومسكها بعنف: بس انا احبج وابيج..انا اوهمت اهلي اني مسافر لندن ادرس عشان ابعد عني الشبهات..انا اللي دبرت حادث وفاة زياد بنفسي انا..انا اللي كنت اتابعكم خطوه بخطوه..انا اللي خربت البريك عشان يدعم ويموت..وبعد كل هذا تقولين مابي اتزوج..لا بتزوجيني غصب عنج وبنشوف..
وجدان تكمل بحقد ودموعها تنزل بسرعه: وقتها حذفني عالسرير بقوه وتهجم علي..
نايف وسعود وعبدالله بصوت واحد: اعتدى عليج الكلب..
وجدان تصير على نفسها: لاااا ما
قدر يلمسني..كنت اصارخ وسمعني طلال ويا تهاوش معاه وفكني منه..وصارت هوشه كبيره بينه وبين خوالكم وقدر طلال يطعنه بسجين بس ما مات..واشتكيت عليه ودخلته السجن وحكموا عليه 10سنين..
من وقتها وانا ما احبه ولا اطيق اسمع سيرته بس اذا انجبرت اروح عشان اشوف اريج..
عبدالله كان مقهور من نفسه..راح لها وباس راسها: اسف يمه
ما كان قصدي اضايقج..ما توقعت ان في احد بهالخسه..
نايف ابتسم بسخريه: لا تستغرب فهالزمن كل شي صار عادي.. تبوق وتقول هذا حقي عادي..تصير جنس وتقول هذي حريه عادي..تشوف صبيك وتقول هذي حريه عادي..نواب يتحاذفون بالمجلس باقبح الالفاظ ونقول هذي ديمقراطيه
عادي..بس كل هذا ما يغنينا عن ديرتنا الكويت..
سعود ضحك: ههههههههههههههه
حسستني جني قاعد بندوه..
الكل: ههههههههههههههههههههه
وجدان ابتسمت: روحوا البسوا عشان نطلع نتغدى برا..
فيلا عمر محمد ال…ابو محمد
عمر الاب: 43سنه..كبر بالسن وزادت ملامحه حده ورجوله وقوه..
شجون: 41سنة..زادت نضج وجمال ومحافظه على رشاقتها
بريجيم..
عيالهم:
محمد: 21سنة..يشبه لابوه بالضبط نفس العيون العسليه والشعر الاسود وحتى نفس مكان الشامات فوق الشفايف وتحتها..وقدساوي لان ابوه ربى هالشي فيه..
منى: 19سنة..حلوه وطويله وتشبه امها..
ابتهال: 18سنه..تشبه لجدتها ام عمر وايد وملقوفه والكل يحبها
انس: 17سنه..
ابراهيم: 15سنه..
الساعه 2:30..عالغدى..
ابتهال: يبه..
عمر ابتسم: نعم..
ابتهال ابتسمت: بنروح عند يديده اليوم..
عمر ضحك: ههههههههه ايه بنروح لهم بعد صلاة المغرب..
ابتهال استانست: عيل بابا امانه امانه بقعد عند شهد بنت عمو سعود اليوم
انس ضحك: هههههههه تحجي عدل جنج ياهل
ابتهال ضحكت: هههههههه مالك شغل انت
عمر ابتسم: شوفي امج اذا رضت روحي
شجون ابتسمت: بكيفها خل تروح تستانس مع البنات..
ابتهال بفرحه: هيه..
ابتهال تضحك: هههههههههههههه
قعدي بس قعدي كلمي غداج..
محمد خلص اكله ووقف: الحمدلله..
شجون: وين يمه كمل غداك..
محمد ابتسم: لا يمه فديتج..تعبان وبروح انام..
وصعد فوووق..
بفيلا وليد طلال ال..ابوفارس
الوليد: 47سنة..كبر بالسن وتغير
وايد ومقاطع كل عيال خالته ام عمر بعد ما دخل السجن..وصار
يشرب ويدخن بس اريج ساكته عنه عشان عيالها وبس..
اريج: 44سنة..صارت داعيه اسلاميه..طيبه وملتزمه بس ما تفرض رايها عالناس..
عيالهم:
فارس: 20سنه..وطالع عكس ابوه. طيب وقلبه نظيف ومتواضع
ويحب الكل وعلاقته بكل شباب العايله حلوه..وطبعا اريج لما حملت فيه كان وليد بالسجن عشان جذي ما تطبع باطباعه..
اسراء: 10سنين..يابتها بعد ما طلع وليد من السجن..
نغم: 8سنين..دلوعة فارس وحبيبته..نعومه وايد..
الساعه 3 العصر
فارس : يمه يمه..
نغم ببراءه: ماما بغرفتها تبجي..
فارس بخوف: تبجي..
بسرعه صعد لها فوق ودخل الغرفه وشافها قاعده عالسرير
وتمسح دموعها..
فارس بسرعه : يمه شفيج..
اريج ما ردت بس خبت وجهها بيدها..: ما فيني شي بس تعبانه
..
فارس بشك رفع وجهها وشاف الاثر بخدها: يمه ابوي طقج صح
..
اريج بتوتر: لا يمه انا طحت …
فارس بسرعه قاطعها: يمه لمتى بتظلين هاينه كرامتج هالكثر..خلاص ما تعبتي يمه عشرين سنه صاك على قلبج..
شستفدنا منه غير الاهانه والعداوات والسكر..
اريج وقفت ومسكت عضده: فارس يمه هذا ابوك عيب تقول
عنه هالحجي..وانا صابره بس عشانك انت وخواتك..فارس يمه
انا اذا تطلقت الناس بتاكل وجهي..يفرجها ربك يايمه..
فارس مسك ايدها وباسها: الله يخليج لنا ولا يحرمنا منج..
اريج ابتسمت:قول لي شنو كنت تبي..
فارس تذكرت: اوووه والله نسيت..كنت بقولج ابي الاغراض
وعدة الشوي حق المخيم عازم
الشباب الليله بنجتمع هناك..
اريج ابتسمت: ان شاء الله يمه الحين اروح اجهزهم لك..
بفيلا مشاري خالد ال…ابوخالد
..
مشاري الاب:44سنه..كبر وتغيرت ملامحه وصار يحب يروح المزرعه دايم وروحه تحلي القعده معاه..
العنوود: 40سنه..حلوه ولما كبرت زادت انوثتها وقوامها نفسه
ما تغير لانها ما حملت بعد التوم
ورياضتها لعبت دور..
عيالها:
خالد وخلود التوم: 21سنه..حلوين وخالد طويل وخلود لانها بنت فهي طولها متوسط وناعمه
واربع وعشرين ساعه ما بعض
حتى بنادي الفروسيه مشتركين مع بعض..
روز والجوري: 21سنه..وعايشين مع اخوهم لانهم متعلقين بالتوم..وملاحمهم اجنبيه بحته..
